مسوية جراحة فك .....قولي تجربتج هني

[el-zain]

امبي بنات ظايق خلفي تخيلو الحين لما ابتسم اسناني ما تبين اول كانت تبين بس من كثر ما يشد التقويم الظروس اختفت و انا خايفه اهون عن العمليه و ييصر شكلي اسوأ من قبل
انا حاسه اني ماراح اسوي العمليه لاني بصراحه مو قد هالشغلات الي واجتوها ابر و ادرب و مادري شنو و فوق هاذا التعب النفسي شرايكم بنات اقول حق الدكتور يشيلي التقويم و خلاص بلا عمليه بلا بطيخ ؟؟ و لا اتعوذ من ابليس و اكمل بهالمشوار؟؟
احب امي هاذا الدرب يعور ؟؟ و ابره البنج تعوور ؟؟
احب امي ترا ما راح يصير للأسوأ بالعكس راح يكون مناسب مع قصت ويهج لما يروح الانتفاخ بتلاحظين بس انا قصدي ماراح يصير نفس قصه خشمج القبليه عرفتي طبعا هاذا توقعااتي مو كلام طبي

 

[أحب أمي]

الزين فديتج انتي مستخيره ؟
استخيري نصيحه .. وبعدين شكلج من البدايه كان محتاج جراحه والا لا؟
وبعدين جراحة الفك اللي فوق والا اللي تحت والا الاثنين؟

وشنو بقالج من مراحل ؟
والدرب والابر حتى بدون عمليه الانسان العادي ياخذها وهي اسوء شي بالعمليه الباقي بسيط العمليه تنامين وتصحين والتعب كله من البلغم وتسكير الخشم كأنها صخونه
وإذا بالفك اللي فوق تأكدي من الدكتور بيتغير او لا .. وأكدي عليه مليون مره

وربي يسهل عليج يارب وعلى كل البنات

 

[غلاااه]

السكون ..

خوا جوا عند العطارين اسمها ساق العصفور

وترا بعد ماتحطينها بالزيت الزيتون يصير لونه احمر .

..

الزين

الاستخاره ثم الاستخاره ثم الاستخاره


والله يسهل ع الكل




​

 

[el-zain]

انا قبل العمليه اي كان شكلي محتاج بس انا ماكان اووووفر فكي طالع لي بره بس عقب ما حطيت التقويم برز اكثر من قبل ... و مادري اذا بس الفك التحتي ولا اثنينهم بس دكتور اشرف قايلي لو يحصلي اسوي اثنين يكون احسن و حتى قبل لا احط التقويم رحت حق عماد النجاده قالي احتمال يسويلي اثنين بس عقب التقويم اكيد الظروس تغيريت يمكن يكتفون بواحد .. و المراحل ليلحيني بالتقويم يشد الظروس الي تحت خلصت الي فوق صارو صفه وحده بس الي تحت شايل ظرسي الي ورا ف قاعد يشدهم عشان يقربون من بعظ و بس ناطره ظروسي الي تحت تصير صفه وحده عشان ابلش بسوالف العمليه ياخذون قياسات و مادري شنو ...
انزين الدرب هاذا انا ولا مره جربته يعور يعور يعور ولا يعور الي الواحد يتحمله ؟؟ و شنو اكثر يعور ابرة بنج الظروس ولا هاذا الدرب؟؟ والله مادري اذا انا قد هالعمليه ولا لأ
انا قبل لا احط التقويم كنت حددددي مندفعه على هالموظوع و داشه بقوه و انا الي قايله حق ابوي ابي احط تقويم و بسوي العمليه محد قايلي انا الي متليقفه و جني تسببت على عمري
بس ان شاء الله بستخيير مع اني احس اذا شلت التقويم راح يبين اكثر بروز فكي و الي يظيق الخلق اكثر ان ظروسي لي بقيت اظحك ما يبينوووون والله مادري حددددي محتاره مرات اقول بشيل التقويم و خلاص ماني لاعبه بحسبت عمري وساعات اقول لا اذا شلته بتحسف مادري شسوي
بنات العمليه يعني مو اي احد يقدر يتحملها ؟؟ شورو علي والله صاكه فيني الدنيا

