مسوية جراحة فك .....قولي تجربتج هني

[مــــشاعل]

مشاعل بسالك كم قال لك مدة البريسز سنتين او سنه

هلا اختي..انا دكتور البريسز عبدالله الادريس بمركز سيجال..
قالي في البدايه من سنه ونص الى سنتين على حسب اسنانك..
بس لاني مستعجله مرررررررررره ولانس قلعت ضرس وقلت للدكتور مو مستعده انتظر لحد مايسكر
مكان الضرس المخلوع قالي عندك حل واحد عشان تتسرع العمليه ان الضرس الي خلعناه تسوين له زراعه
بعد العمليه او تنتظرين لحد مااسكر مكانه عن طريق شد البريسز؟؟؟؟
اخترت الحل الاول الي هو زراعه الضرس بعد مااسوي عمليه الفك بصراحه ماعندي صبر..
حتى انتي ترا مو شرط سنتين بالظبط بالظبط متى ماتعدلت اسنانك على طول يقولك انتي جاهزه للعمليه..
والله يكتب لي الي فيه خيره..ويكتب لكل مسلم الي فيه خيره في كل امر..

 

[مــــشاعل]

إختي مشاعل الله يحرم وجهك عن النار ويرفع مقدارك ويسهل عمليتك وييسرها ويردك لأهلك سالمه غانمه ويرضيك كل الرضا عن شكلك بعد العمليه.....قولي آمين ....وراح ادعيلك انتي ودانتيلا وصافيه وأحب أمي وكل اللأخوات بصلاة الجمعه اليوم من كل قلبي .....بصراحه ماقصرتوا

والله ماتتصوري ايش كثر كنت قلقان من هالدكتور لأن قد مابحثت بالإنترنت مالقيت أحد مسويها عنده
__ صح يمدحونه لكن مافيه تجارب
ياليت ياختي مشاعل تسألي بنت خالتك هل تعبت بعد العمليه وايش المشاكل الي واجهتها وكم قعدة حتى راح الورم الي بوجهها وايش التكنيك حق العمليه يخلو فمها مفتوح والا يسكرونه بمطاطات ولمدة كم ووين سوتها بأي مستشفى ؟؟
آسف على كثر الإسئله بس ودي اعرف معلومات أكثر عن جراحة بنت خالتك لأني عند نفس الدكتور

اول شيء احب اشكرك على دعواتك الحلوه وجد تسلم(اللهم امين على كل دعوه دعيتها)
شوف بنت خالتي انا كنت معاها اول ب اول وقت العمليه (لاني حاطه ببالي اني بسوي نفس العمليه)
شوف اول شيء حطت البريسز وجلست سنه وثمان شهور بعدها قالها دكتور التقويم(سعد الخرسه)انتي جاهزه للعمليه
عملو الخطه واخذو المقاسات واذكر بعد سوو لها تحليل واشاعات..
دخلت قبل العمليه بيوم حطو لها مغذي ثاني يوم قالو لها تروشي ودخلت لغرفه العمليات.لحد هناك ودعتها وتركتها..(انا وامها طبعا)
بعدها بثمان ساعات طلعت مع ان الدكتور قايلنا بتجلس باكثير خمس الى ست ساعات ..
طلعت من غرفه العمليات الى غرفه الملاحظه عشان يتطمنون اكثر..والحمدلله حالتها استقرت طلعوها فوق لغرفتها.
تبي الصدق اول الوقت كانت تخرع(بس ماببغا اخوفك)يعني عادي طبيعي لانها عمليه مو سهله...
ورم كل وجهها بشكل مخيف منفخ مررررررررررررررررررررررررره وخشمها كان منتفخ وشفايفها بعد.
لان العمليه بالفك العلوي فالخشم يتغير لكن الدكتور خيط لها الخشم بس برضو كان اول الوقت منتفخ ومتغير كل شيء فيها
مافي ملامح اصلا..
كان فمها مو مفتوح مره مره ولا مقفل يعني نص تقفيله ولا كانت تقدر تحكي وقالو لها اكلك كلو سوائل ولازم تسوين كمادات على وجهك عشان يخف شوي من الورم.
جلست بالمستشفى خمس ايام بالظبط..يعدها طلعت وعطوها كل مستلزماتها(زي الشفاطات وعطوها مويا بملح غسول للفم
واذكر عطوها اشياء بس مااعرف الاسم بالظبط)
يوم عن يوم يخف الورم بس هي لحد الان تحس بتنميل بوجهها(للعلم فقط)ياليت تسال الدكتور عن التنميل..
اذكر دكتوري يقول في حالات يستمر التنميل معها مدى الحياه وفيه ناس عادي يروح التنميل..
هي تعودت خخلاص على حكايه التنميل الي بوجهها ..
المهم بعد ثلاث شهور راح يخف الورم مره مره وكثير يحسبون انها زادت بالوزن يعني كأنها سامنه لان وجهها سمين شوي
بعد ست شهور ماشاء الله ماشاء الله طلع وجهها خيااااااااااااااااااال.
عريض وقصر شوي عن اول والاهم من هذا كلو بصراحه ابتسامتها زي المشاهير(مافي لثه طالعه وبارزه)
وهالحين صار لها سنتين ماشاء الله عادي وطبيعيه وتزوجت وهالحين حامل وصار كلو ماضي..
عقبالي انا وانت واحب امي وساره وكل مسلم ومسلمه يارب..
بالنسبه لمشكله بنت خالتي هي فكها بارز مره كان واللثه مكشوفه اذا ابتسمت
قام الدكتور كسر فكها ورجعه على ورا وقص من اللثه.

