مسلسل(كل يوم جمعه ..... صداااع) !!!

[فراولة^فوشيا]

السلام عليكم ورحمة الله وبركاته

بنات اعاني من مشكلة صحيه ... الصداع المزمن :eh_s(11): و ما يروح لا مع مسكن ولا شي اقعد اتحمل لما يروح من نفسه،، ولما يحوشني الصداع تعورني اذوني واسناني مع لوعة في جبدي

الحين الشي الغريب اللي لاحظته من فتره ،،، ان كل جمعه راسي يصدع

اول شي فسرتها اني متعوده بالدوام كل يوم الصبح اشرب نسكافه ،، بس ما اشرب في البيت ،، فقلت يمكن من القهوه
جربت يوم اليمعه الصبح اشرب قهوه بس ماكو فايده ليلحين مسلسل (صداااع كل يوم جمعه)

حللتها بطريقه ثانيه ....
انا وايد ارهق نفسي طول ايام الإسبوع حتى الخميس دوام،، وعندي ارق ما انام مبجر ،، مرات اقعد بالفراش ساعتين احاول انام
وانام تقريبا من 5 - 6 ساعات بالليل ومرات انام العصر اذا ما عندي شي،،

فلما يصير يوم اليمعه احاول اني انام وما اقوم لما اشبع ،، بس ما اقدر راسي يصدع

قلت يمكن لاني انام ساعات اكثر من اللي متعوده عليها كل يوم

انتوا شرايكم ؟؟ وشنو الحل ؟؟؟؟؟؟؟؟؟؟؟

 

[ii DareeN ii]

اختي انتي عرفتي اول شي اساس الصداع بصوره عامه يمكن من الاذن الاسنان لازم تعرفين اساس الصداع بعدين تعرفين سر يوم اليمعه خلصي من الشق الطبي على قولتهم

 

[فراولة^فوشيا]

هلااااا دارين

مشكوره على سرعة الرد

الحمدلله اذوني واسناني ما اعاني من اي الم منهم بس لما يحوشني الصداع من شدته احس الجمجمه كلها تعورني والعوار ينزل لي عيوني واذوني واسناني ،،
سويت فحص من قبل ولا شي له دخل بالصداع

اما سر يوم اليمعه مادري اذا حاله نفسيه ،، او من النوم الزايد (قصدي زايد عن عدد الساعات اللي متعوده انامها)

 

[ii DareeN ii]

حبويه لمى تتاكدين عدل عدل ان ماكو سبب كلينيكي طبي شوفي يمكن نفسيه ولا يمكن عين وحاولي تقرين قران بس عقب ما انج صج تتاكدين من اكثر من طبيب وجربي يوم اليمعه تقعدين وتمارسين نفس حياتج بيوم دوامج شوفي يفرق جربي