مسوية جراحة فك .....قولي تجربتج هني

[el-zain]

حبيبتي مسك ميييرسي :eh_s(6): ... :eh_s(6):

 

[safia]

اليوم رحت موعدي
قالوا خلاص مراجعاتج بتصير كلها عند دكتور التقويم اشرف
لما رحت له سوالي اشعه قال ما سوو فكج عدل كنا يبيه يطلع اكثر
وصح انا لاحظت ان فكي مو حيل مطلعينه
مادري شنو سوى وحط لي سيور وعطاني تمارين قال فتحي حلجج وسكريه وحاولي تجدمين فكج وانتي قاعده علشان يتجدم
وعلمني طريقة اضحك حيل وابوز حيل علشان الانتفاخات تروح على قولته
والاكل ممنوع شهر ما اكل يعني تو الناس

 

[غلاااه]

صافيه جزاك الله خير يا قلبي
والحمد لله أحس امورك أحسن بس أصبري
بتمر الايام مثل غمضت العين .



...


سارونه مشكوره حبيبتي شكلي باكله من الحين _03ba:



​

 

[dantella]

اي بالاخير دكتور محمد المصري مودكتور تجميل مايعرف المقاييس الجماليه بس بالاخير اهو بروفوسور شاطر ومامنه خوف

 

[el-zain]

واااي حبييبتي صافيه الله يعييييينج كل هالتعب و ما ظبط الفك !!... بس الحمدلله ان بالتمارين راح يتجدم و ان شاء الله يتعدل..

 

[مــســك]

صافية بعد عمري والله ..


انااا مثل حالتج فكي العلوي نااازل .. يعني لما اضحك لثتي تطلع افف مااحب جذي ..


حتى لما قلت حق دكتورتي التقويم ابي الحل شلوون .. ابي لماا اضحك يعني ماتطلع لثتي ..

جان تصرخ علي لووووول وتقولي انتي تقويم ويالله تحملتي لان دايم اتآلم عندهااا واقول لها وخري ايدج


وكانت تسميني الناعمة .. فقالت لي دي عميلة فك وجراحة وصعبة عليج جااان اخق من قالت لي جذي ..


بس وربي الشااهد من شفت ردود البنات وأولهم دانتلاااا تشجعت وشفت ان نتيااجهااا وايد ايجابية وتعزز ثقتج بالنفس وايد ..


فـ تحمست للموضوع وقلت ان شاءالله ربي يسهل اموري وراح اسويهاااا بأذن الله .. << مو جنج قلتي قصة حياتج ؟ لوول



صافية .. الحين شلون جذي ليش قالج فكج مو عدل ؟؟ يعني شنو قصده ..؟؟

بس شرايج الحين بويهج صار احلى من قبل لانه صار اقصر ومدور موو ..؟؟

 

[dantella]

حبيبتي مسك فديتج بس فهميني اناابدا ماشجع على هالجراحه لو ماكنتي حاسه انج محتاجتها لان فعلا تحتاج قوه وصبر لان محد راح يفيدج عقبها الا نفسج
الجراحه هذي فعلا تغير من نفسيه الواحد لان فعلا شي مزعج انج تحسين انج مومثل خلقه الباجي بس دام الحل موجود ودولتنا موفره لنا العلاج ليش لا
بس نحتاج شويه صبر وقوه

 

[safia]

غلاة
تسلمين ياعسل <<الله ابي قيمر وعسل
مالنا غير الصبر

دانتيلا
صح كلامج اهوا متخصص بالفك بس مو تجميل

مسك
لوووووووووووووول يالناعمه اذا التقويم مخرعج جذي ماعتقد العمليه بتصلح لج ترى مو سهله كلش كلش
استخيري قبلها
وبالنسبة للثه اللي فوق تصدقين الحين لما ابتسم احس شكله صاير مو حلو لانهم رافعينه حيل حتى اختي قالت لي مو حلو شكلج