العمليه مو سهله ابد ابد..يعني لازم تختار دكتور كويس وشاطر مو عند اي دكتور.
واستغربت انك تقول محد يعرف دكتور زهير حيدر؟؟؟؟؟معروووووووووووووف اسال الاستشاريين الكبار
كلهم يعرفونه..(على فكره سوت العمليه بالمملكه بعد)
بالتوفيق يارب وعقبال مانحكي عن عملياتنا بعد مانقوم بالسلامه يارب..
واي سؤال انا حاضره واسفه على الاطاله..

 

[مــــشاعل]

نسيت اقولك ان النتيجه النهائيه بالنسبه لبنت خالتي
صارت واظحه بعد ست او سبع شهور بالنسبه لخشمها تغير عن اول بس بشكل بسيط مره مره مره
يعني محد لاحظه ..يعني انا لاني اعرفها لاحظت فرق لايذكر..(وهو بعد خاط خشمها بالعظمه)
بس وجهها صار احلا من اول عشان كذا تغاضينا عن الخشم وعن كل شيء..
بس بقولك شغله ترا بنت خالتي اول قبل العمليه كانت فعلا مسكينه حالتها واظحه لللجميع
يعني واضح ان لها فك بارز لدرجه انها كانت اثناء النوم ماتقدر تسكر فمها من كثر ماهو بارز يعني العمليه
لها مره ضروريه..هذا غيرلثتها مكشوفه واسنانها مره صغار؟؟؟
بس خوفي انا وساره مانحتاج للعمليه مره مره يعني مو مشوهات مره ولا هو واظح زي ماالدكتور قالي
خوفي تطلع النتجيه عكس الي ابغاها..
لان زي ماسمعت ان هالعمليه تبان نتايجها الحلوه فقط للحالات الصعبه والمشوهه
زي مثلا فك بارز لثه مرررررره طويله وبارزه او فك مره متقدم عن الثاني ؟؟يعني واظح للناس..
بس الله يسهل امري وامر كل ممسلم..
انا بسويها لان ابتسامتي بصراحه مضايقتني واعترف ماعندي ثقه بنفسي كل مابتسم احط يدي على فمي.
ف ابغا اريح راسي واسوي العمليه لاني تعبت نفسيا.

