رد : مسوية جراحة فك .....قولي تجربتج هني
هلا وغلا بالمتفائله .. برد على اسئلتك سؤال سؤال .. :eh_s(17):
وقفت المضاد اليوم الرابع ما تحملته عادي؟
انا وقفته من اول يوم شربته .. ماكنت اكل وسبب لي الم بالمعده حسيت ان معدتي احترقت من الحراره والالم الي بالمعده .. طبعا اختي كلمت الدكتور عبدالله وقال لها خليها توقف المضاد ووقفته والحمدلله راح الم المعده ..
بطني ذبحني احس بالم غريب اذا انسدحت يعني لازم اكون قاعده عشان يخف...احس بجفاف فيه لما اخذ نفس!!!طبيعي؟
ايه طبيعي .. هذا من المضاد .. اذا وقفتيه بيتغير هالاحساس ..
لي الحين يطلع دم من فمي وخشمي-مومره- طبيعي؟
ايه طبيعي .. الدم استمر معي حول الـعشر ايام .. والحين احيانا لما انظف خشمي " وانتم بكرامه " يطلع لي دم متجمد ..
احس بحراره تروح وتجي؟
الحراره بالمعده تروح اذا وقفتي المضاد .. لكن اذا هي حراره بالجسم فـ هي استمرت معي 10 ايام بعد العمليه .. كللل شي اشربه بارد واحط فيه ثلج ولو اقدر اكل كان اكلت الثلج مدري شلون احس من داخل جسمي كله حار واحط على جسمي ثلللللج .. عاد توقعت انها من الدم الي فقدته بالعمليه لان يوم راح التعب الي بجسمي وقدرت امشي واتحرك بدون دوخه راحت الحراره هذي ..
يجيني احساس انه الورم بيستمر ويضيق صدري او شكلي ماراح يعجبني اذا خف(موقادره احكم ولو بشكل مبدئ انه العمليه اوكيه والا لا) ...جاكم هالشعور؟
ايه والله جاني شوفيني نشبت بـ أحب امي كل شوي اسألها عن الورم وعن اكلها .. بس تقول بعد شهر بيصير الورم حلو كنك نافخه وجهك مايصير مبين بشع زي الحين ..
احس وجهي صغر بس مخفوس من تحت على فوق...يعني ما فيه مسافه بين الفك العلوي واسفل الخشم(الخنافر) خايفه؟
ههههههههههههههههه ايه هذا لما اقول لك قبل احس وجهي صار مربع .. بشع مررره والخدود نازله على تحت .. لكن الحين مررره تعدل صار الورم فوق تحت عيوني .. وصار شكلي احسن من قبل وان شاء الله يصير احسن قبل تبدأ الدوامات ..
متى صرتو طبيعين يعني اللي ما يعرفني يقول طبيعيه؟
احب امي تقول بعد شهر تقريبا تحسين شكلك يصير طبيعي ان شاء الله .. انا الحين باقي لي اسبوع واكمل الشهر بس احس وجهي مخشب يعني اضحك ولا ابكي احس شكلي مو طبيعي ووجهي مو مرن مدري متى بيروح هالشي لانه مضايقني اكثر من الانتفاخ ..
لما المس اسناني بالساني من داخل احس مو مرتبه واسناني من قدام كبار مع انها صغار ولثتي يابسه كنها بلاستيك طبيعي؟
انا مثلك والله مو عاجبني ترتيب الفكين على بعض بس نصبر ونشوف النهايه ..
استغرب من اللي تقول تاكل جيلي او كريم كراميل او زبادي...انا السيريلاك اسويه سايل حيل عشان يدخل ...شلون تاكلون هالاشياء؟
شوفي انا طريقتي اخذ الزبادي واحطها بصحن واهرسها بالملعق لين تصير لينه شوي وبعدين اخذها بالملعقه واحطها على اسناني واشفطها << شفاط النمل خخخخخخخخخ " بس انا فيه فجوه بين الفكين عندي للان
علشان كذا اقدر اشفط الزبادي .. وتقدرين تسوين الجلي والركاميل مثل طريقة الزبادي ..
سؤال لحبيبتي رمز:كم صار لك الحين وان شاء الله كل شي تمام؟بديتي تشوفين شكلك تعدل من قبل والا مو مبين؟موعدك اللي بعد العمليه بعشر ايام عند د.عبدالله ايش سوالك؟ممكن يغير هالاسيام؟احس حاطها بشكل خربوطي ههههه مضايقتني
الحين صار لي ثلاث اسابيع .. والاحد الجاي موعدي علشان افك الاسيام ان شاء الله .. وشكلي تعدل احسن من قبل بس للان مخشب مو طبيعي مره .. التعابير الي بالوجه رايحه فيها .. موعدي الي بعد العمليه كان علشان يسكرون لي الاسنان بالاسيام لانهم ماقدروا يسكرونها لي بعد العمليه .. انتي مثلي احس حاطها بشكل غريب فوق وتحت .. وهو قال لي خلي التقويم لا تشيلينه علشان نربط فيه الفكين .. واستغربت انه شال التقويم بالعمليه !
طيب جاء دوري اسألك .. ههههههه
الحين الفكين عندك متطابقين على بعض ؟
انا الفك السفلي عندي مو متطابق مع الفك العلوي مدري ليه ماخلاهم الدكتور متطابقين للان فيه فجوه مع انها صغيره بس مضايقتني مره مدري يتعدل مع التقويم بعد العمليه ولا لا
واحس كل مااشوفها ودي اصيح اقول بنفسي ليه ماعدل لي الفكين مع بعض دامه مقدم السفلي ومرجع العلوي ؟
