مشاركات الجزء الأول المميزة

[Alia]

تم تجميع الردود المميزة
المشرفة noty

السلام عليكم شخباركم بنوتات:eh_s(17):

انا بديت هالموضوع بموضعنا مال ماك المثبت وحبيت اسويه هني لكل الماركات:jbdwjbd:

طبعا انا استخدم عدة ماركات وكل يوم بيكون في منتج اليوم المفضل بالنسبة لي منها نفيد بعضنا ومنها نشوف فايدة بعض المنتجات:O_SHH_:


وكل البنات حياهم الله الموضوع موضوعكم تستاهلون بصراحة :eh_s(17):

ملاحظة: المنتج من اي ماركة مو شرط ماركة محددة وراح يكون اي شي سواء للبشرة او الجسم او المكياج او الاظافر
شي حبيتيه بيومه وودج تشاركينا فيه:jbdwjbd:

,,,,

اليوم

LIPSTICK OF THE DAY

MAC BRAVE

حلوة حق الصبح او الدوام لونها احلى من الصورة بدون جلوس هم حلوة ومعاه احلى:eh_s(22):


,,,

مرطب العين

Clinique all about eyes

جدا ممتاز يرطب المنطقة ومفيد واحس يشدها وفي برودة كونه جل وايد حبيته واذا خلص برجع اخذه:eh_s(17):​

 

[ابله رشا]

رد: منتج اليوم المفضل ,, حياااااااكم مدمنات الميك اب

لمعه وايد كلاس من كليستار

كريم اساس يديد واااايد حلو يدوم 15 ساعة

 

[حلآوهـ حمرهـ]

رد: منتج اليوم المفضل ,, حياااااااكم مدمنات الميك اب

بختار افضل المنتجاات اللي عندي ,,


ببدا بالفاونديشن ,, بالنسبالي افضل فاونديشن جربته << ماجربت واايد ترى

فاونديشن جيرلان

تغطيته متوسطه - رقمه 2
بشرتي مختلطه ( يوالم الجافه او المختلطه ) - مايله للبياض



البودره

بودره d.m.g.m

متوسطه لا هي ثقيله ولا هي خفيفه - توالم كل انواع البشره - حبيباتها نااااعمه يعين عالبشره ماتتقطع او تتقشر لا تصير مثل اللوز باودر بس تغطيتها اقوى
رقم 5 - بشرتي مايله للبياض - مختلطه



احسن بلاشر عندي

مكياجي صبايا - رقم 3

لونه اللحمي المايل للوردي ,,
بشرتي مايله للبياض او بيضه ,, هالبلاشر يوالم كل الوان البشره لاني شفته على كذا وحده البيضه والحنطيه والبرونزيه لونه طبيعي ويحلي الويه واااايد


احسن لمعه عندي ,,
بلاشر بدي شوب المتموج ,, يعطي لمعه الفازلين او لمعه الماي ,, اكيد بودره



احسن ماسكرا ,,

ماسكرا ديانا اوف لندن الزرقا

تكثف اكثر من انها اتطول

رموشي طويله وكثيفه الحمدالله ومرتاحه عليها لانها تفرق رموشي




كحلي المفضل

مكيااجي صبايا

والاحلى عنه الووتر برووف اللي لونه ذهبي من مكياجي بعد للي عيونهم تدمع لانه ضد الماي ومايسييح





والروج المفضل عندي

ريميل رقمه 040 - لونه لحمي على وردي شويه غامج - ترطيبه عاااااااااالي - لون الروج من برع احمر

شفايفي ورديه مايله للاحمر ,, حجمها وسط بس مليانه يعني الفواتح ماتوالمني موول



والقلوس المفضل عندي من ريميل بعد

ماذكر اسمه بس لونه لحمي مال للوردي شوي - الحلو فيه مايقطع الشفايف وخفيف يعطي لون طبيعي للشفايف










ان شاءالله يوم اتذكر شي برد للموضووع ^^

 

[عز النفس يغنيني]

رد: منتج اليوم المفضل ,, حياااااااكم مدمنات الميك اب

شهالموضووووووووووووع آلحلـووووووووو .. والله خوش موضوع وحلاته أكيد بالصـور ..

أول شيء بتكلم عن حمايه مو طبيعيه .. خاصه بجونا يبيلنا حمايه قويه ..

طال عمركم هذه حمايه بيوديرما قوتها 100 % تخيلووووووووو ..



وفي منها بلون وفي منها بدون لون .. انا عن نفسي ماخذه بدون لون لاني أحب احط فاونديشن بنفسي

أمي ماخذه بلون حيل حلوه وحتى للسفر حلوه ..

والشيء الثاني كونسيلر كريولان



روووعـه من جميع النواحي هو كونسيلر هو كريم أساس .. وحتى أرتب فيه السحبه تصير حلوه وأحطه تحت حاجبي ..

وأكيد أكيد يبيله مرطب للعين وأنا ارشح اللي قالته (عاليه ) مال كلينك رووعـه صراحه ..


والحمره إللي هابه فيها خلصت ورديت شريت منها هي حمره ريميل رقم 006 .. شقول وشخلي عن اللون ..

فظييييييييييييع لون البيبي بنك





وبس وإن شاء الله لي رجعـه .. يعطيييييييج العافيه حبيبتي

 

[foshia girl]

رد: منتج اليوم المفضل ,, حياااااااكم مدمنات الميك اب

الموضوع فظييييييييييييييييع
صراااحه يعطيج العافيه وهم بعد كل البنات اللي شاركوا ابداااااااع


المرطب اللي هااابه فيه الحين اهو مرطب بودي شوب بفيتامين e طبعا للبشره الجااافه
فظييييييييييييييع جربت واااايد مرطبات بس لما احط الفونديشن يتقطع معاي فمن جربت هالمرطب الحمدلله رب العالمين روووووعه صااار الفونديشن معاي ( وطبعا احطه قبل المكياااج )

[/IMG]

كونسلر بوبي برااااون اللي معاه بودرته امبي عجيب يغطي الهالات عدل مدل وااايد استانست عليه سعره ب 12 وماخذته من دبنهامز الافنيووز

حمرة ماك Myth وطبعا اهي نيود وحلوه مع السموكي

مسكرة ريفلون الحمرا اتهبل تكثف الرموووووووووووووش بشكل مو طبيعي ,,, طبعا الحين مافي منها خلصت اشوا اني لحقت عليها !!!

 

[نبض القلوب]

رد: منتج اليوم المفضل ,, حياااااااكم مدمنات الميك اب

وااااااااااو موضوع روعه


تسلمين يا قلبي :eh_s(22):



كل يوم بحاول أحط شي



\\


اليوم بحط هالمنتجات




أولاً


بودرة الحواجب من بودي شوب آخذ الغامج رقم 3 أحبه وما استغنى عنه


نفس هاللون بالضبط

وثانياً


البلاشر المموج من بودي شوب لمعته ذربه عالوجه واموت عليها كل يوم احطه ويسألوني عنه

وثالثاً


بودرة غيرلان أنا نوع بشرتي جافه واخذ افتح درجه منها تهبببببببببببببل وما افكر اغيرها لفتره طويله

:stars:

 

[نيــلــوفــر]

رد: منتج اليوم المفضل ,, حياااااااكم مدمنات الميك اب

منتجي اللي مجربته اليوم اهوه و حاااااااااااابته بشكل مو طبيعي

و هذا رفيو عنه و مسوية سواتج على ايدها و مستخدمة ماركات ثانية

http://www.youtube.com/watch?v=oHB_7CZn5Sw


و صج صج وااااااااااايد حلووووو حق رسم العين و ثااااابت و اسووووود حيل

 

[M!$$_BLinG]

رد: منتج اليوم المفضل ,, حياااااااكم مدمنات الميك اب

هلا Alia
تسلمين على الموضوع الحلو

انا بخبرج عن لوك سويته وحبيت كل شي حطيته هذاك اليوم اللوك طلع اكثر من perfect

smashbox photo finish primer

اول مره اجربه على ويهي كامل

يوم جربته فالمحل ما اثتنعت فيه بس بعد فتره عطوني سامبل واستخدمته يوم الجمعه
حبيته وايد حلو ويخلي ملمس البشره رهيب



مبودرة ماك macmineralizeskinfinishnatural

اول مره احطها بروحها بدون فاونديشن والصراحه تفاجات بها



بيجمنت melon اللي ما حابه حطيته ب الفرشاه 217 على الجفن بس





mac trimmed in pink lip liner
اتعب وانا امدح لونه لكن متحسفه انس ما شريت 2



lustering+lady gaga lipstick mixed together





with the 109 brush chanel bronze universal

بعد اول مره احطه وراضيه عنه 100%



smash box radiance blush

اول مره استخدمه وحبيت الافكت بينكي يجنن



the mascara that i will neve lose its love lol

اتعب وانا امدحها المسكرا هذي





هالاغراض اللي سويت بهم لوك الجمعه والصراحه حبيت الاغراض اكثر عن اي مره لان اللوك طلع simply perfect

هالاغراض الحين لاصقه فيهم واحس باللوك بيرفكت للصيف

 

[سنا الفضه]

رد: منتج اليوم المفضل ,, حياااااااكم مدمنات الميك اب

امم خل اقولج شنو استعملت امس باعتبار انه اول يوم دوام حقي

بشرتي وايد مسمره ووطالع لي كلف مع الحمل فابي شي يغطيها استعملت نقطه وحده بس من coverderm شاريه درجه اغمج من لوني الاصلي واخلطه مع فاونديشن جيرلان على السيبيتول وامده على كل ويهي بالفرشه وتالي اطبطب عليه ببودره لونها يااي على الاصفر <-- تموييه علشان لاحد يحس اني واايد مسمره لووول

البودره من جيرلان احطها على ويهي بالفرشه

هذي صوره الكفر ديرم من النت طبعا <-- هوو وايد ثقيل وانا ماحبه بروحه بس استعمله اذا حملت واخلط معاه فاونديشن ليكويد علشان اخففه مسميته فاونديشن الحمل

حبييت بودره الشل بيوتي باودر من كوليكشن الليبرتي اوف لندن طلعت ظالمتها وايد حلووه فوق الفاونديشن

وتسلمين وتعيشين هذي مستحضراتي الي حبيتهم امس كانوا زينين اهم شي انخشت البلاوي الي طالعت لي بويهيي

 

[أمواج البحر]

رد: منتج اليوم المفضل ,, حياااااااكم مدمنات الميك اب

يه يه يه اشهالموضوع الزيييييين

حده روعه وراح يفيدنا من ناحيتين

ناحيه ان البرودكت يكون مجرب وناحية المخاسير

اليوم جربت



وحطيته من غير بيس او فاونديشن عشان حق الدوام

مجرد حطيت كريم الحمايه

واول ما دخلت مكتبي رفيجتي قالت لي شكلج حلو اليوم متغير :eh_s(22):

وفعلا حسيت انه معطيني لوك مخملي :eh_s(17): والتغطيه بييرفكت صراحه

وان شاء الله كل ما اجرب شي حلو بقولكم عنه

يسلمووووو عليا عالموضوع الروعه ^_^

 

[حبـ admant ـك]

رد: منتج اليوم المفضل ,, حياااااااكم مدمنات الميك اب

خوش موضوع

عن نفسي منتجاتي اليوميه اللي ماستغنى عنها

كريم الصبح من بوندس


Bobbi Brown Corrector
مصحح الاخطاء من بوبي براون درجه لايت بيج
احطه عن الهالات السوده و فوقه احط كونسيلر بعد من بوبي براون بس احط خفيف كلش





وبعدها احط كريم اساس من نيفيا تغطيته رووعه وخصوصا حق الصبح جنج مو حاطه شي



واحدد عيني بكحل من بورجوا


واحط حمره بيج من ماركه قوش​

 

[حتاتي]