 

[safia]

اخوي الحمد تسلم على دعوتك الطيبة

الزين
اي اتكلم الحين عادي بس مو طبيعي لا يعني على قولة دانتيلا بعد الحروف تطلع مدلعه لووووووووول
واقعد مع اهلي وغرفتي صرت مادشها الا وقت النوم

وشنو الحبوب اللي توخر الورم؟؟

غلاة
تسلمين ياقلبي

 

[el-zain]

مادري والله صافيه ما اعرف نوع معين بس اكيد هذولي الاجانب ياخذون حبوب مو معقوله جذي بسرعة يروح الورم ف بشوف بسأل دكتور او اذا اقدر اييبهم من بره

 

[dantella]

دكتور عماد يخيط الخشم وقت الجراحه بس مع هذا يتغير حجمه

 

[Blonde B]

بنات في وحده مسويه فكها اللي تحت
انا فكي صغيييير حييييل وابي اكبره
والحين صارلي من حطيت التقويم للعمليه
9 شهور
وقال العمليه شهر 1
وانا خايفه عشان دراستي ؟! يعني اخاف ما اقدر
اداوم الكورس الجاي وهو اخر كورس لي
يمكن ااجلها لييي شهر 6

شراايكم ؟

 

[أحب أمي]

بنات في وحده مسويه فكها اللي تحت
انا فكي صغيييير حييييل وابي اكبره
والحين صارلي من حطيت التقويم للعمليه
9 شهور
وقال العمليه شهر 1
وانا خايفه عشان دراستي ؟! يعني اخاف ما اقدر
اداوم الكورس الجاي وهو اخر كورس لي
يمكن ااجلها لييي شهر 6

شراايكم ؟

هلا ياقلبي الله يسهل عليج وتسوين العمليه وتصيرين قمر

واذا تبين نصيحتي خلصي الكورس والعمليه تتأجل كلها كم شهر

احنا نطرنا سنين ^__^ يعني عادي اهم شي الدراسه علشان تسويين عمليتج وانتي فاضيه ماعندج شي

والله يكتب لج اللي فيه الخير

 

[أحب أمي]

غلاااااااه الله يسهل امورج وتحددين موعد

 

[alhomed]

إختي مشاعل الف شكر لك والله يوفقك على نقل التجربه والحمد لله على سلامة بنت خالتك ويارب نسويها انا وانتي وأحب امي وساره ونقوم بالسلامه ونرضى كل الرضى عن انفسنا بعدها ....بالنسبه للورم انا ماني شايل همه لأني متوقع اورم مررررررررررررررررره وماعندي مشكله دامه بيروح بعد فتره..وبخصوص التنميل ابشري بسألك الدكتور وبرد لك خبر
على فكره انا بعد مثلك انتي وساره مو بواضح مررره بس انا عندي قناعه وخذوها نصيحه من أخ يعزكم ويغليكم ويتمنالكم كل خير (إذا شي بشكلك مسببلك ألم نفسي إستخيري إتوكلي على الله وعدليه ولا تتغاظي عنه لأنك لو ماعدلتيه بتعيشي طول حياتك بنفسيه تعبانه حتى لو كانت مشكلتك بسيطه صدقيني راح تعطيكي العمليه نتيجه رووووووووووووعه لأنه بالأساس عندك مشكله سواء كانت صغيره او كبيره ماراح تفرق
شي غلط وتعدل هذا ماهو تغيير هذا تعديل ان صح التعبير

اتمنى من الله انه يسهل عمليتي وعمليتك وعملية احب امي وساره واي مسلم ومسلمه يبي يسوي هالعمليه
أكرر شكري لك واتمنالك حياة سعيده وإذا عندك سؤال تبيني اسأله الدكتور بحكم ان التواصل معه بالنسبه لي سهل تراني حاضر وبالشوفه .

 

[أحب أمي]

alhomed

مواعيدكم تطول بالسعوديه والا نفس الكويت؟
وممكن تسأل لي عن دكتور عندكم اسمه خالد المطيري بمستشفى الحرس بالرياض
لان مدحته لي وحده بالموضوع .. واخذت رقمه واتصلت فيه بس الرقم مغلق

واكون لك شاكره

 

[alhomed]

إختي أحب أمي إذا كان قصدك بمواعيد شوفة الدكتور والإستشاره ماتطول ابد اما اذا كان قصدك بمواعيد الجراحه تختلف إذا كانت على حسابك ماتطول واذا على حساب الحكومه تطول شوي
بالنسبه للدكتور خالد المطيري اول مره اسمع فيه الي اعرفه دكتور عثمان الطويرقي واتصلت على مستشفى الحرس قالولي مانعرفه وهذا رقمهم لو حبيتي تتصلي على المستشفى 012520088

شوفي أنا راح أعطيكي أسماء أفضل الدكاتره الي عندنا وأشهرهم والي يسون العمليه بشكل يومي (العمليه عندهم شي روتيني) ويراعون المنظور الجمالي وتقدري تبحثي عنهم واحد واحد بقوقل وصدقيني إذا سويتيها عند أي واحد منهم تأكدي بإنك بين أيدي أمينه بإذن الله وبتطلعي قمر 14 وهم كالتالي:
1-دكتور عثمان الطويرقي (مستشفى الحرس)
2-دكتورعبدالله العتل (مستشفى التخصصي)
3-دكتور زهير حيدر (مركز صفد)
4-دكتور صالح البازعي (مستشفى الدكتور سليمان الحبيب)
5-دكتور بيشي القرني (مستشفى الشميسي)
6-دكتورأحمد الزهراني (مستشفى الجامعي)
7-دكتور ناصر النوح (مستشفى الجامعي)
نصيحه إذا بتسوينها بالسعوديه لا تتعدين هذول وبس

وبالنسبه للدكتور خالد المطيري ابشري بسألك عنه الناس الي أعرفهم وإذا مدحوه لي بردلك خبر

وإذا عندك اي سؤال انا حاضر

 

[مــســك]

الله يسهل عليكم يااارب ..

مشاعل بسآلج .. انتي مشكلتج بس اللثة مو ؟؟ ولا في مشكلة ثانية ؟ وبنت خالتج نفس مشكلتج اللثة ؟؟


جم تكلف العملية بالسعودية ؟ طبعا بمستشفى خاص ؟؟

 

[dantella]

إختي أحب أمي إذا كان قصدك بمواعيد شوفة الدكتور والإستشاره ماتطول ابد اما اذا كان قصدك بمواعيد الجراحه تختلف إذا كانت على حسابك ماتطول واذا على حساب الحكومه تطول شوي
بالنسبه للدكتور خالد المطيري اول مره اسمع فيه الي اعرفه دكتور عثمان الطويرقي واتصلت على مستشفى الحرس قالولي مانعرفه وهذا رقمهم لو حبيتي تتصلي على المستشفى 012520088

شوفي أنا راح أعطيكي أسماء أفضل الدكاتره الي عندنا وأشهرهم والي يسون العمليه بشكل يومي (العمليه عندهم شي روتيني) ويراعون المنظور الجمالي وتقدري تبحثي عنهم واحد واحد بقوقل وصدقيني إذا سويتيها عند أي واحد منهم تأكدي بإنك بين أيدي أمينه بإذن الله وبتطلعي قمر 14 وهم كالتالي:
1-دكتور عثمان الطويرقي (مستشفى الحرس)
2-دكتورعبدالله العتل (مستشفى التخصصي)
3-دكتور زهير حيدر (مركز صفد)
4-دكتور صالح البازعي (مستشفى الدكتور سليمان الحبيب)
5-دكتور بيشي القرني (مستشفى الشميسي)
6-دكتورأحمد الزهراني (مستشفى الجامعي)
7-دكتور ناصر النوح (مستشفى الجامعي)
نصيحه إذا بتسوينها بالسعوديه لا تتعدين هذول وبس

وبالنسبه للدكتور خالد المطيري ابشري بسألك عنه الناس الي أعرفهم وإذا مدحوه لي بردلك خبر

وإذا عندك اي سؤال انا حاضر

والله ان ردك مرجع بحد ذاته ويبرد القلب ....الله يسهل امورك مثل ما قاعد تحاول تسهل امور غيرك ياخوي

 

[alhomed]

والله ان ردك مرجع بحد ذاته ويبرد القلب ....الله يسهل امورك مثل ما قاعد تحاول تسهل امور غيرك ياخوي

إشدعوه اختي دانتيلا ترى العين ماتعلى على الحاجب :klhfl: ياليت لو اقدر ارد لو جزء بسيط من افضالكم الي مالها حصر ...وإنشالله هالموضوع وهالردود ماتوقف أبد وكل الناس تستفيد من تجاربنا .

