مشاكلي مع حبوب البشره

[نوتيـــلإ# ..]

السلام عليكم ورحمة الله وبركاته

شلونكم شخباركم بنوتات :eh_s(7):

بنآت انا عندي مشكله مع بشرتي ولما اطلع استحي واشمئز من الحبوب اللي بويهي مادري شلون اوصفها لكم حيل يضايقني شكلها لانها مو شويه بكل مكان بخدودي الاثنتين وجبهتي وبرقبتي وفيه بظهري مادري شسالفتهَ ؟

انا كنت ماخذه موعد عند دكتورهَ سمر بطبيب الاحمدي ، وفادتني عطتني تقشيرات للبشره وجذي ..
وكنت استخدمهم لظهري و ويهي ورقبتي
وخفو الحبوب وبعدهآ من زود الاهمال اللي فيني ماقمت استخدمهمَ والحين رجعت اخذت موعد عندهآ بس مآدري اصبر لي شهر 1 ؟

ولا شنو .. اذا عندكم خبره بشي يوخر الحبوب نهائياً ويخلي بشرتي صافيه فيدوني ابي حلل مليت اصبر :eh_s(11):​

 

[zozo.7ob]

حبيبتي اول شيء لو تاكلين شوكولاتة قللي منها لنها سبب بهذي الحبوب ثاني شيء عندج الثلج و المعجون تحطيهم عالحبوب و تروح و عندج دوا وايد حلو و يسوي مفعول كنت استخدمه اسمو garamycin بالصيدليات وايد حلو

 

[Miss--dndn]

حبيبتي بقولج عن منتج امريكي روووووعه اسنه acne.org شوفي بقسم العناية بالبشرة موضوع عنه اسم العضوه ذيبه مزاجيه جربته وحيل تمدحه وحاطه صورها قبل وبعد وحاطه فيديوهات عنه
او دشي اليوتيوب وكتبي اسمه وشوفي النتايج
انا بصراحه طلبته من امريكا عن طريق عضوه هني اذا تبيت اهيا تطلبلج وتوصله لج لي البيت وطبعا لها عموله
شوفي بصرااااحه والله يشهد علي بس صارلي اسبوعين مستخدمته حسيت بفرق وهذي ترى البدايه اهوا العلاج تستمرين عليه لمدة ٥ شهور او ٦ شهور وتبدين تشوفين البشره صافيه من ٣ شهر ،،،حبيبي انصحج تلقين نظره على موضوع ذيبه مزاجيه وتبحثين اكثر عن المنتج راح يعجبج وان شاء الله تستفيدين
واسم العضوه الي تطلبلج من بره دكتور نوف اذا تبين رقمها قوليلي

 

[Miss--dndn]

هذي الروابط مالت الموضوع

http://www.q8yat.com/t1084198.html

http://www.q8yat.com/31279161-post1.html

 

[عزوتي خمس صقور]

موفقه

 

[نوتيـــلإ# ..]

زوزوَ الحب
يعطيجَ العافيه حبيبتي انا ما اكل كاكاو وايد بالعكس من فتره لي فتره ..

ومسَ دندن
حبيبتي ماقصرررتي وبدخل الروآبط وبشوف اليوتيوب
الله يوفقج حبيبتي ويعطيج على قد نيتج لانج ساعدتيني

 

[خلطات المذهله]

تحتاجين تنظيف من الداخل عشان مايطلع بقوة وكثافه دهون نفس وضعج الحالي سوي برنامج ديتوكس واذا كنتي ماتعرفين انا حاضره باي سؤال

 

[سندريلا 11]

تعرفين كريم جولي !! اوصيكم عليه ياحريم والله مايخلي اي شي ف الوجه
يبيض ويصفي والله انا مسويته علشان الحبوب اللي فيني
غير انه مايخلي اثر للبقع الداكنه البقع اللي تقولين مستحيل تطلعن
هو يمحيهن من الوجود - وسعره جدا جميل وحلو

 

[رانيا6]

ااااااااااااب

 

[sh_mashael]

جم عمرج؟

شوفي دام بشرتج من النوع اللي تحبب

فـ لازم تروحين طبيب جلديه و تطلبين منه يوصف لج حبوب roaccutane

هذيل يطلعون الدهون اللي بجسمج و راح تشوفين ويهج يحبب أكثر لين يخفون

الله يعينج

 

[تبيني آرضى عليك]

آآآآآآآآآآآآآآآب

 

[عهد الغرام]

محد كثري عانا من الحبوب شوفي انا كنت استخدم كريممات من الصيدليه نفعو بس يردون
اذا حبوبج كبيره حطي مره وماي ورد وخليهم لين ينشفون ع الحبه
وراح تحسينها تروح وحطي السدر مع ماي ورد ونشا اذا تبين احسن واستمري عليهم يوميا وراح تشوفين فرق
اذا انتي مو متزوجه لاتحاتين بس اتزوجين يروح من نفسه هذي هرمونات الحمد لله من تزوجت راحو حيل عانيت منهم

 

[Vous jamais]

تبين نصيحتي أخذي حبوب روكتان بس بعد استشارة الدكتور

و سوي تحليل لازم

بشرتي قبل كلها حبوب ما خليت كريم ما جربته

من بعد التوكل على الله و الروكتان الحمدللله

بشرتي تبارك الرحمن صافية

لا تخسرين نفسج على كريمات و خررابيط صدقيني جربي الروكتان

و الاخت اللي تقول كريم جولي تعرفين مكوناته هالكريمات تخرع

عليج بالطبي حبيبتي