رد: منتج اليوم المفضل ,, حياااااااكم مدمنات الميك اب

موضوع جدا حلو
بحط الأشياء الي استخدمهم يوميا من كثر ما أحبهم

أنا أحب وااااايد كريم أساس من شانيل ماتلوميير

[/IMG]


و الكونسيلر الدبل وير من ايستي لودر

[/IMG]


و ماسكرتي التيربو لاش من ايستي لودر

[/IMG]


و الأي لاينر الدبل وير من ايستي لودر

[/IMG]


و الهاي لايتر من ديور عجييييييييييب

[/IMG]

و حمرتي الي حابتها اليوم وحاطه منها كوكو شانيل رقم 31 اسمها Cambon فظييييييييعه بالصورة امبينه حمرا بس لونها بالطبيعه فوشي على تاش خفيف من الأحمر لونها رهييييييب

[/IMG]


و هذي صوره أقرب لها

[/IMG]


و عطري الشبه يومي و اللي حاطه منه ألحين

[/IMG]

و بس هذ الأشياء اللي مستخدمتها اليوم و حابتها واااااايد حق اليوم :eh_s(22):

 

[shtat_al_ro7]

رد: منتج اليوم المفضل ,, حياااااااكم مدمنات الميك اب

بااااااااااااااااااااك


الحين طايحه بانجلوت جل لاينر ضد الماي وسواده عجيب ب 6 دنانير ويقعد دهر

انا اخذ الاسود

وطايحه بشغله ثانيه

تعبت ادور مثبت شدوووو

ولقيت الحل سهل وجدام عينج

انج تحطين كونسيلر فاتح طايح بجبدج بخفه مو يصير وايد يقطع الشدو معاج حطيه بخفه وحطي شدوج يبرز اللون ويثبت

ورووووووووووووووووووووووووعه

بس جربوها وادعوا لي :***

واذا ذكرت ش ثاني بقوله مع ان هالفتره كلش مالي خلق المكياج ادعوا الله يسهل علي

 

[googoosh]

رد: منتج اليوم المفضل ,, حياااااااكم مدمنات الميك اب

هااااي علووويااا ..

منتجاااتي المفضله .. اللي ما استغني عندهم ..

احسن مسكرااا جربتهاا بحيااااااتي حدهاا مو صج .. توصل رموشي لي حواجبي .. hands down >> best mascara ever






احلى اضاءة جربتها بحيااتي بوبي براون شيمر بريك بيج .. شي مو صج .. نفس اضاءة فنانات هوليوود على الريد كاربت .. بس حلاته تحطين شويه لان واايد شمري .. اذا حطيتي منه واايد رااح تصيرين ديسكو بول لووول ..







احلى حمره ورديه جربتهااا .. ثااانكس سبااركل .. mac milan mode





حطيت هالمنتجاات اليوم و كل يوم ان شاء الله احط منتجي المفضل ..


لااا يوقف بنااات ..​

 

[نبض القلوب]

رد: منتج اليوم المفضل ,, حياااااااكم مدمنات الميك اب

منتجاتي لليوم




أولا



مسكرا ديور بلاك آوت << عجييييييييبه وصكت على لانكوم بقوه

ثانيا


عطر كلوي يمااااااااااا أدوخ على ريحته وحيل حبيته

ثالثا



كحل برستيج السائل حيل احبه وما يحسس العين وسواده عجيب

:stars:

 

[Alia]

رد: منتج اليوم المفضل ,, حياااااااكم مدمنات الميك اب

Products Of The Day

Lush Lip Scrub

النوع على bubble gum اول شي انا يوم وترك لالالالازم اسوي تقشير لشفايف والصراحة استخدمت انواع وايد لكن هذا ارتحت له مع انه مو قوي وايد لكن ,, حسيت انه خفيف عشفايف وريحته روووووعه حلالالاو وطعمه حلوو لوووووول يصير تاكلونه ههههههههههههه على كلام موقعهم الرسمي واللي تبيع انا طريقتي مرات استخدمه بروحه نتفه بصبعي وحركات دائرية على الشفايف ليمن احس الحبيبات صاروا سائل وامسحه وعقب ارطبهم

ومرات اخلطه مع شوية مرطب واسوي نفس الروتين اللي ذكرته

محل lush شغلهم كله طبيعي وموجود في مول جاليريا 2000 السالمية و مول 360 تحت

,,,


NAIL COLOUR

صبغ الاظافر من China Glaze

اللون : fifth avenue 194

اللون يفرض نفسه انوووووووثة والون حلو لصيف

ملاحظة : هالدرجة موجودة بماركات وايد لكن حسيت china glaze فيها لمعه اكثر واللون ثابت اكثر

انا اختي شرته لي من معرض العطور ,, لكن اعتقد انهم خلاص موجودين بمراكز التجميل وجاشنمال ​

 

[al7lwa` `]

رد: منتج اليوم المفضل ,, حياااااااكم مدمنات الميك اب

خووووووووش موضوع والله


انا بحط صور مسكراتي اللي ماااااا استغني عنه جربت وحست مالقيت نفسهم مع ان رمووش طوال وكثافه الحمدلله

وبحط صووره باليت الحمر من بن نااي الواانهم حلووه وناسبتني عمليه اكثر حق الطلعات والتخلط وعفسة الالوان لووووول


من حلاته شريت واحد يديد... مو زين تشوفون الباليت القديم تلووع جبوودكم تقولون مجزرة الوان خخخخخخخخ


والشدو اللي كل مااحطه سألووني عنه وامس رحت ماك مالقيته قالو لي ليمتد:/

واقلام العين اللون الازرق والزيتي من برجوا فظييييييييعه لقيت مسوين عرض جان اشتري لآن ماحب اطول بالكحل احس مو زين

وهذي صووره اقرب للشدو

 

[الدلال]

رد: منتج اليوم المفضل ,, حياااااااكم مدمنات الميك اب

مكياجي اللي ما استغنى عنه

بودرة كانيبو كومبااكت , حمره ورديه من ديييغو رقم 38

وفكس كانيبو يهبللللل بس لان غالي وعبووته صغيره احاول اقتصد فيه لووول واستخدم بدااله فكس ديييغوو حلو وثاابت حييل بس مشكلته ينشف الويه

واستخدم قلم كحل محمود سعيد وهاليومين هابه يقلم الكحل انجلووت اسود ويهبل بس مرات يحسس عيووني

وطبعا احب البلااشر الوردي حق الصبح اللي تحسين ان طبييعي واستخدم بلااشراات متنوعه مثل نارس وبوبا واحط مرات البلاشر المدرج الوردي الهايلاايت من بودي شووب

وطبعا حواجبي من زمااااااااان وانا استخدم بودرة الحواجب اللي في بوودي شوب اللي يكون تاتو بس بوودر يهبل وطبيعي

وانشالله ارجع احط لكم الصور

 

[ابله رشا]

رد: منتج اليوم المفضل ,, حياااااااكم مدمنات الميك اب

وايد حلوين هالحمر و مايروحون بسرعه و الترطيب يبقى لوقت طويل

 

[رفرف]

رد: منتج اليوم المفضل ,, حياااااااكم مدمنات الميك اب

الموضوع يهبل وامس كتبت رد بس كل شوي يعلق .. اليوم غيرت رايي

اول شي ماك msf natural ادري انذكر بهالموضوع بس انا وايد هابه فيه هالايام حق الدوام بروحه بدون فاونديشن يهبل وخفيف

امس شريت الليب بينت من انجلوت عاد توقعت لونهم خفيف وعلى شفاف يعني قلت احطهم فوق الحمرة ..
طلع بالعكس لونهم رووووووووعة وينحط بروحه ودرجاتهم اتينن خذيت 3 الوان وشكلي بروح اخذ الباجي .. 10 على 10 ..

عاليا .. الكحل من ماك صج حلو انا عندي الكحلي وعندي بنفسجي غامج روعه مرات احطهم بدال الاسود ..
وهم اقلام كحل بورجوا وبرستيج ماعليهم كلام درجاتهم اتينن وثابتييييين ..