 

[alhomed]

الله يسهل عليكم يااارب ..

جم تكلف العملية بالسعودية ؟ طبعا بمستشفى خاص ؟؟

إختي مسك الله يسمع منك ويسهلها
بالنسبه لتكلفة العمليه تختلف من دكتور لآخر لكنها تتراوح من44000 الى 60000 ريال بالنسبه لي انا بسويها ب 50000ريال

 

[safia]

اول شي وقبل كل شي

احب اقول لدانتيلا وسارونه

ودي اشكركم على وقفتكم معاي طول فترة عمليتي بس والله ماني عارفه شلون اشكركم
بدعي لكم من كل قلبي
واشكر كل البنات اللي دايم يسالون عني

انا امس الحمدلله شلت تقويمي وخلصت منه

خانقتني العبرة بروح ابجي
لوووووووووووووووووووووووووووول

 

[dantella]

اول شي وقبل كل شي

احب اقول لدانتيلا وسارونه

ودي اشكركم على وقفتكم معاي طول فترة عمليتي بس والله ماني عارفه شلون اشكركم
بدعي لكم من كل قلبي
واشكر كل البنات اللي دايم يسالون عني

انا امس الحمدلله شلت تقويمي وخلصت منه

خانقتني العبرة بروح ابجي
لوووووووووووووووووووووووووووول

كلووووووووووووووووووووووووووش مبروووووووك الف مبروك الحين اقولج غدا شرج الحين رسميا تقدرين تاكلين بيتزا بابا جونز فديتها والله
بس لازلت اقولج مو الحين تحكمين على شكلج حده تو الناس
بس الحين اهتمي بصحتج ودمج وعوضي الي راح


بس احساس حلو لم تستوعبين ان مافي شي على اسنانج
واخيييييرا

 

[مــــشاعل]

الله يسهل عليكم يااارب ..

مشاعل بسآلج .. انتي مشكلتج بس اللثة مو ؟؟ ولا في مشكلة ثانية ؟ وبنت خالتج نفس مشكلتج اللثة ؟؟


جم تكلف العملية بالسعودية ؟ طبعا بمستشفى خاص ؟؟

هلا اختي..اي انا مشكلتي اللثه لما ابتسم تنكشف او تطلع..
ولا اسناني حلوه بس هذي عقدتي انو اللثه تنكشف..لما رحت للدكتور البريسز قالي برفع اللثه عن طريق
البريسزز راح تختفي لكن راح تظهر لنا مشكله الي هي بروز الاسنان...
وفعلا اسناني برزت واختفت اللثه عن طريق البريسزز ..طيب وش اوسي ببروز الاسنان؟؟؟
قالي نسوي لك عمليه بالفك السفلي نقدمه الى الامام شوي عشان يتطابق مع الفك العلوي..
فيختفي بروز الاسنان ةتصير انحلت المشكله بإذن لله..
بالنسبه لاسعار العمليه تترواوح من اربعين الف ريال الى 75 الف ريال..
انا بمركز سيجال قالو لي للفكين 75..بس مااقدر على التكالفين سويت البريسزز ب (عشرين الف ريال)
والعمليه بسويها حكومي بس جبت واسطه لانو مواعيد الحكوومه نغني ياليل مااطولك..

 

[بـسـمه]

السلام عليكم أخواتي الغاليات
قولوا آمين الله يفرج لكم والله كنت أبحث بالنت ولقيت موضوعكم اللي فيه إجابة عن كثير من تساؤلاتي

أخوي الحمد

/من فين تشترون الآواني الخاصه بالطعام (الإبر الي تحطوا فيها الشوربات والعصيرات)أم انها تعطى من قبل المستشفى

إذا أنت من سكان الرياض جرب شوف شارع الضباب يمكن تلاقي عندهم هالأشياء هما يبيعوا الأدوات الطبية وقول لنا إذا لقيت أو لا
وفيه برضوه محلات يجيبوا منها أدوات التقويم يمكن تلاقي فيها بس ماادري وين بالضبط