مشترياتنا من معرض الكتاب لعامي 2011 - 2012 بالصور

[:: Diva ::]

خرعتيني علبالي بطل وما حضرتها ومشكوووووورة على التنبيه علشان اخشلي ميزانية للكتب
احبج لانج منبه بشري

ههههههههههههههههههههههههههههه
:d:d
ضحكتيني والله



حبتج العافيه يانظر عيني :d

 

[دلال.]

ديفا .. طبعا المرور بالمعرض ضروري يكفي رائحة الكتب ومنظر الأوراق ..
بس كل معرض أدخله اتأمل إني ألقى و أشتري .. المعرض اللي طاف خذلني .. ما شريت .. لآخر يوم و أنا أدور و أتمشى .. مالقيت
شي يديد .. إذا ماكان عندي .. فـ يكون مو من اهتمامي ..

أنثى اليمامة .. صاجة بالنسبة حق الدور المصرية أتوقع نفس الوضع هالسنة .. إلا دار علاء الدين يمكن .. وصح دار المدى روعة همن ترجماتها ..

 

[عادت ذكرياتي]

بانتظار المعرض


لوووووووول شوقتينا

 

[LuLiTa]

رغم اني افضل الكتب الالكترونية لكني احب جو المعرض و زحمته و الحركة اللي فيه ... يذكرني بـ ايام المدرسة لما كنا ننطره مناطر عشان بس نفتك من الحصص و الدوام و نلعب لوووووووووووول ...


و انا مو حاطة شي معين بـ بالي لكن اللي يشدني و يعجبني بـ اشتريه

 

[MiSs kw]

ديفا
فز قلبي
على بالي فتح المعرض و طافني و انا حايسه بلوية الكليه و التسجيل
طلع تو الناااااس
انا هالسنه حابه اغير اتجاهي بالقراءه و السبب انه كل ما سالت عن كتاب قالولي هالمواضيع ممنوعه
ودي بمواضيع يديده و تكون حيل تشوق ابي اذا مسكت الكتاب ما اهده الا و انا مخلصته

و موفقين

 

[:: Diva ::]

ان شالله لي عوده ارد فيها عليكم وحده وحده

 

[:: Diva ::]

بدأ العد التنازلي




اليوم السبت
تاريخ 8 اكتوبر


باقي على المعرض ..

10 ايام

 

[love^angel]

الله معرض الكتاب عمري ما طوفته الا من تزوجت من 4 سنين.. ان شالله لي روحه هالمره ماراح اطوف لني مدمنة قراءه و توني خلصت الكتب الي عندي
في كتب حلوه تنصحوني فيها؟ انا احب الروايات واايد خاصة العالميه والاجنبيه وهم احب كتب عبدالوهاب السيد قريت كل اصداراته
واحب كتب التنميه الذاتيه والكتب المتعلقه بالايحاء العقلي والبرمجه العصبيه و هالسوالف

على فكره ديفا غلاف روايتج وايد حلو وانا كقارئه لو كنت بالمكتبه اكيد راح يجذبني و اتجه له
الله يوفقج و تخلص كل النسخ و تطيعين منه نسخه ثانيه و ثالثه ان شالله*

 

[Shiny Star]

انا حدي متشوقة هالسنة على المعرض لاني من عشاق المؤلف المبدع عبدالوهاب السيد وهالسنة ان شاء الله راح ينزل 3 اصدارات يديدة يعوضنا فيها عن غيابه الطويل

والله ما تصدقون شكثر قاعدة انطر اول يوم المعرض هجووووووووووووم

 

[أنثى اليمامة]

المكاتب المصريه السنه الي طافت مو صج !!!
كتب قديمه



تعتقدين هالسنه أحسن مع الثوره ؟
و لا بس التوجه بيكون على كتب سياسيه و حياة مبارك !؟

والله اعتقد ان هالسنة اغلب دور النشر بتركز على هالتطورات السياسيه ،، مثل السنة الي فاتت روايات توايلات جبال ، جبال .. علبالي صاير شي .. شدعوه هالجبال ،، كل دار حاطه جبلها بصوب ..

الدور المصريه ،، بتضل مثل ما هي ، وعلى قولتج الكتب كلها قديمه ،، حتى الاغلفه مدري شلون صايره ،، جنها لجيل الاربعينات .. ورق محكوك ..

الدور اللبنانية غاليه نار ، والاردنيه بعد ،، شصاير مدري ،، الكتاب بالنت سعره غير واهني عشان معتقدين ان الناس بنوك متحركه // الكتاب دبل سعره

​

 

[راعية الطويلة]

هلا فيج ديفا

السنة اللي طافت ينقصها التنظيم
كانت عايمة من جميع النواحي
و ما فيها حسن إدارة و ترتيب

أدري إن كلامي ممكن مؤلم للمعنيين

بس إحنا من حبنا للكتاب و شوقنا للمعرض

ننتقدكم
عشان تتداركون أخطاءكم هالسنة

بإذن الله

أتوقع هالسنة يكون أفضل من السابق ..

و ترجع الإدارة أفضل من السنوات و خاصة الثمانينات

لما كان معرض الكتاب فائدة و حس فني و متعة

بالنسبة لمشترياتي السنة اللي فاتت قليلة جدا
كان في خاطري بعض الكتب للأسف ما شفتها
و لما سألت محد فادني

ما سويت لسته حق هالسنة
بس أتوقع إني بشوف إصدارات تعجبني






بالتوفيق

 

[فرح يوسف]

قوة بنات
احد يعرف اي دوله بتكون ضيف شرف المعرض هالسنه ؟

 

[ارتيكازا]

الحين المعرض اي تاريخ بالضبط ؟؟؟, انا ودي اشتري روايات قبل لا اولد عشان اتسلى بالنفاس و وودي اشتري حق ولدي كتب تعليمية

 

[:: Diva ::]

الف شكر لكم بنااااااااااااااااااااااااات
باجي على المعرض 6 ايام

 

[شمع تحترق]

السنه اللي طافت المكتبات السوريه كانت امبدعه بالاسعار

ماكو رقابه على الاسعار و السورين امبدعين يعني و الله مثلا كتب باولو كويلهو شريته بدينارين اهم ابيعونه ب 9 و عندي لستت اسعارهم موحده مع ويهم و يوزعونه بعد بدورها و احطها لكم

 

[بنوتة طموحة]

وناسة ما بقى شي

الأربعاء الجاي يفتح المعرض

 

[:: Diva ::]

من صجج ب9 !!!!!

ههههههههههههههههههههه المشكله ان الروايه قديمه
و غير انها رخيصه تلاقينها بالنت !!!
مو صج





ونااااااااااااااااااساااااااااااااااااااااااااااااااااااااا
متى يصير الاربعا
قلبي يطق طربق طربق

 

[فرح يوسف]

متاكدين ان الاربعاء المعرض ؟
جنه الاثنين

 

[*حــــــــــلا*]

حتي انا ناطره المعرض مناطر
بس مفكره هالسنه اغلب مشترياتي تكون من الدور العربية

​

 

[ماسة الماسة]

بنآآآآآآآت متى المعرضض ؟؟!