بالنسبة لفكي دكتور اشرف لما شاف الاشعه قال كنت ابيهم يطلعونه بعد جدام بس اهما ماطلعوه وقال لي طالما انج قاعده حاولي تجدمين فكج
بالنسبة للشكل حطمني الدكتور المتوحش محمد المصري لما قال خلااااااص انسي شكلج القديم ده شكلج الجديد
اذا هذا شكلي لاوالله العمليه ماحلتني جكرتني


لاحظوا بنات اليوم معورني فكي ورديت تحسفت اني سويت العمليه

الحمدلله على كل حال

 

[dantella]

ياصافيه الدكتور غلطان لمن قالج شكلج اليديد
ابدا حاليا هذا موشكلج ابدا
اهو قصده انج تنسين شكلج القديم بس نطري الشكل اليديد ماراح يطلع الا بعد مرور سنه
لين يروح والرم كلللللللش وويهج يرد يتعافى ويمتلي بس عطي نفسج فرصه تمتنين وشوفي النتيجه العجييييييبه

 

[safia]

انا مابي اداوم ولا اطلع لخالاتي وعماتي وشكلي جذي
انا حساسه حيل ولو شفت نظراتهم اكيد راح اتاثر

 

[مــســك]

دانتيلااا وصافية تكفوون ابي تشجيع مابيكم تكسرون مجاديفي


دانتيلا وربي ادري انهاا صعبة .. بس شسوي دام الحل ولله الحمد موجود ومتوفر فـ ليش ما اسويها ؟؟ اخاف اذا ماسويتها اندم لا سمح الله ..


صافيــة .. لا انا مو خايفة من تقويم ككل لوول انا بس اخاف لمااا تنظف وتشد الحديد تجيني رهبة ..


بعدين ليش معذبة حالج ومتضايقة ؟؟


كا دانتيلااا اشرحت لنااا حالتها من الاول لـ أخر شي .. وقالت بالبداية راح تخافين من شكلج وتقولين مو حلوو ..لانه وارم ومتفخ وملامحج مو مبينة للحين ..

بس نطري ياحيااتي كلها شهور وراح تشوفين نفسج مثل القمر ..


بعدين لهدرجة تشوفين ان شكلج تغيررر 180 درجة ؟؟ اذا تشوفينة جذي لانه متفووخ وجهج وتحسين انج وحدة ثانية ..


وبعدين اختج الله يهداهااا قطتها بالوجة شلون تقول شكلج مو حلو لما تبتسمين ؟؟ يمكن شافت الحديد واخترعت ؟لووول

ودكتورج لما قالج جذي يبيج تتعودين وتتاقلمين ان ويهج راح يتغيرر يعني راح يصير احلى عن قبل ..



شرايج فيني وانااا احلل العملية ؟ جني خبرة لوووووووووووول :d


ياحياتي سمي بالرحمن وادعي ربج ان يخفف عليج الآلم ويطلع شكلج حلوو ..

 

[safia]

مسك انا اللي قهرني وضايقني ان التعب هذا كله راح على الفاضي
تحملت وصبرت علشان بالاخير تكون النتيجة زينه واخرتها طلعوا مو مسوين فكي عدل
مو قهر؟ والله قمت ابجي نفسيتي صارت صفر
وفوق هذا خشمي ملوع جبدي كان صغير حيل وحلو شلون صار هالكبر؟؟
صوب العيون انا ماتغيرت بس صوب الخشم والفك وحده ثانيه مو انا

واختي بدون شعور يوم شافت اسناني مرتفعين فوق قالت لا شكلهم مو حلو بعدين قالت تضايقتي صح قلت لها لا عادي بالعكس عاجبني انا << اقص على عمري

حطي في بالج ان اصعب شي اول اسبوع بس بعدها تصير صعبه اذا رحتي مواعديج يقعد يومين يضايقج وبعدين لا طبيعي

الحين انا علمني الدكتور على التمارين وحدها متعبه
اول يومين بتكون صعبه وان شاءالله اتاقلم عليهم

دعواتكم بنات نفسيتي تعبانه حيل

 

[أحب أمي]

ام لولو دام خلقته طويل عادي شتسويين فيه!!

حاولين تخفينه بالمكياج والشعر.. لان ماله علاقه بموضوعنا

واذا الفك فيه شي راجعي طبيب

 

[أحب أمي]

انا متضاااااااااااااااااااايقه حيييييييييييييييل

دانتيلاااااااااااا ابي رررررررقمج على الخااااااااااااااااااااص

 

[مــســك]

فديتج صافية لايضيق خلقج ولا شي ..

صدقيني اختج لما قالت لج جذي لانهااا مو متعودة على شكلهم عشان جذي طلعت عفوية منهااا بس صدقيني مع الاياام تقولين الحمدلله اني سويتهاا وارتحت ..


وعليج بالاستغفار والدعاء ان ربي يسهل عليج ويجملج ..


بس انتي سآلي الدكتور قولي انا وايد خايفة شلوون فكي الحين ؟؟ لايكون العملية ما ضبطتوهااا وما تعدل ؟؟ ناشبيهم .. وشوفي شنو يقولج ..


وساليه عن خشمج وقولي له راح يظل جذي ولا يرد على طبيعته ؟؟


والحمدلله ماتغيرتي حيل يابنت الحلال تركي عنج الوسوااس نصيحة مني لج لا تطالعين نفسج بالمنظرة وايد ..


شوفي البنااات الي سووا العملية الحمدلله الحين مرتاحين .. بس بالبداية متضايقين .. وشوفي اليوتيوب شلون اشكالهم قبل وبعد العملية يا حلاتهم ..


وانا الحين بصلي وبدعيلج ياقلبي .. وريحي بالج يا قمر ..


بس الحين جم صار لج من بعد العملية ..؟؟


وقولي للدكتور متى يخف الورم عني شهر شهرين مثلا ؟؟


تقدرين تحطين ثلج على ويهج ولا لاا ؟؟ لان الثلج زين يخفف الانتفاخ ..

 

[safia]

امبيه احب امي لا يكون انا خرعتج
لاحد ياخذ كلامي انتوا اخذوا كلام دانتيلا اهيا سابقتنا بالتجربه وصاحبه خبره
انا توني بمرحلة علاج يعني طبيعي بتكون مشاعري متضاربه
وفوق هذا حطوا في بالكم انا حساسه حيل
يمكن اللي صار لي مايصير لكم


مسك
الدكتور اشرف قال لي لا تشوفين المنظره عكس الدكتور محمد المصري اللي كان غصب يبيني اشوف شكلي
الحين هالاسبوع عندي تمارين والاثنين ان شاءالله بيكون موعدي اشوف الدكتور شنو بيقول
لان دكتور احمد الرفاعي قال عن خشمي كبر لان الانسجه متوسعه يبيلها وقت وترد
واللي مصبرني اني اشوف دانتيلا والبنات باليوتيوب بعد العمليه والعلاج مرتاحين الحمدلله
الحين صارلي اسبوعين من سويت العمليه داشه بالثالث
وبالنسبة للثلج كنت احطه بالمستشفى وماعتقد ينفع الحين

ومشكورة ياقلبي على كلامج الحلو
كلكم يا بنات تسلمون لي والله كلامكم يخفف علي حيل
وان شاءالله اللي تسويها ما تحس بشي وتتصبر وماعليكم من كلامي ترى انا حساسه حيييييل
واكبر دليل شوفوا مشاركاتي مره متضايقه ومره عادي

 

[غلاااه]

صافيه ياروحي يانعومه تعوذي من ابليس

وتذكري ان هالالم بس فتره وتعدي وان إللي سويتيه هو الصح

أفضل من لو ماسوتيها وبتصير عقده الفك معك طول العمر

بعدين ياروحي احمدي ربك قمتي بالسلامه وغيره يهون

انا مامخوفني إلا العمليه والباقي من ألم وتنفخ وورم بتحمله ان شاء الله .

الله يسعدك ويكون مودك اليوم تمااااااااااااااااام .


....


مسك يالغلا ...
فهمت من كلامك انك بس متعقده من اللثه لأنها باينه
طيب الطبيبه قالك لك وهي تسوي التقويم لازم عمليه ؟؟!!

لأنه لو مو لازم بس حابه تسوين تجميل فأفضل تستخرين كثييييييييير
لأن العمليه ماهي سهله .

أنا من قبل ما اسوي التقويم والطبيبه قالت لازم عمليه لأن التقويم
يعالج جزء من بروز الاسنان فقط .. والحين قاعده اضبط مواعيد في مستشفيات الحكومه .
يعني والله لو اسناني ضبطت ومافيه بروز ليه اغامر بحياتي.


دمتم بوووود



​

 

[dantella]

صافيه حبيبتي احب اقولج انتي وايد مستعيله وااااايد وفعلا شكلج الحين لايمكن يكون طبيعي لسبب واحد ان توج
يابنت الناس انتي هذا موشكلج ابداااااااا حاليا هذا موشكلج النهائي
ولا راح يكون ابدا ابدا ابدا
فكج الفوقي الحين تحسينه مرتفع عدل؟
تدرين ان من تبتدين تاكلين راح ينزل وياخذ وضعه
؟؟؟؟؟؟؟
تدرين ان جزء اساسي من العلاج انج تاكلين؟؟؟؟؟؟
راح يركز دكتور اشرف انج لازم تمضغين عشان تنزل اسنانج على بعض
هذا ابدا موشكلج ياحبي
مافي احد يطلع من هالجراحه ويبان شكله بعد سبوعين
اصلا لو احد طاقج طراق مثلا ماراح يرجع وشكل ويهج بهالسرع
اسفه عالمثل
بس شلون مع هالجراحه
فديتج ليش اقولج لاتحكمين الا بعد سنه
لان كل هذا بروووووووووووووووح
مشكله دكاترتج الاغبياء الي موقاعد يطمنونج ويفهمونج وهذا حال الحكومه
ابدا مافي اسلوب تعامل
اعراضج هذي كلها انا مريت فيها
من دشيت 10 شهر ووويهي كللللللللله تغير اصلا انا لي يومك هذا تغير يتغير ويهي للاحسن
حتى خشمي قبل لا شهور بس كان اكبر من الحين
الحين احس خشمي راكب على ويهي
فعلا هالاعراض الي تتكلمين عنها من الفك المرتفع والخشم الفارش كللللللها صارت لي بس مادامت ابدا ابدا ابدا وغلات امي
قاعده احلف بغلاتها ترا
غلط تحكمين على شكلج الحين اكبر غلط والله المشكله ان بعد مرور 3 شهر راح تعرفين ان كلامي صح

 

[dantella]

انا متضاااااااااااااااااااايقه حيييييييييييييييل

دانتيلاااااااااااا ابي رررررررقمج على الخااااااااااااااااااااص

حياتي شفيج ليش عسا ماشر
شصار عليج؟

 

[dantella]

اصلا اقولج شي صافيه
انتي تحسين بعد العمليه ان من صوب عيونج ماتغير هذا وايد حلو
انا من بعد الجراحه لي رابع شهر تدرين شصار بعيوني؟
كنت ماقدر اتحكم فيها
كان مافيها ملامح ولا تعابير من اثر الجراحه
ويهي كان كله مافي تعابير
بس هالشي ماستمر اكثر من 4 شهور ورد كلشي مثل قبل وافضل
هالاشياء وارده بس مودايمه وغلطه الدكتور الي مايشرح للمريض ولايطمنه
بس ماعليه مالومج
بس ارد واقول لالالالالالالالالالالالالالالاتحكمين الحين ولا حتى بعد مرور 6 شهور ححححده ريض
ولاتسمعين راي احد ترا محد مار بهالعمليه
ومع احترامي لخواتج واهلج بس اهم مو فاهمين خصوصيه هالجراحه
طبيعي يقولون الي شايفينه
الي شايفينه انا ماره فيه وراح وانتهى وتعدل كلشي الحين
انا اكلمج وصارلي سنتين الحين من سويتها لي يومك ويهي يتغير للاحسن
اصلا انا يقولون لي صغرتي ويهج مايعطي عمرج
اعرف ان هالكلام مومجامله لان فعلا بعيني شايفه التغييرات شلون قاعده تصير ودكتور محمد المصري تراه شاطر لاتخافين وفكج هذا راح يتغير هذا مو وضعه ابدا