مسويه علاج عصب الضرس بليز تعالي!!!

[Bnt.Azmer]

بنات الخميس الي طاف سويت علاج عصب حق ضرسي لان صارلي جم شهر شايلة العصب ومن شلته وانا عوار مو طبيعي حطيت زيت القرنفل هم ماكو فايدة اخذ كاتفلام 50 ماكو فايدة بس تعبت من البجي والدكتور قالي تعالي الخميس الي الياي اشوفه وبسافر بنفس اليوم وقالي قبل ما اطلع قالي مو شرط ينجح علاج العصب!!! واذا مانجح نشيل الضرس !!! المشكلة اهو تحت جهة اليسار وشايلة قبله ضرس من زمان وناوية احط تقويم مادري شلون احط تقويم وضرسين تحت ماكو والمشكلة الاكبر اهو قبل ضرس العقل بضرس واحد وضرس العقل مايل تحت اللثة مو طالع وهم عوار صار صوب اليسار كله ماني قادرة اميز من العقل ولا الضرس ومفكرة اسوي جراحة اشيله بس شلون وانا بهالحالة عوار!!

 

[ii DareeN ii]

روحي حق دكتور شاطر خل يشوفة قبل مايشلعة لج يمكن فيه له حل

 

[وفأ ألاحسأسـ]

اول شي الحين استخذمي مراهم مسكنه ولازم لازم تروحين الطبيب تشوفين انجحت العمليه ولا لا
وان شاء الله مايشلعه
انا اللي اعرفه ان لمه يشيلون العصب يظل الضرس يعور لفتره يعني اللي معاج طبيعي
بس اذا موقادره تتحملين راجعي الطبيب من باجر الصبح والحين روحي الصيدليه اشتري مرهم مسكن

 

[Bnt.Azmer]

مشكورين يابنات انا رحت عيادة الميدان امس بعد مابجيت بجي ماقدرت اتحمل شاف الاشعة قال شغل الدكتور زين بس شال شوي من الحشوة المؤقته عشان تخفف الالم راح الالم الحمدلله واليوم الساعة 5 الفير رد العوار مرة ثانية خذيت بروفين 600 ومضاد حيوي وناطرة الفرج

 

[دلـــع_الكويــت]

ماتشوفين شر بعد قلبي..

 

[QYtiya.com]

انا نفس حالتج عندي ضرس كنت شايله العصب وصار فيني عوااااار موطبيعي ..
رحت للميدان وعطاني مضاد حيوي وبعده الحمدلله خف العوار وترى عادي بين فتره وفتره يرد بس اتحمل
اعصري عليه ليمونه ... وهم فيه دواء موطبيعي هو مسكن ألم بس تحطيييينه خلاااااااااااااااص ماكو ألم انا اسناني والله تقريبا كل يوم يعوروني وماادري من شنو رفايجي يقولون يمكن حساسية اسنان وللحين ماعرفت السبب بس لما يعوروني احط هالدوا او ليمونه والحمدلله يخف ...
الدواء غرشه بنيه وعليها لزقه لون احمر ويها صورت ولد ماسك عود اذاني وحاطه على اسنانه
وكرتونته لونها احمر ومعاه عود اذاني عشان تحطينه ع الضرس...
آآآآآآآآآآسفه طولت وقلت قصه حيااااااااتي...
تحياااااااااااااااااااااااااااااتي....

 

[Bnt.Azmer]

مشكورين يابنات انا اليوم رحت دنتل ايت وسويت جراحة شلت الضرس وشلت ضرس العقل كان تحت اللثة صج تعبت ودخت عليهم يالله قعدت عقبها جد عوار ضرسين بوقت واحد ماني قادرة اتحمل الحين انتفخ ويهي والم وطلع ضرسي الي مسويتله علاج عصب الدكتور شارخ الضرس من داخل عشان جذي الالم مو طبيعي من خميس الي طاف ومشالله اعرفولي العيادة وادعولي ان يطيب واثنين الياي اشيل الغرس من الجهتين