السلام عليكم و رحمة الله و بركاااته
من بعد اذن المشرفات بهالقسم اتمنى ما تنقلون الموضوع الى القسم اسلامي
لانه خليط ما بين الاسلام و المشاكل
بنات انا ما اعرف ابتدي بمقدمات للاسف
بس الموضوع و مااا فيه قلبي يعورني و انا اشوف بنات و شباب امة محمد عليه الصلاة و السلام
البعض منهم يسمعون اغاني و البعض ما يصلون. و البعض يمكن ما فتحو و لا قرو القران الكريم
هذا غير المحرمات الي بعضها صغير و كبير.
*
بنات قبل ما انصحكم بكلمكم عن نفسي انا اكثر انسانه. عاشت ماضي مرير. يمكن وادري في اكثر مني عاشو حياة امر مني بس محد يحس بالنار الا واطيها.
اغلاطي كانت كثيره كنت الوم اهلي بس دايما يقولون علمناج و علمناج بس ياناس يا عالم ايد وحده ما تصفق ابوي كان كله دواوين و اهم شي عنده اكون مسجونه على فكره انا قررت احط روحي بهالسجن لانه كان ارحم من اني اشوف بنات بجيلي و كلهم مستانسين و انا كل شي حرام و ممنوع و امي كله اتصف مع ابوي عمرها ما قالت له انت غلط مثل ما قلت لكم لاهل كانو حيل ابعاد اهم شي عندهم اصلي و البس عبايه و بس احتياجاتي الثانيهً ممنوع
و تقريبا كل شي كان ممنوع. اشوف البنات الي بعمري و هم يلعبون و يستانسون وانااااالا
مرت علي لحضااات وايد تمنيت الموت و مرات كنت اسوي اشياء غبيه فقط لمجرد العناد من ورا اهلي بس تبون الصج مع هذا ما كنت ارتاح مرت على لحضات قمت اسب امي و ابوي من داخلي تطور الوضع قمت اسب جدامهم و اذا ابوي عرف اني سويت غلطه مطبعيه العقاب يكون الطق تبون الصج جسمي تعود عليه. *لدرجة كنت اقوله مراات طقني لاني بروح انام لان الجسم خلاص ماات و الطق عمره ما فاد معاي
كانت سلبيات ابوي انه منافق مع انه كان يصلي و الحمدلله كنت اعرف اميز بين المنافق و الي مو منافق و هم اعرف اميز بين الي يحبونا و الي يسببون لنا مشاكل
تدرون الي صج كان يغهرني بيتنا كل من لاهي بعمره و طلعاته و روحاته و يبوني استانس و اقعد معاهم انا كنت حبيسة داري
كبرت و ما تغير طبع ابوي لا و يبيني اتغير كان ظالم و كان كله يكلمنا عن الدين كنت قول بقلبي اظل مثل ما انا احسن هذا ابوي يصلي و يقرا قران و هوا اكبر منافق.
مرات كنت اقول فقلبي انا مادري ليش ابوي مصدق روحه و عباله احد بيغازلني وانا كله لابسه هالعبايه و بنات جيلي كاشخين اشحلاتهم اخاف بس بيطالعوني و بيخلونهم.
انا مريت بمناجرر مع ابوووي وايد وايد و كنت دايما اشوفه الابو الي يتخلى عن بنته طبعا هالنظره ما يت من عبط
تخيلو مره انا و طليقي متهاوشين و هو ما يبي يردني تخيلو يقولي دزيله و تاسفي منه.
طبعا من طرف اهل ابوي كنت اشوف خواته و اخوانه الي اهم عماتي و عماتي دايما يوقفون مع اعيالهم. الا انا ابوي لو اموت ما يوقف معاااي طبعا مع كل بداية يووم يديد كنت اموتً بس بهدوء شخصيتي كانت سلبيه كنت خوافه و لا احب اتناجر طبعا لان ابوي كان على طول ضدي
تبون الصج تزوجت بس ما نسيت الماضي الاليم و لي الحين اذكر الوقت الي كنت على ابواب الطلقه الثلاثه و ابوي ليلحين يدزلي. دزي حق زوجج و تاسفي منه. تاسفت و دست على كرامتي و اتضحلي انه ما يبيني و بنفس الوقت اتضحلي ان ابوي للمره المليون ما يبيني و تناجرنا مره ثانيه. بنات و رب الكعبه بغيت امووت و هو زانطني بس ما كنت خايفه اتعرفون الوحده الي خلاص ما عندها شي اتعيش عشانه. اتعرفون لما انسانه تفقد كرامتها خلاص الكرامه و راحت بعد ليش اموت كنت اصرخ بس مو خوف كنت ابيه يذبحني يرتاح اهو وانا ارتاح. امي وخرته عني بالغصب.
بعدها نصحوني و قام يحنون علي اروح طبيب نفسي و صارت وايد اشياء لما رحنا عند الدكتوره و بوجودها ما خفت و قلت كل الي بقلبي و طبعا بوجود الاثنين امي وابوي و قلت بالحرف الواحد انا ما اتغير مدام ابوي ما يتغير. طبعا يومها ابوي بجا و لمني و تاسف و قال انتي بنتي اشلون ما احبج
الدكتوره عطتني ايات و قالت هالايات اتزيد الطاقات الايجابيه وانا مرات اقرا و مرات اطوووف وعدت ابوي اصلي بس بصراحه ما صليت كنت احس صلاتي ثقيله.
بنات عفيه لحد يرد دقايق و كمل لكم نهاية القصه *
اشلون تغيرت طبعا كنت ابعيده عن ربي حيل شنو كنت و شنو صرت
بهالوقت طليقي ناوي يطلقني و صار حجي واااايد تبلي وجذب ونفاق و قذف. تخيلو لي الحين
ما تطلقنا و هو يقذف زوجته وانا ساكته مابي المشاكل
بهالوقت بالذات كسرت خاطري امي كنت اشوفها تبجي و متضايقه و اسمعها اتسولف مع خالاتي واتقولهم الي قاعد يصير و بوي اول مره يوقف معاي وقفه
خلتني اغير الصوره القديمه. بجيت و لميت امي و تاسفت على كل شي و قلت حق ابوي انا بعيش و بقعد اهني على قوانينك مع انه ما كنت مقتنعه اني البس *عبايه
مرات كنت البس و مرات ما البس و كنت اصلي بس باخر مده صارتلي اشياء غريبه و قمت اتقرب من ربي بالصلاة و الاذكار
الصلاة صارت خفيفه على حيل و الاذكار نفس الشي قمت اقول خل اذكر ربي واخذ حسنات بدل هالمسلسلات
و الحين صرت اكلم ربي و ابجي على الوقت الي كنت فيه تايهه و بعالم ثاني. تغيرت حياتي من كل النواحي
بس اهم شي عندي رضا ربي و العبايه البسها وانا مقتنعه منها مع اني لما البسها احس بالحر و الصدقاات يابنات تخيلو معاشي كل مره يخلص
بس معاش الشهر هذا تصدقت و مع هذا زاااد منه اميه و خمسين دينار. ولاتنسون حب الناس و انكم اتساعدونهم عشان يردونها لكم و ختى لو ما ساعدوكم يكفي الله بيكون راضي علينا. و خلو اقلوبكم بيضه على طول و انا ضايق خلقي لاني احس توني في بدايت الطريج ابي اكون كامله من الناحيه الدينيه
و على فكره انا دايما احلم و افسر و يطلع التفسير اني مظلومه و مو ظالمه طليقي. و مع هذا اقول يارب تهديهم ما بي لهم يطيحون بمصيبه يبقون اهل وابو اعيالي و اقول الحمدلله انه ربي ابتلاني عشان اتغير
و بالاخير حبيت احط الموضوع اهني لان في بنات وايد يمرون على كل الاقسام بس ينسون القسم الاسلامي و القصه للعبره مو لشي ثااني.
