مشتركات شامبينز الجديد.. كلمونا عن تجربتكم

[كنووز]

بسم الله الرحمن الرحيم

السلام عليكم

مشتركات شامبينز الجديد بالجابرية

يا ريت تكلمونا عن روتينكم في النادي وشلون تقسمون وقتكم بين لعب عالاجهزة وكلاسات وسباحة...

وشنو افضل كلاسات ومدربات في شامبينز الجديد؟

يعطيكم العافية

:eh_s(17)::eh_s(17)::eh_s(17):

 

[SILVER RAIN]

هلا والله انا مشتركة بتشامبينز اليديد
حدة روعة النادي صراحة ووايد راقي
واهم شي انة وايد نظيف ولما تدخلين تحسين صج صج براحة نفسية
واهم شي سالفة الكرت الي ماتدخلين الا فية
واللوكرز الي يحتفضون بالكرت مالج على ما اتخلصين شغلج بالنادي

عن نفسي وايد اتمرن بالبيت تمارين ثانية عن النادي
لان يغثوني صراحة المدربات نو ومادري شنو قلت الي بيلوع جبدي على هالتمارين اسويها بالبيت واخذها من النت اقوى بوايد من تمارينهم
وقتي بالنادي ساعة فقط لاغير
مرات اروح الصبح او بالليل
كلاساتهم حلوة بس ماحب اضل بالنادي اكثر من ساعة شحقة اضيع يومي كلة وانا قاعدة اتمرن برا النادي
الي اسوي بالنادي ستبر وايد قوي وايد اخذة 10 دقايق احرق عليه 200 كلوري
جهاز المشي اركض علية لمدة 7 دقايق 100 كلوري
اطلع على جهاز الويفر 10 دقايق 200 كالوري
وبعدها اروح ركض على spinning
نص ساعة
وبصراحة هذا اقوى تمرين حق خسارة الوزن وصج اتحرقين وايد فية
ونصيحتي مطارة ماي ترسييييييييها وخلي وياج الايبود وحطي اغاني كلها حماس ريمكسات من النت والله راح تلاقين نفسج بسرعة تحرقين وتخلصين تمرينج ههههه
انا لما اخلص هالتمرين جنة متسبحة من العرق
لان صج صج اتعرقيييييييييييين بضمير
وتمرين الـ spinning لمدة نص ساعة بس ترا يخليج تخسرين من 350-500 كالوري !!
غير عن اي كلاس من كلاسات الناي واهوا بالاساسي 45 دقيقة هالتمرين
ومن بعد ما اخلص
اخذ شور واتوكل على الله ارد البيت
تمارين الكره من اقوى التمارين الي ممكن اي وحدة تسويها الصبح العصر المغرب اي وقت
لان تقسمت الحمدالله معدتي وشفت العضل اشلون بارز وايد شكلها روعة
مشاءالله
نصيحة لحد يعتمد بس على روحته النادي خلي يومج كله حركة
والاجهزة الي ماتقدرين توفرينها اصلا بالبيت خلي روحتج للنادي عليها
واهتمي بأكلج بالدرجة الاولى غيري نظام اكلج واهتمي بوزنج
اذا مشتهية مطاعم subway health stop low fat dait center pinkberry yogen yogert
لاتخلين بخاطرج شي ترا كل شي متوفر عندهم بس بشكل صحي لاتخربطين على المطاعم الثانية
قطعو السكر والزيت ولكم احلى جسم باذن الله ^_^​

 

[.Zara.]

مشكورين بنات ..
بس بجم الاشتراك ؟
و وين صاير مكانهم

 

[brat]

مكانهم بالجابرية قطعة ١، الحين مسوين عروض اللي أعرفه إن الحين اشتراك سنة ب٤٠٠ دينار

آنا أروح أتمرن كارديو من ساعة إلى ساعة ونص، مثلاً على جهاز المشي ٤٥ دقيقة أو ساعة
١٥ دقيقة عالبايك، ١٥ دقيقة عالكروس (elliptical)، ١٥ دقيقة عالcurve
مرات أدش كلاس spinning بس اللي ما أحبه فيه إن ما فيه مدربة، بس حاطين فيديو، أحس إن المدرب يشجع أكثر

الكلاسات أكثر شي يوجا عند لوسي، قبل عند إيما كانت خوش وحدة بس رجعت الفلبين

جربت مرة بس كلاس الback & waist حق الظهر والخصر حسينه وايد زين

ودي أجرب الstability ball أما باجي الكلاسات اللي فيها رقص وإيروبيكس وستبس ما جربتها لأني ما أقدر ألحق عالحركات، بس كلاسات الرقص تونس

وعندج كلاسات الأكوا، التمارين المائية

وترا قبل لا تدشين أي كلاس لازم أول ٣ أسابيع تتمرنين عالeasy line أجهزة بدون أثقال عشان تقوين إيدج وريولج حق الكلاسات
وبعدين تقدرين تتمرنين عالأجهزة اللي فيها أثقال

النادي حلو أغلب الأوقات هادي وريحة النادي حلوه وتريح الأعصاب، المدربات زينين يجابلونج عدل

 

[غلاتي الكويت]

خوووش نادي ومريح

اروح يوم واقطع 5 ايام ودي احبر نفسي اروووح كل يووم

 

[حضن امى]

كم اشتراكهم بالشهر
او 3شهور

 

[ღ Mzajiya ღ]

وااي على هالنادي :eh_s(2):
وايد حلو وكل شي فيه عاجبني خصوصا تمارين السباحه وبصراحه مادشيت ولا كلاس
كنت بس امشي وعالقاري شوي او الغزال واسوي التمارين الخفيفه اللي اهما محددينه
بالبرنامج حقي واروح حصص الاكوا

و والله كل يوم اقول ابي اروح و اهون من شهر 9 مشتركة لمدة سنه رحت شهرين
وقطعت وييع والله وزني كلماله و يزيد

ولان بروحي اتكيسل اروح
منو الحلوه تخاويني :wqedqw:
انا الوقت اللي كنت اروح فيه النادي من صلاة العصر لي صلاة المغرب
وباذن الله ناوية من باجر ابلش ارد للنادي​

 

[فوفو22]

انا مخضرمه بتشامبيون القديم

احبه وهو يحبني

حاليا امارس رياضة الماء الاكوا

ساعتين

وعقبها جكوزي

وبخار

اشوفها مريحه لي

فوفو

 

[!! Ba6a 7lwa !!]

اب
اب
اب