مسوية جراحة فك .....قولي تجربتج هني

[غلاااا الروح]

قوووووووووووووووووووووووه حبايب قلبي شلونكم وشخبااااركم من زمان عنكم
مبرررررروك صافيه قلبي انشالله يخف الورم لا تحاتين والفال لي يارب اني اسوي العمليه
عااااااااااااااااد الله يسترررررررر موعدي هالاسبووووع عند عمااااااااد بس انا توني مبلشه تقووووويم
ادعووووولي بنات انه ربي يسهلهااااااا

 

[نواير الجميلة]

أن شالله تسوينها غلا الروح وتقومين بالسلامه أنتي متى موعدج مع عماد؟؟
أنا موعدي يوم الأحد

 

[alhomed]

أخواتي الغاليات وحشتني سواليفكم لي اربعة ايام مادخلت الموضوع ......مسوي مهم

اختي مشاعل سألت الدكتور عن التنميل قالي يروح بس ياخذله فتره ...يقول نادر جدا الي يبقى معهم
إختي احب امي سألتلك اكثر من واحد عن الدكتور خالد المطيري ولا واحد يعرفه اذا تبي نصيحتي وحابه تسوي العمليه بالسعوديه لا تتعدي الدكاتره الي ذكرتهم لكي ....

 

[أحب أمي]

alhomed

تسلم .. لا خلاص من غير شر بسويها عند عماد والله يستر

 

[dantella]

بالنسبه للي يسئل عن التنميل والاحساس انا لازلت فاقده الاحساس بشفايفي وهالشي مزعج وماله حل وصعب ان يرجع الاحساس بهالمنطقه طبعا هذا اسوء شي بس متعايشه معاه

 

[نواير الجميلة]

رحت موعدي أمس حق دكتور عماد قالي ماكو عملية ضاااااااااااااق خلقي شوي وأبجي قلتله امبلا ابي اسوي قالي ماكو وأشوفج بعد 6 أشهر أذا تبين عملية

 

[alhomed]

بالنسبه للي يسئل عن التنميل والاحساس انا لازلت فاقده الاحساس بشفايفي وهالشي مزعج وماله حل وصعب ان يرجع الاحساس بهالمنطقه طبعا هذا اسوء شي بس متعايشه معاه

دانتيلا خرعتيني انتي متأكده ان التنميل مايروح لأن الدكتور قالي ماهو أكيد يبقى (حالات نادره)
إنتي ايش تشوفي وخصوصا انه عندكم بالعيله اكثر من واحد مسويها ايش لاحظتي ؟؟؟راح التنميل او لا والتنميل فين يكون بالظبط بنفس الشفايف والأ المنطقه الي حول الشفايف

وياليت البنات الي سوو الجراحه(مثل ساره وصافيه يفيدونا بهالموضوع بصراحه انا تحطمت ...:0bee2e8d89:

 

[dantella]

هلا اخوي الحمد
خالي تقريبا صارله اطول فتره زمنيه من اجرى هالجراحه تقريبا الحين صارله 30 سنه من سواها ولازال الاحساس بالشفايف مفقود
والباجي طبعا نفس المشكله
بشكل عام الاعصاب الحسيه المسؤوله عن الاحساس اهي من اعقد الاعصاب واضعفها صعب ان ترجع تنمو واهي اول شي يتضرر بالجراحه

 

[dantella]

حاليا الاحساس مفقود بالشفه السفليه نفسها ومنطقه الذقن واللثه الفوقيه والتحتيه ولمن سئلت عن الموضوع قالي دكتوري ان طبيعي بالنسبه للي اجرو هالجراحه

 

[dantella]

رحت موعدي أمس حق دكتور عماد قالي ماكو عملية ضاااااااااااااق خلقي شوي وأبجي قلتله امبلا ابي اسوي قالي ماكو وأشوفج بعد 6 أشهر أذا تبين عملية

ليش متضايقه فديتج بالعكس الله يبعدج عن العمليات وترا دكتور عماد يطقها بالويه لو شايف انج محتاجه راح يقولج ترا نوعه لسانه طويل ومايسكت
بس ليش قالج 6 شهور ؟

 

[alhomed]

حاليا الاحساس مفقود بالشفه السفليه نفسها ومنطقه الذقن واللثه الفوقيه والتحتيه ولمن سئلت عن الموضوع قالي دكتوري ان طبيعي بالنسبه للي اجرو هالجراحه

يالله يادانتيلا احسها معاناه طيب كيف اقدر آكل وأحس للأكل طعم كيف اتحكم بالشفايف كيف وكيف وكيف ...والله انا متخوف طيب ليش الدكتور يقولي ماهو بكل الحالات

يارب ارحمنا برحمتك والله صعبه بجد صعبه

 

[أحب أمي]

لا مو صصصصصصج

يعني ما احس بالشفايف مثل اول *_*

والله صعبه حيييييييل *_* لالا ليش جذي ياربي

اللهم لا اعتراض

 

[سارة252]

وياليت البنات الي سوو الجراحه(مثل ساره وصافيه يفيدونا بهالموضوع بصراحه انا تحطمت ...

انا بالنسبلة لي الحمدالله الاحساس كامل

 

[أحب أمي]

اشوه سوسو طمنتيني

<-- ماعاد فيني قلب خلاص

 

[el-zain]

اي والله صج شلون ناكل بعدين شلون لي بقينا نشرب ماي مانحس
انزين دانتيلا ليش ماتروحين طبيب اعصاب ولا شي ما يصير ماله علاج صارلج سنتين مسويتها و لما الحين ماراح!!
و عايلتج اغلبهم مسوينها وكلهم ماراح عنهم التمنيل!!!
صاافيه
ماراح عنج التنميل ؟؟

امبي والله ترا العمليه صعبه فيها عذاب نفسي و جسدي و كل شي والله لهم الجنه إن شاء الله اللي سووها ... يعني تخيلو الوحده قبل لا تسويها تكون متأزمة من فكها و عقب ما تسويها تظل جيكره لمدة سنة بسبة الانتفاخ الرهيب و طول هالفتره ماكو طلعه ولا اكل مثل الناس ولا تقدر تصور ولا تروح حفلات ولا شي و عقب هالسنه تعدي مرحله الجكر و تيي مشكلة التنميل يعني لما تكون عطشانه لو تشرب تناكر ماي ما ترويها وعليه
يارب تعيينا و تقوي قلبنا و نسوي العمليه و ما ننتفخ وايد ولا يصير فينا تنميل وناكل و نصور ونطلع و نروح حفلات و نروح كل مكان قولوا آمين

 

[safia]

غلااا الروح
الله يباااارك فيج وعقبالج لوووووول

نواير
دام الدكتور قال ماتحتاجين عملية بالعكس استانسي ترى العملية مو سهله


الحمد
بالنسبة للتنميل توني من يومين بديت احس فيه صوب شفتي اليمين اللي تحت وجزء صغير من الذقن ولا باجي شفايفي رد الاحساس فيها
بس الشفة السفليه صوب اليمين وجزء من الذقن اللي تحته الشفه مارد
والتنميل يحوشني لما اكل بس
ولا عموما الاحساس يرد شوي شوي

 

[dantella]

فديتكم دام ان في دكاتره قادرين يتلاشون هالشي مثل ماصار مع ساره معناتها فقد الاحساس مو شرط يكون مع الكل طولو بالكم

 

[alhomed]

الف شكر دانتيلا وساره وصافيه

والف حمد وشكر لله ان هالمشكله ماهي بأكيده

أبشركم اليوم رحت للدكتور وأخذوا مقاسات الفكين وطابقوها وجابولي شمع لونه أحمر حموووه بالنار وخلوني أعض عليه وقالولي انت الحين جااااااااااااااااااااااااهز إحتمال الشهر الجاي يعني 1/2010 تكفون إدعولي إدعولي إدعولي الله يسعدكم ياخواتي ويرزق كل وحده منكم بولد الحلال الي يصونها ويحبها ويشوفها أحلى وحده ..إدعولي الله يسهل عمليتي ويرضيني عن شكلي بعدها ويقومني بالسلامه ويرجعني لميمتي الغاليه سالم غانم وبدون ما افقد الإحساس....

 

[أحب أمي]

الله يسهل امورك ياخوي ويسهل امور عمليتك وتتكلل بالنجاااااااااح

وترجع لامك سالم غانم


__________

ساره منو دكتورج؟

 

[dantella]

الله يوفقك اخوي الحمد والله انك تستاهل كل خير والله يطمن قليب الوالده ويرجعك لها وانت بالف صحه وعافيه وراضي كل الرضى عن النتايج
بس عاد هااا ماوصيك عالصبر وطوله البال وقوه القلب