السلام عليكم شخباركم بنات حبيت افضفض لكم اللي في قلبي الله يسلمكم حماتي اللي اكبر من زوجي مطلقه وساكنه معانا بالبيت المشكله انها ماترضى ادخل المطبخ ولا اقعد بالصاله اول ماتزوجت ماتمت مواعين ماشريتها لاني كل مادخلت مطبخهم ما اشوف شي كل شي اتخشه وتقفل عليه عااد قمت انا وشريت كل شي وكل اللي يحتاج له المطبخ واهي خذت كل شي وخششته في غرفتها وقفلت عليه وانا كل ما ادخل المطبخ تتضايق وتزعل وماتعطيني ويه انا بعدها حلفت اني ما ادخل المطبخ وتمينا كل شي ناخذه من المطعم واكثر الاوقات ما اتغدى ولين اقعد بالصاله اتقول لي روحي غرفتج او اتسولف عن زوجات زوجي اللي كان متزوجهم قبلي وكانت كله تمدح زوجته الاولى انا اقتهر واروح غرفتي اصيح مع انها مو اصغيره كبيره تقريبا عمرها 55 ومع هذا كله زوجي لين اقول له مايتكلم ابد ولا يقولها شي تعبت معاه ابي ياخذ لي شقه مو راضي مع انه مواعدني قبل الزواج واهو عنده بيت فيه طليقته واعياله ومو راضي يسوي لي مكان فيه والحين من 2007 لي هاذي اليوم وانا كله بغرفتي 24 ساعه على السرير والله حياة ممله الله مو عارفة شاسوي 
