رد: رد : مسوية جراحة فك .....قولي تجربتج هني
شلونك رموزه(رمز123)؟
الحمدلله المرحله الصعبه انتهت ...
عندي اسئله ولا عليك كلافه...ان جاوبتيها اكون من الشاكرين:
فيه الم بالفك او الاسنان؟دوخه؟صداع؟الم اذن؟
كيف تتوضين وتصلين؟
كيف نظامك اليومي في النوم والاكل؟ نومك احسن؟وش تاكلين؟كيف تفريشين اسنانك؟
انتي تصومين صح؟وش هو فطورك؟
طلعتي من البيت والا لا؟
ايش يعلقون اهلك عن وجهك؟راضين؟مرتاعين؟ههههه
والاهم كيف نفسيتك؟وتقبلك لشكلك؟
تعب العمليه مثل ماتوقعتيه؟اكثر/اقل وش اكثر شي مزعجك من العمليه؟
كيف خشمك؟ قبل و بعد
طلعتلك وجنات/خدود؟
قصر وجهك وعرض؟
بروز الذقن راضيه عنه؟ الدكتور سوالك تقديم للذقن مع تقديم الفك السفلي والا بس تقديم الفك السفلي؟
وشكراااا يا قلبي...دعواتك لي
تمام الحمدلله ..
اسألتك بحطها وبجاوب عليها واحد واحد علشان مااضيع ..
فيه الم بالفك او الاسنان؟دوخه؟صداع؟الم اذن؟
بالاسنان فيه الم .. مو الم لا مثل الشد حق التقويم عرفتيه ؟ هذا هو بس الالم الحمدلله ..
الدوخه كانت تجيني دايم لين ماصرت اقدر اشرب عدل " شوربه ومرق وعصيرات " راحت الحمدلله .. وفيه فيتامينات سائله طعمها حلو مره .. احطها بغطاء الدواء الشفاف الى 5 مل واملأ باقي الغطى بماء واخلطها واشربها 3 مرات باليوم والحمدلله احس انها فادتني كثير لانها فيتامينات ومكملات غذائيه بطعم البرتقال .. اسمها
SevenSeas Multi Vitamin Syrup
وصورتها ..
انصحك فيها مرررره بس خففيها بماء مثل ماقلت لك لان لحالها تصير حاليه مرررره انا ماقدرت ابلعها الا لما خففتها ..
كيف تتوضين وتصلين؟
والله المفروض اني اتيمم بالمستشفى واول ماطلعت لكن مالقيت تراب فـ صرت اتوضى عادي والمضمضه اجيب كوب وادخل الماء بفمي واطلعه والاستشناق مااستنشق بس اغسل الانف ..
الحين صرت اقدر اتوضى عادي الحمدلله بس المضمضه مااتمضمض بس ادخل الماء بفمي واطلعه .. " كلمت اكثر من شيخ ابي فتوى بصحة الي قاعده اسويه مدري كذا صح وضوئي ولا اتيمم لكن للاسف محد رد علي اذا ردوا بقول لك ان شاء الله "
الصلاه .. اول يوم كنت تعبانه وادوخ كنت اصلي جالسه " بدون ركوع ولا سجود " .. الحين الحمدلله صرت اصلي واقفه لكن بعد بدون ركوع وسجود .. ايماء بس .. " يعني صلي صلاتك عادي وانتي واقفه وبالركوع اركعي خفيف نزلي راسك للحد الي تقدرين له .. وبالسجود اجلسي " مثل جلستنا لبين السجدتين " ويصير السجود ايماء بس ..
هنا فيه شرح مفصل للطهاره والوضوء ..
PHP:
http://www.dorar.net/enc/feqhia/276
كيف نظامك اليومي في النوم والاكل؟ نومك احسن؟وش تاكلين؟كيف تفريشين اسنانك؟
بالصبح اشرب كوب حليب اخلطه مع عسل " بصراحه الكوب اقسمه نصين .. نص اشربه اول شي مع عسل ونص اخلط معاه حلبه " عندي علبه طبخوا اهلي فيها الحلبه وبردوها وشخلوها وحطوها بهالعلبه " صرت اخذ منها فنجان واحطه بالقسم الثاني واحليه بعسل واشربه " لان الحلبه تجبر العظم بسرعه ..
واكلاتي اكثر شي .. شوربة وعصيرات وحليب بالموز وشوربة عدس وسيريلاك بالقمح ههههه لاني احبه مره صرت اسويه خفيف شوي واشربه .. ماعليك ان شاء الله ماتجوعين انا اول كنت خايفه مااقدر اكل شي الا سوائل وكذا بالعكس طلع كل شي ابيه اقدر اكله الحمدلله
على فكره تريني ماعمري استخدمت الابره الي اعطوني علشان الاكل .. كل شي احطه بكوب ورق واشربه الحمدلله .. الابره خليتها لغسول الفم واذا فرشت اسناني احط فيها ماء وانظف اسناني من المعجون .. والمره بعد احطها بالابره واغسل فيها فمي من داخل ..
اسناني افرشها شوي شوي 3 مرات باليوم وبعدها استعمل الغسول الي اعطاني ياه الدكتور ..
انتي تصومين صح؟وش هو فطورك؟
اليوم بس صمت .. مع ان الدكتور قال لي لا تصومين بس انا اشوف نفسي مااحتاج فطور ولو دخت ولا تعبت بفطر ..
بس مااوصيك تسحري على شوربة عدس وكوب لبن .. لانه يبقى بالمعده .. والفطور افطرت على كوب ماء وبعدين شربت شوربه " والله ميته على التمر بس الشكوى لله ههههههههه "
طلعتي من البيت والا لا؟
لا ويييين اطلع .. اخرع العالم حرام عليك
ايش يعلقون اهلك عن وجهك؟راضين؟مرتاعين؟ههههه
لا عادي تعودو على شكلي .. والحمدلله يقولون وجهك احسن من قبل اول اسود يخررررع بس يوم طلعت للبيت وصرت اكل وكذا الحمدلله تحسن شكلي ..
والاهم كيف نفسيتك؟وتقبلك لشكلك؟
والله انا من اول ماسويت العمليه وانا نفسيتي تمام الحمدلله حتى بالمستشفى كنت اصيح من الالم واطالع المرايه فرحانه ومو مصدقه اني سويتها هههههههههه
بالنسبه لشكلي مع انه يضحك مررررره صاير وجهي مربع خخخخخخخخ بس قلت لك مررره فرحانه اني سويتها الحمدلله ..
ومررررررره ماعاد عندي صبر ودي يروح الورم بأي طريقه ابي اشوف وجهي شلون بيصير وضحكتي شلون صارت ..
تعب العمليه مثل ماتوقعتيه؟اكثر/اقل وش اكثر شي مزعجك من العمليه؟
يعني كان اكثر مما توقعته بشوي .. لاني دايم كنت اقرأ تجارب البنات انها سهله ومن اول يوم تقدرين تسولفين وتاكلين " وعلى فكره هذا الي المفروض يصير وهالشئ اكد لي ياه الدكتور عبدالله " لان احساس بالوجه مافيه لكن انا مدري وش صار بعمليتي وبعدين عرفت من الدكتور انه الالام الي مرررره تعبتني كانت بسبب انبوب التخدير ماقدروا يحطونه لي من الانف فـ حطوه من الحلق وهالشئ تعبني حتى تشوفين رقبتي من جهة اليمين صاير فيها خط هعريض لونه اصفر يمتد ليييين وسط الحلق .. وهذا اكثر شي تعبني حلقي كنت احس فيه جروح واحس باللوز ملتهبه لاني ماكنت اقدر ابلع شي ولا اتكلم ولا شي .. لكن انتي ان شاء الله ماتحتاجين كذا " لاني مسويه عمليه بالانف قبل 3 شهور "
كيف خشمك؟ قبل و بعد
خشمي الحين مو منفرش الحمدلله " لان الدكتور عبدالله قالي انهم بيخيطونه لي " لكن مادري عن اذا هذا شكله ولا لا لانه مررره متورم وكل يوم اشوفه بشكل "
طلعتلك وجنات/خدود؟
ايه فيه خدود قلت لك صاير وجهي مربع هههههههههههه
لكن تونا بدري عن الكلام عن الشكل .. ان شاء الله اذا راحت هالانتفاخات بقول لك وش صارت رسمة وجهي واذا فيه خدود ولا لا ..
قصر وجهك وعرض؟
ايه.. حتى اهل مررره ملاحظين انه ماعاد طويل مثل قبل .. لكن العرض بعدين راح يتم الجواب عنه ان شاء الله .. ادعي لي بس انفش بسرعه ههههههههههه
بروز الذقن راضيه عنه؟ الدكتور سوالك تقديم للذقن مع تقديم الفك السفلي والا بس تقديم الفك السفلي؟
ايه قدم لي الذقن مع الفك السفلي .. بصراحه مو مبين اني مسويه فيه شي ابد .. لكن كـ شكل متناسق مع الفكين الحمدلله ..
وشكراااا يا قلبي...دعواتك لي
العفو ولوووو ..
الله يقومك بالسلامه يارب .. وتريها سهله مررره ماتستاهل كل هالخوف وراح تذكرين كلامي ان شاء الله ..
:blueSmCLR:
