رماديه
New member
- إنضم
- 18 ديسمبر 2006
- المشاركات
- 806
- مستوى التفاعل
- 0
- النقاط
- 0
حبيباتي بنات منتدانا الغالي ( منتدى تأخر الانجاب ) ياللي مالنا غيركم و غير منتدانا نشكيكم فيه همنا اتمنى انكم تقرون موضوعي وتوقفون معاي واتساعدوني
بعد ما ضاقت علينا السبل و المستشفيات الخاصه نشفت دمنا من سحب هالفلوس تكلفة العمليه 2000 دينار وفوق غير المراجعات وغيرها وغيرها والحكومه ما عندهم غير وحدت طفل الانبوب اللي لي رحتي قالولج دوركم بعده ان شاء الله السنه اليايه طبعا هذا بعد مرور اربع سنوات من يوم ما حطينا الموعد!
وسكرتيرة الدكتور حازم لما تسئلينها متى موعدنا ابعملية طفل الانابيب اتطلعلج دفتر كبيييييير ( اوراقه فولسكاب ) ملياااان اسامي واتقول بعده دوركم ايي السنه اليايه وتسأل السؤال المعتاد: انتو أي سنه امقدمين حشى هذا تقديم على بيت بالاسكان مو طفل انابيب.
والعمررر يررركض ولا احد هامه ... شيهمهم اللي ايده بالماي البارد مو مثل اللي ايده بالنار.
الراس شاب واحنا بعدنا شباب والله راسي منترس شيب اذا مو مصدقيني:eh_s(2):
ما أطول عليكم
قبل جم يوم وانا قاعده افرفر ابقنوات هالتلفزيون فجأه والا حلقة خالد عبد الجليل أشوف والا يطلع الدكتور حازم و شايل توائم طاااااار قلبي اشوف شالسالفه بعدها سمعت المحامي خالد عبد الجليل يقول: اديار بره الواحد يقط ما وراه ودونه علشان يسوي العمليه واهني يسوونلها لهم بارده امبرده....... لالا لا لا لا آنا اهني احتريت و قعدت اقلب ابذاكرتي شغلات و شغلات و اهي موعدنا اللي من اربع سنوات واحنا ننطر و غير لجنة العلاج بالخارج اللي ارفضوا انهم يسفرونا قلنالهم شالسبب قالو: (علاجكم متوفر بالكويت) انزين علاجنا متوفر وينه يالله عالجونا ! احنا قلنا لأ؟!
اهني قلت بلاااك يا د.خالد عبد الجليل ما دريت وما قدرت اصبر والاخت ما قصرت اللي حطت رقم البرنامج:
وقلتلهاااا كل اللي بقلبي واهي ان شاء الله بتكتب الشكوى واتوصلها للمحامي خالد عبد الجليل واهو ابطريقته يحل لنا مشكلتنا
فعلشان جذي ادعوكم يا خواتي انكم تتصلون كلكم وتتعاونون معاي لأن هالشي لصالحنا كلنا اذا انحلت هالمشكله راح يستفيدون كل المتأخرين بالانجاب ان شاء الله ويارب يلقونلنا حل لمشكلتنا.
والله يا بنات مو حرام اللي قاعد يصير فينا؟
احنا مؤمنين الحمدلله و ندري ان هذا ابتلاء من ربنا واللهم لا اعتراض على حكمك بس ربنا قال اسعى يا عبدي وانا اسعى معاك وهذا احنا نسعى عسى ربنا ييسرلنا امورنا ويرزقنا قولو آمين.
وبالنسبه للقرارات اللي قاعده تصدر كلها مو بصالحنا اشلون يخلون علاج العقم بالمستشفيات الخاصه بدال العلاج بالخارج واللي ماله علاج اهني شيسوي وشوف عيني اللي صارلهم اسنيين يعالجون اهني بس يسافرون بره يرجعون معاهم اعيالهم.
والقرار اليديد ان اللي عندها طفل ما يبعثونها بره الا بعد مرور اربع سنوات ليش اربع سنوات؟ اذا المره كبيره اهي ضامنه بويضاتها لي اربع سنوات وهالطفل الوحيد مسكين اكيد وده يعيش حاله حال اعيال هالعالم عنده اخوان وخوات
باختصار مسألتنا احنا بالذات ( مسألة تأخر الانجاب) مسأله حساسه وما تستحمل أي تأخير بالعلاج لأنها لها تأثير علينا في كل النواحي النفسيه والاجتماعيه و خصوصا الحياة الزوجيه والله انخاف ان حياتنا الزوجيه تنهدم و تدمر علشان هالمشكله.
واسئلو أي دكتور أو أي دكتوره متخصصه ابمجال امراض النساء والعقم راح اتقولكم ان علاج العقم لا يؤجل أبدا ويجب تستغل كل دوره وهالكلام قالتلي اياه دكتوره استشاريه قالت: حرام تتركين شهر من غير ما اتعالجين واتحاولين فيه لأن العمر يركض ولي فات الفوت ما ينفع الصوت.
والا اشرايكم؟
بعد ما ضاقت علينا السبل و المستشفيات الخاصه نشفت دمنا من سحب هالفلوس تكلفة العمليه 2000 دينار وفوق غير المراجعات وغيرها وغيرها والحكومه ما عندهم غير وحدت طفل الانبوب اللي لي رحتي قالولج دوركم بعده ان شاء الله السنه اليايه طبعا هذا بعد مرور اربع سنوات من يوم ما حطينا الموعد!
وسكرتيرة الدكتور حازم لما تسئلينها متى موعدنا ابعملية طفل الانابيب اتطلعلج دفتر كبيييييير ( اوراقه فولسكاب ) ملياااان اسامي واتقول بعده دوركم ايي السنه اليايه وتسأل السؤال المعتاد: انتو أي سنه امقدمين حشى هذا تقديم على بيت بالاسكان مو طفل انابيب.
والعمررر يررركض ولا احد هامه ... شيهمهم اللي ايده بالماي البارد مو مثل اللي ايده بالنار.
الراس شاب واحنا بعدنا شباب والله راسي منترس شيب اذا مو مصدقيني:eh_s(2):
ما أطول عليكم
قبل جم يوم وانا قاعده افرفر ابقنوات هالتلفزيون فجأه والا حلقة خالد عبد الجليل أشوف والا يطلع الدكتور حازم و شايل توائم طاااااار قلبي اشوف شالسالفه بعدها سمعت المحامي خالد عبد الجليل يقول: اديار بره الواحد يقط ما وراه ودونه علشان يسوي العمليه واهني يسوونلها لهم بارده امبرده....... لالا لا لا لا آنا اهني احتريت و قعدت اقلب ابذاكرتي شغلات و شغلات و اهي موعدنا اللي من اربع سنوات واحنا ننطر و غير لجنة العلاج بالخارج اللي ارفضوا انهم يسفرونا قلنالهم شالسبب قالو: (علاجكم متوفر بالكويت) انزين علاجنا متوفر وينه يالله عالجونا ! احنا قلنا لأ؟!
اهني قلت بلاااك يا د.خالد عبد الجليل ما دريت وما قدرت اصبر والاخت ما قصرت اللي حطت رقم البرنامج:
اتصلت طلعتلي معدت البرنامج وقبلها تأكدت من شغلات قبل كل شي وهي انهم ما يحطوني بالبرنامج الا بموافقتي وشرطت عليهم اني ما اطلع بالبرنامج ولا صوتي يطلع لأن تدرون هالموضوع حساس و ازواجنا ماراح يوافقون بعد ان نطلع.
وقلتلهاااا كل اللي بقلبي واهي ان شاء الله بتكتب الشكوى واتوصلها للمحامي خالد عبد الجليل واهو ابطريقته يحل لنا مشكلتنا
فعلشان جذي ادعوكم يا خواتي انكم تتصلون كلكم وتتعاونون معاي لأن هالشي لصالحنا كلنا اذا انحلت هالمشكله راح يستفيدون كل المتأخرين بالانجاب ان شاء الله ويارب يلقونلنا حل لمشكلتنا.
والله يا بنات مو حرام اللي قاعد يصير فينا؟
احنا مؤمنين الحمدلله و ندري ان هذا ابتلاء من ربنا واللهم لا اعتراض على حكمك بس ربنا قال اسعى يا عبدي وانا اسعى معاك وهذا احنا نسعى عسى ربنا ييسرلنا امورنا ويرزقنا قولو آمين.
وبالنسبه للقرارات اللي قاعده تصدر كلها مو بصالحنا اشلون يخلون علاج العقم بالمستشفيات الخاصه بدال العلاج بالخارج واللي ماله علاج اهني شيسوي وشوف عيني اللي صارلهم اسنيين يعالجون اهني بس يسافرون بره يرجعون معاهم اعيالهم.
والقرار اليديد ان اللي عندها طفل ما يبعثونها بره الا بعد مرور اربع سنوات ليش اربع سنوات؟ اذا المره كبيره اهي ضامنه بويضاتها لي اربع سنوات وهالطفل الوحيد مسكين اكيد وده يعيش حاله حال اعيال هالعالم عنده اخوان وخوات
باختصار مسألتنا احنا بالذات ( مسألة تأخر الانجاب) مسأله حساسه وما تستحمل أي تأخير بالعلاج لأنها لها تأثير علينا في كل النواحي النفسيه والاجتماعيه و خصوصا الحياة الزوجيه والله انخاف ان حياتنا الزوجيه تنهدم و تدمر علشان هالمشكله.
واسئلو أي دكتور أو أي دكتوره متخصصه ابمجال امراض النساء والعقم راح اتقولكم ان علاج العقم لا يؤجل أبدا ويجب تستغل كل دوره وهالكلام قالتلي اياه دكتوره استشاريه قالت: حرام تتركين شهر من غير ما اتعالجين واتحاولين فيه لأن العمر يركض ولي فات الفوت ما ينفع الصوت.
والا اشرايكم؟
التعديل الأخير:
