مسوية جراحة فك .....قولي تجربتج هني

[غلاااا الروح]

شلوووووووووووونكم حبايبي انشالله بخيرررررررر

مسك حبيبتي انا فتحت ملف بس تو الناس على العمليه لحد الحين مادخلت على دكتور علشان يحددلي متى بس اتوقع تو الناس عليها لانه انا توني مركبه تقووووووويم واخاف يطول والله كريم

 

[سارة252]

دانتيلا .. انا الحين بداية الخد الي عند منطقة الشنب موب مبين انه مورم بس ع قولة اختي اذا مسكتيه كانه بلون منفخوة موب جلد طبيعي
يروح ؟
ولا هذا من اثار العملية ؟
وانا الحين خلصت 8 شهور وبادية بالتاسع

 

[dantella]

ساره موفاهمه عليج بالضبط؟ يعني تحسينه جلد فاضي ؟ مو معبى؟ يبين لمن تضحكين مثلا؟ شلون بالضبط الخد عند بدايه الشنب؟ تقريبا مابقا لج شي عالسنه يعني المفروض كل اثار الورم راحت وبدا يطلع شكلج النهائي ؟ زاد وزنج ؟ بدا ويهج يعبي وترجع له صحته؟ اذا بدا يعبي هني تنقدرين تحكمين

 

[ظروف الليل]

:rerrerek:

حبيبتي ضروف الليل مابي احبطج بس الحكومه اعتقد اذا عديتي عمر ال25 صعب يسوون لج تقويم
وهالجراحه بدايتها لازم تقويم الا جان تسوينه بالخاص
عموما لانستبق الاحداث
انتي الحين روحي الاسنان التابع لمنطقتج وجيكي معاهم
بالنسبه لي انا لان جربت عماد النجاده فاشوف شغله وايد زين

:rerrerek:::rerrerek:انا اسناني خلاص صارت زينه صفه وحده رغم اني شلت التقويم بروحي واعتقد 99% ما احتاج تقويمبس تلبس ضرسين يعني الحين اروح حق المستوصف واقول لدكتور الاسنان ابي تحويل جراحه فك ؟؟
وعماد النجاده موجود بالاميري؟؟؟ وانا مرة رحت مستشفي رويال حياه سألتهم عند دكتور امريكي للتجميل اختي مسويه خشمهاا عنده فحصني قال انصحج ماتوسينهاا اهني عندناا واذا تبين شي مضمون روحي حق دكتور محمد المصري امدحووه حيل يقولون احسن دكتور بالكويت ورئيس دكاترة الجراحه للفك

 

[سارة252]

هلا دانتيلا
لا انا الشكل الي من برا بببد مو باين .. بس اخوي لاحظ ومشاءاالله مولاحته دقيقة بزيادة
يعني تحسين انه مسكت منطقة الخد الي بين الخشم والشنب ( المكان الي اذا ظحكتي يطلع فيه خط ) >> عرفتيه
احسه شوي فيه ورم واذا مسكته احسه جلد فاظي
وشكلي الطبيعي خلاص الحمدالله وضح .. بس هذي المنطقة احس لسا فيها .. ومنطقة الشنب نفسها احس فيها شووييي مرة بعد

ما تحسين طول ؟ولا عادي ممكن ياخذ كل هذا الوقت؟

 

[dantella]

فديتج غلاتي انا ماعندي هذا الي تقولين عنه ولا قدرت اتخيله شنو اهو بالضبط بس ليش ماتسئلين عنه دكتورج عشان يطمنج اكثر؟

 

[سارة252]

طيب طبيعي انو لسا فيني شوية ورم ؟ احس طول بزيادة ؟

 

[dantella]

ساره وين تحسين الورم موجود؟ وين متركز الحين؟

 

[safia]

بناااااااات اليوم رحت موعدي عند دكتور اشرف
دخلت عنده عادي وفجاه شال السيور وقال قومي حسيت فكي مو فكي مو عارفه اشرح احسه بيطيح وانا امشي يطقطق لوووووووووووول
قعد يكتب ورقة وقال لي روحي لدكتور احمد الرفاعي علشان يشيل لج الاسلاك
اخترررررعت لانه قال لي بموعدي اللي طاف انهم ماراح ينشالون الحين تو الناس وانا كلش ماهيأت نفسي

ورحت لدكتور احمد الرفاعي ..........

دانتيلا شرايج اكمل ولا لا d:

 

[سارة252]

ساره وين تحسين الورم موجود؟ وين متركز الحين؟

المنطقة الي تحت الخشم بس نصها (الجهه اليمنى ) .. ومنطقة بداية الخد (بس مو بداية الخد الي جنب الخشم . لا بداية الخد الي جنب الشنب)
يارب تكونين فهمتي منب قادرة اشرح المكان
هو موب باين انه فيه ورم بس اذا مسكتية كانه جلد فاضي وهذا يدل انه لسا فيه ورم

 

[غلاااه]

صافيه حبيبتي مبرووووك >>>ياااارب عقبالي

يلا شدي حيلك في الأكل :d


...


بنات عندي سؤال والله يسعدكم جاوبوني عليه

أنا من 4 سنوات خلصت تقويم والحمد لله بس الحين عندي النابين إللي تحت مايلين شوي

بسبب ضرس العقل لماطلع خرب الدنيا

تتوقعون يرتبونه لي أول قبل العمليه ؟!!

وإذا أيه

كيف يرتبونه ومافيه مكان خلفه ؟!!
يعني الاسنان مرصوصه جنب بعض ومافيه مجال !!


وشكراااا​

 

[safia]

غلااه لا ماقالوا لي اكلي تو الناس بعد اسبوعين الى ثلاث اسابيع ان شاءالله

 

[dantella]

صافيه اهو المفروض عقب اربع اسابيع وينشال كلشي فطبيعي ان شالو كلشي
الحين تقدرين تاكلين الاشياء اللينه المهروسه بلشي اكل واهتمي بصحتج
الاحساس الي تقولين عنه طبيعي بسبب ان العضلات بالفك كلها ميييييح مع الاكل راح يرجع طبيعي
لاتهملين التمرينات
وحاولي كثر ماتقدرين انج تطبقين فكينج على بعض لاتطاوعينهم اذا حسيتي انج مومرتاحه للتسكيره خلك مسكره هالوضع بيستمر معا جذي بو شهر
مبرووووووووووووك

 

[safia]

هلا دانتيلا

فكي يعورني حاشج هالشي؟؟
كل ماحاولت افتح حلجي اكل احس يعورني ويضيق خلقي

يوم الخميس ان شاءالله موعدي سمعت الدكتور يقول بيحط لي سيور ليش بعد

الله يبارك فيج وعقبال ما اكل بيتزا ان شاءالله p:

 

[dantella]

اي حبيبتي عادي الي تحسين في الفك لي الحين تحسينه مومتوسع راح يتوسع بالتدريج شوي شوي عليه ولا تشدين ولاتحاولين تبطلينه اكثر من اللازم بس هم حاولي كل يوم عن الثاني راح تحسين افضل
السيور عادي راح يوصلهم مابين اسيام التفويم نفسه كنوع من المقاومه للفك ... يعني جنهم اثقال الرياضه عشان بس يشد عالفك وترجه تنمو له عظلات ويصير قوي ماراح يضايقونج انتي راح تقدرين تشيلينهم وتردينهم بس لازم تلتزمين فيهم الفتره اليايه عشان يقوا فكج
تلاحظين الحين ان فكج خفيف وبسرعه يطقون في بعض
لان مافيهم قوه

 

[dantella]

فديتكم حبيباتي انا اليوم مسافره وراح ارد عقب اسبوع سامحوني لو تاخرت بالرد والي يبي شي يراسلني عالخاص

 

[safia]

بس الدكاتره يقولون لي فجي حلجج على الاخر
دكتور محمد المصري ضغط على مفاصل فكي من الصوبين
وقال خمس دقايق الصبح وخمس دقايق بالليل خصصيهم تمارين تفتحين فكج وتسكرينه
والمشكله ان التقويم كله تكسر باجر ان شاءالله موعدي واشوف شنو بيسوون


حبيبتي تروحين وتردين بالسلامة ان شاءالله ولا تنسين الصوغه لوووووووووول

 

[أحب أمي]

مرحبا بنات

انا امس شلعت ضرسين العقل وباقي اثنين

ان شاء الله الخميس الجاي اشيلهم

وجد تعبت من شلعتهم شلون العمليه !!

الله يعين ويستر

 

[safia]

احب امي

وين شلعتيهم وعند منو؟؟

وان شاءالله العمليه بتتسهل

صدقيني الصعوبه تكون اول الايام بس

 

[مــســك]

صبااح الخير ..

دانتيلا تروحين وتردين بالسلامة يارب ..


صافية شلوونج ياقلبي ؟؟ بشريني عنج ؟؟ امبييييية ولهت عليج والله


هاا بشري خف الورم عنج ؟؟

تعانين من شي الحين ولااا الحمدلله احسن ؟؟


جم صار لج الحين ؟؟