مسوية جراحة فك .....قولي تجربتج هني

[حلمي اكون ام Q8]

الله يشفيكم

 

[*kitkat princess*]

ليلى ان شاء الله ماعليج الا العافيه
واضح ان شغل دكتورج الاول مومضبوط وانتي هم لاحظتي النتايج ما انصج ترجعين له
بس حبيبتي ممكن اعرف انتي من وين؟
لان اذا كنتي بالكويت او السعوديه ففيهم دكاتره وايد شاطرين بهالخصوص ماله داعي تروحين فرنسا

مشكورة على الرد حبيبتي دانتيلا
صراحة ارتحت لكلامك اشوف ان هذا الكلام الصح
خلاص ابي اعرف الدكاترة الشاطرين اللي بالسعودية بس ماابي اكرر نفس التجربة هالمرة ودي اسشتير اكثر واعرف عن الدكاترة واسمع تجارب المرضى اللي عملوا العملية عندهم اذا تعرفي اسماء بعض الدكاترة ياريت تذكريهم وبكم تطلع تلكلفة العملية وايش الاحسن الخاص والا الحكومي
وكمان ابي منك تذكرين تجربتك بالضبط لما قريت بعض ردودك لاحظت انه في اختلاف بين علميتي وعمليتك يعني انا طلعت من المستشفى في نفس اليوم والمطاط عملوا واحد في االناب العلوي جهة الشمال ولاسبوع واحد فقط انتي ايش عملتي بالضبط ابي اعرف حتى الادوية اللي اخذتيها وهل قصيتي عظم والا لا بعضهم يقصون عظم واهلي مايوافقون على ذا الشي ابد
مشكورة حبيبتي

 

[أحب أمي]

لياال الصفحات القديمه اقريها صفحه صفحه

كل تجارب البنات بالتفصيل فيها من مرحلة قبل العمليه لين اجراء العمليه

وربي يعطيج الصحه والعافيه

___
حلمي اكون ام .. ربي يرزقج بالذريه الصالحه المعافاة عاجلا غير آجل يارب العالمين

__

دانتيلا ثانكس حياتوو..

__
دانتيلا صج الدكتور اشرف قال لي اشتري صندوق بلاستك قال لج نفس الشي؟ وشنو الاغراض اللي بشتريها من الصيدليه وجم تكلف علشان احسب حسابي يوم الخميس؟!

صف صف الله يهديها فص ملح وذاب عساها تكون بخير

 

[*kitkat princess*]

احب امي
:flower:
ماشاء الله كم صفحة لازم اقرا المشاركات فوق الالف مشاركة نسيتي احنا الشعب الذي لايقرا >>>> امزح معاك
ان شاء الله اقرا كل الصفحات تسهيلا لذي المهمة عدلت المشاركات بحيث تصير 40 مشاركة في الصفحة الواحدة
الحين الصفحات بس 34 صفحة مو 69 صفحة جذي اسهل
ودي اسالك انتي كمان وش رايك اروح لعند الدكتور اللي سوى العملية والا لا اش تنصحين ؟
شكلك بتسوين عملية قريب تقومين بالسلامة ان شاء الله
ربي يعطيج العافية

---

دانتيلا
لمن قريت بعض ردودك قلت انج سويتي تمارين
وش التمارين اللي عمليتها بعد العملية الدكتور اللي سوا لي العملية ماشرحها لي
مكن تشرحين هذه التمارين بالتفصيل
موفقة يالغلا

 

[dantella]

احب امي الصندوق طلبوه مني عشان احط اغراض راح اهو يطلبها منج
مثل القياسات والشمع وغيره وهالصندوق لازم لالالالالالازم يكون معاج وقت العمليه لان هالسوالف بيستخدمونها بالجراحه


ليلى بالنسبه للتمارين هذي عقب الجراحه عشان تساعدين الدوره الدمويه بالشفايف والفك انها تتحرك بهالطريقه بتساعدين ان الشفاء يكون افضل واسرع

 

[*kitkat princess*]

دانتيلا اسفة واااايد كترث اسئلتي عليج
ادري ان التمارين يسوونها بعد العملية
بس ابي تقولين لي وش هالتمارين
ممكن تشرحينها الله يعطيج العافية حبيبتي

 

[dantella]

حبيبتي سئلي مثل ماتبين
هالتمارين بسيطه
انج بس تبتسمين باكثر ماعندج وبعدين تبوزين باقوى ماعندج
وتكررين هالحركه كثر ماتقدرين وعلى فترات اليوم الكله

 

[غلاااا الروح]

تسلمين احب امي بس انا مسويه تقويمي بخااااااااص تتوقعين شنو الحل مع دكتور عماد لانه مادري شسوي هل اخلي دكتور تقويمي يتواصل مع دكتور عماد ولا انطر شوي لما يقرب يخلص تقويمي اراجع لعماد بالبابطين مادامه عندي ملف انصحوني بنات

 

[مــــشاعل]

مشكورة على الرد حبيبتي دانتيلا
صراحة ارتحت لكلامك اشوف ان هذا الكلام الصح
خلاص ابي اعرف الدكاترة الشاطرين اللي بالسعودية بس ماابي اكرر نفس التجربة هالمرة ودي اسشتير اكثر واعرف عن الدكاترة واسمع تجارب المرضى اللي عملوا العملية عندهم اذا تعرفي اسماء بعض الدكاترة ياريت تذكريهم وبكم تطلع تلكلفة العملية وايش الاحسن الخاص والا الحكومي
وكمان ابي منك تذكرين تجربتك بالضبط لما قريت بعض ردودك لاحظت انه في اختلاف بين علميتي وعمليتك يعني انا طلعت من المستشفى في نفس اليوم والمطاط عملوا واحد في االناب العلوي جهة الشمال ولاسبوع واحد فقط انتي ايش عملتي بالضبط ابي اعرف حتى الادوية اللي اخذتيها وهل قصيتي عظم والا لا بعضهم يقصون عظم واهلي مايوافقون على ذا الشي ابد
مشكورة حبيبتي

اشكرك اختي انك طمنتيني..
بالنسبه في السعوديه اذا انتي بالرياض احسن الدكاتره
زهير حيدر(سوري الجنسيه)تلقينه بعيادات صفد الي بطريق الملك عبدالله ويسوي عملياته في مستشفى المملكه..
لانه مايشتغل بحكومي..
في دكتور عثمان الطويرقي(خطييييييييييييييييييييير)هذا سعودي ويشتغل حكومي بمستشفى الحرس..
وبالنسبه للخاص يشتغل بمركز (امج)الي بالتخصصي..
في دكتور بيشي القرني مررررررره ممتاز (بس نفسه شينه مره) وهذا تلقينه بمستشفى الشميسي..
واخيرا دكتوري اي سوا لي العمليه دكتور ناصر النوح..(اتعب وانا اقول انه اخلاق)طبعا تلقينه بحكومي
مستشفى خالد الجامعي وبالنسبه للخاص تلقينه بمركز سيجال بشارع الثلاثين..
شوفي اختي انا لي خمس سنوات وانا ادور على دكتور كويس ورحت تقريبا لكل الدكاتره الي قلت لك عنهم..
بس سبحان الله تسهلت وبالاخير رسيت على دكتور ناصر النوح...(بعد مااستخرت طبعا)

بالنسبه لي الحمد لله الورم خف عن اول كثيييييييييييييير...بس في الم ولحد الان الاكل سوايل..
ولا احس اني تغيرت كثير بالعكس.. بس اللهم اسناني تطابقوووو...
والله كريم

 

[*kitkat princess*]

حمد لله على سلامتك مشاعل
وماشاء الله واضح انه في عندنا دكاترة ممتازين بس الحين لازم اسوي تقويم بالاول واظن لمن اسوي العملية ان شاء الله مارح الاحظ فرق كبير لان مشكلتي الحين في العضة و الفكين لازم يتطابقوا فقط مافي بروز ولاشيءعشان كذا انتي مالاحظتي تغيير كبير في شكل الوجه ويمكن لان الورم لازال موجود قريت ان مشكلتك في اللثة وقالوا لك لازم عملية لان حل مشكلتك حتنحل لمن تسووين العملية المهم عزيزتي ان ابتسامتك طلعت حلوة وانتي بخير
الله يوفقك

 

[*kitkat princess*]

غلاه حبيبتي طولي بالج
ان شاء الله ماكو الا العافيه
طيب مافي حلول لتوسيع الفك عن طريق التقويم مثلا؟
انا اخوي مركبين له تقويم وجهاز عباله عن حديده مثبتينها بسقف حلجه وصارله الحين 6 اشهر مركبها والاحظ ان فعلا فكه الفوقي توسع بشكل ملحوظ
جربي سئليهم عن هالموضوع
وبالاخير اهم دكاتره يعني اخبر
لاتحاتين يالغلا

ثانكس على ردودك دانيتلا اقولك والله ماني مرتاحة لسالفة العملية مشكلتي كلها في العضة وان فكي العلوي يبيبله توسيع ماحس ان العملية حتغير شيء في شكلي
الحين ابي اسالك كم عمر اخوك اللي مركب التقويم والجهاز وعند من راح ؟ وهل تغير شكل الخشم
واش اسم الجهاز ابي لما اروح عن الدكتور ابي اساله عن ذا الجهاز يمكن يغيني التقويم عن العملية ان شاء الله

 

[dantella]

اخوي حاليا عمره 20 وطبعا اهو يعالج بمستشفى حكومي بالكويت بس والله ماعرف اسم الجهاز الي مركبينه له
هو مو جهاز هو تحديده مركبينها بسقف الفم من فوق شغلها تعرض الفك

 

[غلاااه]

مراحب بنات ..

كيفكم ؟

كان مقرر علي عمليتين
الاولى توسيع للفكين ..وبعد قرابة سنه
بتكون العمليه الثانيه .. وهي العمليه المطلوبه وإللي كلكم مسوينها ..

وأثر فيني كلام الطبيب ..



لكن الحمد لله ... آخر مراجعه لي قالي الطبيب الجراح (بعد نتائج كل الاشعات والصور) .. انه فيه حل ثاني

وان شاء الله بسوي فقط عملية وحده .. إللي كل الجميع مسوينها ..

وبيكون رفع الفك العلوي وأدخاله لوضعه الطبيعي ..

وفي الذقن ..



من الفرحه والله صليت شكر لله ..:eh_s(2)::eh_s(2)::eh_s(2):

..

بنات مين شاف صافيه ؟؟
ماقالت لنا شخبارها بعد ماطلعت للأضواء ..!!



دمتن بخير





​

 

[ساره..]

مشاعل وش أخبارك الحين
خف الورم عن أول
البريسز الى الحين فيك
وطولتي وأنتي تنتظرين العمليه

 

[*kitkat princess*]

مراحب بنات ..

كيفكم ؟

كان مقرر علي عمليتين
الاولى توسيع للفكين ..وبعد قرابة سنه
بتكون العمليه الثانيه .. وهي العمليه المطلوبه وإللي كلكم مسوينها ..

وأثر فيني كلام الطبيب ..



لكن الحمد لله ... آخر مراجعه لي قالي الطبيب الجراح (بعد نتائج كل الاشعات والصور) .. انه فيه حل ثاني

وان شاء الله بسوي فقط عملية وحده .. إللي كل الجميع مسوينها ..

وبيكون رفع الفك العلوي وأدخاله لوضعه الطبيعي ..

وفي الذقن ..



من الفرحه والله صليت شكر لله ..:eh_s(2)::eh_s(2)::eh_s(2):

..

بنات مين شاف صافيه ؟؟
ماقالت لنا شخبارها بعد ماطلعت للأضواء ..!!



دمتن بخير





​

اهلا غلاااه هلا يالغالية

الف حمد وشكر الله يقومك بالسلامة حبيبتي
ابي اعرف انتي من الكويت والا من السعودية ؟
ومن الدكتور اللي بتروحين عنده قالوا البنات اسماء عديدة بس ابي اعرف انتي بتتعالجين عند منو؟
ومن نصحك تروحين لعند ذا الدكتور وشلون تعامله معاكي؟
انطر ردك
تسلمين

 

[غلاااه]

هلا layala

ان شاء الله يارب و يسلمك ربي ويعافيك ..

انا من السعوديه .. واراجع عند الدكتور حامد البارقي

في مستشفى الملك عبد العزيز بجده (الحرس الوطني)

بصراحه انا من زمان محوله ملفي بس لأن المستشفى حكومي كان لازم انتظر ويمكن

الموضوع يطول بالسنه والأكثر ..

لكن لما عرفت أسم الدكتور الجراح رحت له في عياده خاصه تستضيفه كل يوم خميس

وهي عيادات سمايا .. وبعدها هو الله يسعده ويجزاه خير .. يسر فتح ملفي على طول .


ان شاء الله اكون افدتك :aha:




​

 

[barbie girl]

السلام عليكم


شلوووووونكم


شخبار البرد وياكم وناسه اخيرا حاشنا شوية برد بنحلل هدوم الشتا

^rose^^ وينج اختفيتي ؟ سويتي العمليه ولا بعد ؟؟؟


احب امي اتوقع امس عمليتها على كلامها ان شاءالله تقوك بالسلامه وتعطينا اخبار حلوه


يلا باجي انا و روز نسوي العمليه

 

[dantella]

احب امي سوت الجراحه؟

 

[^^ROSE^^]

السلام عليكم


شلوووووونكم


شخبار البرد وياكم وناسه اخيرا حاشنا شوية برد بنحلل هدوم الشتا

^rose^^ وينج اختفيتي ؟ سويتي العمليه ولا بعد ؟؟؟


احب امي اتوقع امس عمليتها على كلامها ان شاءالله تقوك بالسلامه وتعطينا اخبار حلوه


يلا باجي انا و روز نسوي العمليه

هلا والله
لا ماسويتها خليتها للصيف
انتي نويتي تسوينها ولا بعد ماقررتي؟
انا خلاص 90% بسويها
الله يسهل ان شاء الله

 

[ساره..]

أحب إمي الله يقومك بالسلامه3>
بنات اللي لسئ وجههم وارم
سمعت ان المضمضه ب شائ فاتر كويس
ويخفف الانتفاخ
أنا جربته في الخلع مره كويس