 

[سكـون]

أحب أمي وغلاااه
جزاااااكم الله خير على هالمعلومات

- - - -


الزين اسمعيني زين :eh_s(4):

حبيبتي لا تسوين بنفسج جذي وتخرعين روحج،، ترى السالفة سهالات بإذن الله

مثل ما قالوا البنات أأكد على كلامهم أهم شي الاستخـــــارة،، لا تخوفين روحج وتذبحين نفسج تفكير قبل لا تستخيرييين وتكونين مفوضة أمرج لله سبحانه وتعالى وهو سبحانه بيختار لج الخير بدوون شك

ثانيا انتي الظاهر حالتج نفسي أتوقع، لأن أنا هالأمور كلها ما كانت باينة بوضوح قبل لا أحط التقويم، حتى الدكتور قالي من أول ما حطيته إن التقويم راح يرد شكل أسناني لأصله يعني راح يبين بروز الفك بشكل أوضح لأن قبل كانت الأسنان اللي فوق مقدمة على جدام، والحين مع التقويم راحت ورى فبين بروز الفك، والعملية راح تكون ترجيع السفلي على ورى وسحب العلوي لجدام، فأتوقع انتي نفسي،،

فنصيحيتي لج (بعد ما تستخيرين طبعا أكررها وأحط تحتها ألف خط) رايي تتوكلين على الله وتسوين العملية لأن مثل ما قلت لج الأسنان الحين رجعت لوضعها اللي كان لازم تكون عليه، فبين بروز الفك السفلي بوضوح، وهذا جزء من العلاج، يعني أحس حسافة تهونين عن العملية وانتي مصلحة نص الوضع وتخلين النص الباقي واللي ما راح تظهر نتيجته إلا باكتمال المرحلتين، يعني بعد العملية بإذن الله الفك البارز راح يصير طبيعي وأسنانج اللي فوق اللي تقولين انها ما تبين راح تبين

لا تخوفين نفسج حبيبتي صدقيييني ترى احنا اللي نييب القلق حق نفسنا بهالخوف ولو نمشي كل المواضيع عادي جان مشت عادي
والعملية أتوقع أي احد يستحملها حالها حال غيرها من العلاجات

وخلي أكبر دافع لج (أحب أمي ) تصدقين كنت أقرى كلامها وخوفها وقلقها واقول الله يسهل لها شكلها خوافة حيل<< اللي يسمعني يقول انا شمشون الجبار الحين خخخخ
صج أكثر شي كنت أحاتيه نفسيتها واقول الله يستر لأني ماحب أحد يتكدر ويشيل هم،، لكن بعد ما شفت مشاركاتها ما شاء الله من بعد العملية وهي تتغشمر وتضحك ما تتصورين شقد ارتحت واستانست إنها متقبلة الوضع ومو متضايقة

الإبرة أمرها هين بإذن الله ، كأنها قرصة بثانيتين، وانتي خلاااص نااايمة، ويوم تقومين على كلام البنات اللي سووها الحمدلله ما تحسين بأي ألم وهذا اللي كنت أحاتيه

لا تخوفين روحج حبيبتي واستخيري ثم استخيري ثم استخيري والله يسهل أمرج يارب ويريح بالج
وسامحيني أحس صكيت راسج بهذرتي :eh_s(6):

 

[dantella]

على فكره الدرب مودايم بس اول يوم تالي يشيلونه واحب امي حطوه لها برقبتها لان اهي ضعيفه واوردتها ضعيفه
انا اذكر حطولي الدرب قبل العمليه عادي بيدي ولمن صحيت من الجراحه لقيته حاطينه بريلي ولا حسيت فيه
عادي شكه ابره تالي تحسينه صار جزء منج جنه صبع او ضفر

 

[el-zain]

واااي حبيبتي سكوون تدرين شكثر ريحتيني بالعكس كلامج حدده يهبل و ريحني و كلامج صح ميه ميه يعني لو هونت عن العمليه راح اكون خربت شكلي بالتقويم ما عدلته انا مثل حالتج بالظبط و ان شاء الله بستخيير اكثر من مره و ربي بيختارلي الخيير ... و ان شاء الله اقوي قلبي و اسوي العمليه و انا اظحك هههههه ( قويه ها )

 

[غلاااه]

حبيبتي الزين

لا تغلطين غلطتني والله اني ندمانه للحين

انا من خمس سنين سويت التقويم وقالوا تحتاجين عمليه وقلت لا يعني لا

ولما خلصت مرحلة التقويم اعجبتني اسناني اول سنه بس

وعقبها ردت اسناني مثل ماكانت وانحاس ترتيب الاسنان

وشوفيني قاعده اعيد من جد وجديد .. فتخيلي تعيدين التقويم بعد كم سنه إذا ماسويتي العمليه !!!!

لكم ودي ،’




​

 

[ام شادن2010]

مرحبا اخواتي
انا ضيفة جديدةمعاكم ونفس مشكلتكم طبعا قبل 5 سنوات سويت تقويم وبعدها رجعت اسناسني افترقت واصلا عندي بروز في الفك العلوي قبل اسببوع رحت للدكتور وقال لي لازم عمليةعلىاساس باذن الله بداية شعبان اسويها رغم اني خايفة من تورم الوجه لاني متزوجة لكن اشوف افضل اعملها وعمال استخير وانشالله خير
اتمنى منكم التفاعل معاية وانا راح اوافيكم بكل جديد يسيرمعاية
طبعا انا من السعودية وناويةاعملها في السكري في جدة عند الدكتور زياد رهبيني

 

[سعادتي بيدي]

السلام عليكم
كيفكم يابنات طبعا انا متابعتكم من فترة وماتتصورون قد ايش زرعتو الامل بداخلي انا مشكلتي عندي بروز في الفك العلوي مع ظهور اللثة عند الضحك والدكتور احمد يماني في جدة قررلي العملية بس الي خوفني قال لو انا كنت مكان اهل المريض ماارضى لبنتي انها تسويها بس انا مررررررررة متعبني منظرها نفسيا وناوية اسويها ابغى تشجيعكم ليا والي من جدة ابغاها تنصحني بدكتور معين يكون في مستشفى حكومي واقدر اسوي التقويم في مستشفى خااص والعملية في حكومي والا لا ياليت يابنات تردو علي وتريحوني لانو بالنسبة لي القرار راح يكون مصيري طبعا مافي رجعه فيه دام اني بدأت بالعلاج

 

[ام شادن2010]

هلا اختي سعادتي بيدي
صدفة انا وانتيكتبنا الموضوع مع بعض هههههههههه انازيك من جدة وحعملها ناوية ان شاء الله في المستشفى العسكري عند
الدكتور زياد رهبيني
وتقريبا نفس المشكلة الي عندك

 

[غلاااه]

اهلا وسهلا بالاخوات

سعادتي بيدي ، وأم شادن 2010
حياكم الله معنا .

ام شادن.... ياترا رجعتي حطيتي التقويم مثل اول ولا ؟

سعادتي بيدي ...ما شاء الله الدكتور يماني بعد الله افضل واحد في جده ..

فين قابلتيه ؟ في عيادته ولا في المستشفى ؟؟؟


انا مثلكم تماما .. ورجعت اسوي التقويم مثل اول بس محد قالي امتي اسوي العمليه

وبسويها باذن الله في مستشفى الحرس عند الدكتور البارقي .

والله ييسر الامر لنا .

مره ثانيه حياكم الله




​

 

[ام شادن2010]

هلا فيكي غلاااه
لا والله ماحطيت تقويم تاني بس بعد اسبوع عندي خلع ضروس واشوف ايش حيقولولي

 

[MiSS LoOola]

يسعد صباحج وممساج يا عسل .. انا تمام والانتفاخ مره يخف مره يرد وصوب اكبر من صوب بس الشفايف زوووووووغه اغرااء :dddds: متفوخه لوووووول هالشي الوحيد اللي ودي مايفش _03ba:

..

يعني انا بيركب لي سيور بعد؟ وتطول المده مع السيور ؟!
ومتى نقدر نشيل التقويم

اي احلى شي الشفايف بس لما تحطين حمرة يصير شوي مو حلو

انتي لما تسكرين ضروسج يصير بينهم فجة يغني بين الضروس الي فوق والي تحت ، يطبقون على بعض والا لأ؟؟

 

[سعادتي بيدي]

ام شادن هلا حبيبتي انتي راح تسوي العملية في شعبان على طول ؟؟؟؟
مو لازم يكون قبل الجراحه تقويم ودكتورك زياد ايش قالك عن العملية ياليت تتكلمي عنها بالتفصيل

غلاه..... انا قابلت الدكتور احمد في عيادته بس ماتعرفي هو يشتغل بأي مستشفى حكومي انا سمعت انو في الجامعه بس مو متأكدة واحتمال اسويها في مستشفى الحرس الى الان مااستقريت على دكتور معين اذا تنصحيني بدكتور معين اكون لك شاكرة

 

[غلاااه]

هلا سعادتي بيدي ..

والله انا اتكلم على حسب كلام 2 من الدكاتره .. ان الدكتور يماني هو الاول في هالمجال
وعرفت انه يداوم في المستشفى الجامعي .

لكن انا بحكم ان الوالد في الحرس فتحت ملف فيه وسألت عن الطبيب الموجود فيه وعرفت انه الدكتور البارقي

وسألت عنه كمان 2 من دكاتره الاسنان خارج المستشفى كمان مدحوه لي ..


واخيرا .. تأكدي كل شيء بيد الله اولا واخيرا

والله ييسر لنااااااااااااااااااااااا

.........


احب امي .. كم ساعه ظليتي في العمليه ؟؟

​

 

[el-zain]

بنااات ابشركم ترا الخشم يصغر يصغر مع الوقت اليوم شفت البنت و فرق علي خشمها صح ان يعتبر ليلحيين عوود بس ترا قاعد يصغر

 

[أحب أمي]

الزين فديتج .. لو خيروج بالفكين .. وشكل اللي فوق زين سوي اللي تحت بس علشان ماتعانين من الخشم نصيحه
ولو فكج اللي فوق شكله طبيعي وتحسين فيه طبيعي لاتسوين له ولو خشمج بعد روعه لاتغامرين بالفكين
ولو خشمج بخاطرج تسوين له تجميل من قبل سوي الاثنين

يعني لاتسوين مثلي الاثنين انا قبل اللي فوق مافيه شي عالطبيعه وحتى صفت الاسنان شحلاتهم وكل شي اوكي بس البروز الصجي باللي تحت
بس من قال لي منطقة الخشم نازله شوي قلت اسوي اللي فوق

يعني مو على اي حال تسوين الاثنين لان بتصلحين فكج وتخربين خشمج

وهذاني علمتج علشان ماتتحسفين

 

[أحب أمي]

غلاه اللي اذكره دشيت 6 ونص الصبح

واختي تقول طلعتي على 2 م

 

[أحب أمي]

بنااات ابشركم ترا الخشم يصغر يصغر مع الوقت اليوم شفت البنت و فرق علي خشمها صح ان يعتبر ليلحيين عوود بس ترا قاعد يصغر

زين خبر حلوو بس انا مادري احس ماراح يتغير