و سبحان الله الي هداني من بعد ما كنت بعيده عن الله
من بعد اذن المشرفات بهالقسم اتمنى ما تنقلون الموضوع الى القسم اسلامي
لانه خليط ما بين الاسلام و المشاكل
بنات انا ما اعرف ابتدي بمقدمات للاسف
بس الموضوع و مااا فيه قلبي يعورني و انا اشوف بنات و شباب امة محمد عليه الصلاة و السلام
البعض منهم يسمعون اغاني و البعض ما يصلون. و البعض يمكن ما فتحو و لا قرو القران الكريم
هذا غير المحرمات الي بعضها صغير و كبير.
*
بنات قبل ما انصحكم بكلمكم عن نفسي انا اكثر انسانه. عاشت ماضي مرير. يمكن وادري في اكثر مني عاشو حياة امر مني بس محد يحس بالنار الا واطيها.
اغلاطي كانت كثيره كنت الوم اهلي بس دايما يقولون علمناج و علمناج بس ياناس يا عالم ايد وحده ما تصفق ابوي كان كله دواوين و اهم شي عنده اكون مسجونه على فكره انا قررت احط روحي بهالسجن لانه كان ارحم من اني اشوف بنات بجيلي و كلهم مستانسين و انا كل شي حرام و ممنوع و امي كله اتصف مع ابوي عمرها ما قالت له انت غلط مثل ما قلت لكم لاهل كانو حيل ابعاد اهم شي عندهم اصلي و البس عبايه و بس احتياجاتي الثانيهً ممنوع
و تقريبا كل شي كان ممنوع. اشوف البنات الي بعمري و هم يلعبون و يستانسون وانااااالا
مرت علي لحضااات وايد تمنيت الموت و مرات كنت اسوي اشياء غبيه فقط لمجرد العناد من ورا اهلي بس تبون الصج مع هذا ما كنت ارتاح مرت على لحضات قمت اسب امي و ابوي من داخلي تطور الوضع قمت اسب جدامهم و اذا ابوي عرف اني سويت غلطه مطبعيه العقاب يكون الطق تبون الصج جسمي تعود عليه. *لدرجة كنت اقوله مراات طقني لاني بروح انام لان الجسم خلاص ماات و الطق عمره ما فاد معاي
كانت سلبيات ابوي انه منافق مع انه كان يصلي و الحمدلله كنت اعرف اميز بين المنافق و الي مو منافق و هم اعرف اميز بين الي يحبونا و الي يسببون لنا مشاكل
تدرون الي صج كان يغهرني بيتنا كل من لاهي بعمره و طلعاته و روحاته و يبوني استانس و اقعد معاهم انا كنت حبيسة داري
كبرت و ما تغير طبع ابوي لا و يبيني اتغير كان ظالم و كان كله يكلمنا عن الدين كنت قول بقلبي اظل مثل ما انا احسن هذا ابوي يصلي و يقرا قران و هوا اكبر منافق.
مرات كنت اقول فقلبي انا مادري ليش ابوي مصدق روحه و عباله احد بيغازلني وانا كله لابسه هالعبايه و بنات جيلي كاشخين اشحلاتهم اخاف بس بيطالعوني و بيخلونهم.
انا مريت بمناجرر مع ابوووي وايد وايد و كنت دايما اشوفه الابو الي يتخلى عن بنته طبعا هالنظره ما يت من عبط
تخيلو مره انا و طليقي متهاوشين و هو ما يبي يردني تخيلو يقولي دزيله و تاسفي منه.
طبعا من طرف اهل ابوي كنت اشوف خواته و اخوانه الي اهم عماتي و عماتي دايما يوقفون مع اعيالهم. الا انا ابوي لو اموت ما يوقف معاااي طبعا مع كل بداية يووم يديد كنت اموتً بس بهدوء شخصيتي كانت سلبيه كنت خوافه و لا احب اتناجر طبعا لان ابوي كان على طول ضدي
تبون الصج تزوجت بس ما نسيت الماضي الاليم و لي الحين اذكر الوقت الي كنت على ابواب الطلقه الثلاثه و ابوي ليلحين يدزلي. دزي حق زوجج و تاسفي منه. تاسفت و دست على كرامتي و اتضحلي انه ما يبيني و بنفس الوقت اتضحلي ان ابوي للمره المليون ما يبيني و تناجرنا مره ثانيه. بنات و رب الكعبه بغيت امووت و هو زانطني بس ما كنت خايفه اتعرفون الوحده الي خلاص ما عندها شي اتعيش عشانه. اتعرفون لما انسانه تفقد كرامتها خلاص الكرامه و راحت بعد ليش اموت كنت اصرخ بس مو خوف كنت ابيه يذبحني يرتاح اهو وانا ارتاح. امي وخرته عني بالغصب.
بعدها نصحوني و قام يحنون علي اروح طبيب نفسي و صارت وايد اشياء لما رحنا عند الدكتوره و بوجودها ما خفت و قلت كل الي بقلبي و طبعا بوجود الاثنين امي وابوي و قلت بالحرف الواحد انا ما اتغير مدام ابوي ما يتغير. طبعا يومها ابوي بجا و لمني و تاسف و قال انتي بنتي اشلون ما احبج
الدكتوره عطتني ايات و قالت هالايات اتزيد الطاقات الايجابيه وانا مرات اقرا و مرات اطوووف وعدت ابوي اصلي بس بصراحه ما صليت كنت احس صلاتي ثقيله.
بنات عفيه لحد يرد دقايق و كمل لكم نهاية القصه *
اشلون تغيرت طبعا كنت ابعيده عن ربي حيل شنو كنت و شنو صرت
بهالوقت طليقي ناوي يطلقني و صار حجي واااايد تبلي وجذب ونفاق و قذف. تخيلو لي الحين
ما تطلقنا و هو يقذف زوجته وانا ساكته مابي المشاكل
بهالوقت بالذات كسرت خاطري امي كنت اشوفها تبجي و متضايقه و اسمعها اتسولف مع خالاتي واتقولهم الي قاعد يصير و بوي اول مره يوقف معاي وقفه
خلتني اغير الصوره القديمه. بجيت و لميت امي و تاسفت على كل شي و قلت حق ابوي انا بعيش و بقعد اهني على قوانينك مع انه ما كنت مقتنعه اني البس *عبايه
مرات كنت البس و مرات ما البس و كنت اصلي بس باخر مده صارتلي اشياء غريبه و قمت اتقرب من ربي بالصلاة و الاذكار
الصلاة صارت خفيفه على حيل و الاذكار نفس الشي قمت اقول خل اذكر ربي واخذ حسنات بدل هالمسلسلات
و الحين صرت اكلم ربي و ابجي على الوقت الي كنت فيه تايهه و بعالم ثاني. تغيرت حياتي من كل النواحي
بس اهم شي عندي رضا ربي و العبايه البسها وانا مقتنعه منها مع اني لما البسها احس بالحر و الصدقاات يابنات تخيلو معاشي كل مره يخلص
بس معاش الشهر هذا تصدقت و مع هذا زاااد منه اميه و خمسين دينار. ولاتنسون حب الناس و انكم اتساعدونهم عشان يردونها لكم و ختى لو ما ساعدوكم يكفي الله بيكون راضي علينا. و خلو اقلوبكم بيضه على طول و انا ضايق خلقي لاني احس توني في بدايت الطريج ابي اكون كامله من الناحيه الدينيه
و على فكره انا دايما احلم و افسر و يطلع التفسير اني مظلومه و مو ظالمه طليقي. و مع هذا اقول يارب تهديهم ما بي لهم يطيحون بمصيبه يبقون اهل وابو اعيالي و اقول الحمدلله انه ربي ابتلاني عشان اتغير
و بالاخير حبيت احط الموضوع اهني لان في بنات وايد يمرون على كل الاقسام بس ينسون القسم الاسلامي و القصه للعبره مو لشي ثااني.
و سبحان الله الي هداني من بعد ما كنت بعيده عن الله
التعديل الأخير بواسطة المشرف:
