مشترياتي إلي بتكون من كويت بإذن الله.,.,

[بحرينيه كشوخيه"]

هلووووو بنوتات

شخباركم عساكم طيبين

إن شاء الله آخر الشهر ناازله الكويت

مع قروب شباب وبنات تبع جمعيه سياسيه بس يايين نتسوق ونستانس مو سياسه

آنه ليحين مادري وين بنسكن ووين بنروح ووين ووين

بس حسب علمي المارينا وحديقه الشعب والأفنيو وسوق شرق إن شاء الله والأماكن الباقي إلي ببالي يارب نرووحها خبركم أحنا قروب وعليهم نمشي موعلي

نبتدي بسم الله

باخذ من سووق المباركيه من الجسار

باخذ مرشات الجسار إلي نصحوني بهم

مجموعة الجسار , مثبت البخور , شروق وايد حلوة الريحة , دهن العود اثقل شوي , للحمام عزكم الله الورد الطائفي

نكمل الميني جلابيه شي أكيد بس موعارفه من وين آآخذها وأنتو قولولي وبارووح آخذها إن شاء الله

فونديشن حنان الدشتي إن شاء الله أحصله

وإذا الله كتب ورحنا ستي سنتر بااخذ بجامات وفوط

باخذ من ريفا إلي بسوق شرق صراحه بضاعتكم أحلى منا بألف مره
وزبده الشيا وصابون الأفريقي الأسود من جرااس فديتها وفديت معاملتها حيل حبوبه

رهش درابيل أكيد هذي نوووي أنساه لأهلي



وأكيد نصايحكم حبيباتي مااالي غنات عنها

على فكره آنه نزلت شهر 12 وأنقهرت لنه صرفت فلوووس وماخذيت شي عدل:eh_s(14):

بس إن شاء الله هلمره باخذ أشياءات أحلى وتسوى من نصايحكم ونصايح هلي فديتكم وخبرتي السابقه

وإلي تبي شي من البحرين مايردها إله الكيبووورد فديتكم

 

[بحرينيه كشوخيه"]

ماااااصدق 10 مشااهدااات ولااارد

أفا بس أفا

 

[عيال الكويت]

السلام عليكم
حبيبتي انتي روحي مجمع الافنيوز اب تلقين كل شي اهناك
واذا تبين ماركات عندج مجمع الصالحية والراية و 360

 

[وطـن الاحـرآر]

حيااااااااااااااااااااااااااااااااج الله في ديرتج الثانيه

 

[Tom ♥ Jerry]

.


حياج الله بتنورين الكويت فديتج ؛*

 

[ranh]

بالتوفيق باذن الله حبيبتي
الله يسعدكم بعطلتكم ان شاء الله

 

[قفشه شكر]

حيااااج الله يالغاااليه
واذا بغتي اي شي راسليني عالخاااااص
واذا تبين بني عالخاااص بعد

 

[Q8stylle]

منورة الكويت

 

[مسك حياتي]

حياج الله بتنور الكويت ...

روحي مجمع 360 و مجمع الكوت ...

 

[بحرينيه كشوخيه"]

حبيباتي والله تسلمون كلكم

والله يعافيكم ويسلمك

وإن شاء الله الشباب يرضوون نرووح الأماكن إلي نبيها

 

[درر2008]

احذي رهش من الشمالي الي بسوق الكويت والدرابيل من الوطن لذيذ درابيل الوطن وانشالله اذا ذكرت شئ مميز اقولج لان الي بالكويت موجود بالبحرين

 

[عادي من قلبي أشيلك]

حيااج الله
انتي شنو تبين بالضبط سألي واحنا نجاوب

 

[بنت ميمون*]

روحي الفحيحيل والفروانية فها شغلات حلوة لان سوالف المجمعات نفها بكل مكان

 

[@فطفوووطه@]

حيااااج الله روحي الافنيوز بتلقين كل شي فيه وروحو السينما بعد وحيااااااج الله بديرتج الثانيه

 

[FeShinGoOo]

لا يطوفج الافنيوز و 360 .. مجمعين راقيين الافنيو يشمل كل المحلات تقريباً و360 هم اغلبه ماركات وهم فيه محلات عاديه مثل مانقو وكوستو وجذي ..

 

[غضـب]

تكفين طمنيني عنكم بالبحرين
احس الاخبار انقطعتتتتتتتتتتتتتتتتت ؟؟

 

[بحرينيه كشوخيه"]

حبيباتي والله تسلمووون

ماقصرتووو كفيتو ووفيتو

بس أبي أسأل مره في عضوه حطت عن برامج حصه اللوغاني

وكان لها برنامج يبيعون برد مثل بنك بيري بس بأعواد وبدينار

قالولي بسالميه بس وين بضبط مادلووني وجفت قوقل مالقيت شي

وأبي آخذ فلاتات وشيلات ملونه لنه آنه أطلع بدون عبايه بس بلبس محترم وشيله

وأبي قمصان للطلعات حلوين وين ألاقي


بليز إلي تعرف لاتبخل علي

 

[lovely-girl]

اول شي حياج بديرتج الثانيه​

وتنورين الكويت بوجودج...​

بالنسبه للبرد اللي تسالين عنه ...مادري وين ينباع لاني مااتابع برنامج حصه وايد​

انشالله البنات يفيدونج...​

اما الفلاتات تلاقينها بالمجمعات اللي بتروحيلها وفي بعد​

بحوش منيره اللي بالسالميه بظهر المارينا يكون وراه...​

هناك روحي وفي وااااايد محلات وطبي وتخيري...​

والشيلات في عندج بمجمع الفنار كشك يبيع ملافع وايد حلوه مو داكره اسمه بس تلاقينه يم انوتا...
وفي بنفس المجمع فوق محل (ايشارب) عنده شغلات حلوه وهالمحل موجود ب(الكوت) بعد وفي محل موجود اسمه (ارينا) وايد شغلاته حلوه هو كشك صغير بالدور الثاني بمجمع (الكوت)​

القمصان بتلاقينها بالمجمعات (الافينيوز\مارينا\الفنار\سوق شرق....الخ الخ​

حتي بسيتي سنتر في شغلات حلوة وعمليه​

وفي بعد ب(كويت ماجيك)...قمصان عجيبه..​

واتمني اكون فدتج ياالغاليه​

وحياج الله​

 

[محظوظه ومبروكه]

حياكم الله ياقلبي

هذا الي تقصدين

برد ستك هاوس طبيعي وخالي من السكر، موجود في سوق السالمية، ممكن أي شخص يزورهم ويصنع البرد ماله بالمحل


سوق السالميه الاحمر بتحصلين شيلات ملونه في قمصان للطالعه حلوين سوق السالميه شامل كل شي موجود

 

[السولعيه]

ياهلاا باهل البحرين



حبيبتي بخصوص الماركات عندكم بكل مكان ...


بس انصحج روحي 360 بتلقين فيه جم محل مو موجود بالبحرين


واذا تبين قمصان ولبس بيت وفوط وبجايم وفلاتات وملافع ..والللخ روحي السوق الاحمر بالسالميه

وهم فيه مجمع بالفروانيه اسمه العربيد حق الميني دراعه والدراعه العاديه < لاحظت اهل الخليج حيل يحبونه ويستانسون عليه عنده موديلات جاهزه انتي بس تختارين وهو يفصل..


اهلنا بقطر والسعوديه يستانسون على هالاماكن لان مو عندهم ابدا بديارهم


واتمنى اكون افدتج بشي


وحيااااااااااج الله حبيبتي