مشاكلي هالشهر الحمدلله على كل حال

[شهد العسل ومر]

مرحبا بنات انا ذاك اليوم نزلت موضوع اللي هو ان معي قرحه بالرحم والتهابات
واخذت علاجات وجتني الدوره على طول وسويت تحليل ثاني يوم دوره تحليل هرمونات
وطلعت نتيجة التحليل تاسع يوم الدوره معاي ارتفاع بهرمون الحليب 26
وسويت سونار حجم البويضه بيوم التاسع 7 عاليسار و8عاليمين

وقال لي تعالي الاحد اللي هو بعد بكره بيشوف حجم البويضه زاد ولالا

بنات سوال هرمون الحليب 26 يعتبر ارتفاع عادي ؟

وهل معاي ضعف اكيد ولالا

وشنو الشي اللي اشربه يزيد حجم البويضه

متضايقه شوي لي 11 شهر متزوجه وابي اطفال :yaaaaaarb:

ادعو لي

 

[رانس]

توووج عروووسه
ماعندي فكره والله بس ماحبيت اطلع
بدون مارد عليج
والله يرزقج ان شاء الله

 

[شهد العسل ومر]

صح تو الناس بس انا امر بفراغ كبير وملل وطفش
الفراغ يقتل صاحبه خصوصا مو موظفه ولا شي ودي باطفال دامني بصحه وعافيه اربيهم
وماعندي مسوؤليه بالبيت الا قليله لاني مع حمولتي

تسلمين رانس عالرد حبيبتي

 

[Aloe Vera]

عالجي الهرمونً ترا علاجه بسيط
و اذا عندج زيادة بالوزن نزليه و لا اكلج كله خرابيط عدلي تغذيتج
و انصحج تتوبين عن اي شي ممكن يغضب ربج و تستغفرين بنية الحمل و الله يرزقج عاجلاً يا رب الذرية الصالحة

 

[اريـ الكويت ـاف]

اشربي بردقوش و مرمية مرتبن باليوم و اطحني سمسم و اخذي قفشة الصبح و وحدة بالليل دايما يعني على طول لا تقطعينهم و انشالله شهر شهرين و انتي حامل بس ادعيلي ان الله ينولني اللي في بالي

 

[شهد العسل ومر]

ارياف الكويت الله يحقق لج مرادج ويسهل امورج مثل ماتبين

 

[أأأميرة الورد]

ااااب

 

[غلآآ زوجها]

،،انا كانت فيها قرحة وكويتها والجمدالله ع كل حال وبعدها بين ان عندي ضعف والله ما اخذت لا علاج منها ولا شي استخرت ما ارتحت اشرب مرميه واحط قفشه صغيرة مرقدووش كوب صبح وكوب بلليل من ثاني يوم الدورة واوقفها قبل ايام التبويض استمرين عليها ٤ شهور والحمدالله حملت طبيعي لا ابر منشطه ولا شي

وطبعا كنت احط بدلة القهوة مع الهيل جم حبه مرميه طبعا ايام التبويض توقفين المرمية

والله يوفقج

 

[أبكاني ذنبي]

الله يرزقج بالذريه الصالحه عاجلا غير آجل

 

[جذابه بنت ذيابه]

الله يرزقج يارب

 

[ملكه الحطب]

اختي هذا شي طبيعي انا قعدت سنه ونص على ماحملت وهالشي من الله وكان ملل صح حاسه فيج تعالي شوفيني الحين ولدي مزرزززعج وكله بس صراخ بصراخ وابي اولد الحين والنفسيه زززززفت الززفت

 

[ملح الكون]

الله يشافيج ويعافيج ويرزقج الذريه الصالحه

 

[مزآجيه!]

حبيبتي عالجي هرمون الحليب

ترى اهو يضغف التبويض ، ويخربط الدوره

خليه ع الطبيعي

لا يقصون عليج الدكاتره ويعطونج ابر منشطه وكلوميد

وانتي ما عالجتي الهرمون

والله يرزقج بالحمل العاجل