مشترياتي وعفسة مكياجي

[3isha]

.،

السلاااام عليييكم ..
​

ادري وحشتكم اهم شي الثقه خخخخ ولا تدرون عني :eh_s(2):
وايد ابي اشارك واحط مواضيع واهون تخيلوا اروح اتمكيج واصور واخر شي
امسح الميك اب وماكمل تصوير ليش مادري يمكن ٤ مرات سويتها
فيني كسل موب طبيعي انا موب من عادتي جي كسوله هالمره صج طولت من العيد
ماحطيت لكم ولا لووك بس انشاءالله يوم الاحد او الاثنين احط لكم لوك يديد


اوكي انا الحين ببدى بمشترياتي اول ..
طبعا هالمره نوعت شريت الميك اب الغالي والارخيص
اصلن الميك اب بكل انواعه يشدني غالي او رخيص من اجوف ميك اب اروح اركض صوبه
جني موب جايفه خيييير اتسبه وماعرف شنو اشتري وودي اخم كل شي :eh_s(2):
كل شهر اسويلي لسته بشنو الاشياء اللي بشتريها واقول مابشتري الا هالميك اب موب
ماخذه اكثر لان عندي وايد اشياء للحين ماستعملتهم وسبحان الله مادري شلون اللسته تصير دبل


جني طولت بالحجي سوري :eh_s(22)::eh_s(17):

يالله نبدى وراح اقولك الاشياء اللي اعجبتني واللي ماعجبتني ..











هاي ارواج مع المحدد يعني اثنين في واحد
وايد حبيتهم وماعرف شنو ماركتهم خذتهم من محل يبيع مثل ميك اب الهنود
وكانوا مسوين عليهم سيل :rerrerek: ماقدر اجوف محل مكتوب عليه سيل ومادشه




وهاي روج بعد عليه سيل ومن نفس المحل واعتقد نفس الماركه
لونه وايد حلو وايد احب هالدرجات




وخذت من عندهم هالجل لاينر هم لونين اسود وبني يجون مع بعض ماجربته للحين
بس يوم جربته فالمحل حبيته لانه وايد كريمي وماكان ناشف :rerrerek:



هاي مادري شنو بالضبط بس اعتقد كحل طبعا مستحيل احطه داخل عيوني
اخاف استعمل شي رخيص داخل عيوني بحطه كبيس حق الشدو



هاذي بودره برونز انا خذتها غامجه لاني بستعملها ك بلاشر



اخخخخخ ماعرف شقول اموت على هالشي هاي ثاني مره اشتريه
هاي بلاشر وايد وايد حلو وتقريبا استعمله بشكل يومي من كاراجا

​

يتبع ...

بليز فديتكم لحد يرد لين اكمل



​

 

[3isha]

.،

هاي باليت ارواج بس ماستعملته للحين
بس تحسفت اني شريته لانه ريحته موب حلوه :eh_s(2):



[url=http://www.gulfup.com/show/X3bopuean27io] [/URL]


لمعه من مااااك امووووت عليها :rerrerek::rerrerek::rerrerek:




تاتو الحواجب من فورايفر هاي ثاني مره اشتريه
بس المره اللي راحت كنت ماخذه اغمج من هاللون
هالمره خذت افتح درجه عندهم وكانت اخر حبه الحمدالله حصلتها
كنت صج بتضايق لو مالقيت هاللون





هالفرش من ماك خذت الكولكشن كامل ١٤ فرشه حدهم كيوت بس في فرشه ماصورتها
مادري وينها اكيد موجوده بس ماتبين






زحمه الفرش عشان جذي مالقيتها وايد عندي فرش ودوم اضيع الفراشي :eh_s(2):




هالثنتين استعملهم حق الباودر



حق الفاونديشن
​

يتبع .....
​

بليز لحد يرد
​

 

[3isha]

.،

للكونسيلر




حق الشدو والبلندنغ :rerrerek:




حق الكونتور والحواجب وهاذي ماعرف حق شنو
يستخدمونها احس مالها لزمه





ادري اني كنت اذم في فونديشن ماك
من فتره وكتبت في موضوعي انه مايعجبني لانه يدهن
بس ماعرف ليش رجعت وخذته مره ثانيه مع الكونسيلر والبودره
قلت حق اللي فالمحل ابي افتح من لوني بدرجه بس عطتني الكونسيلر غامج :eh_s(2):

اوكي بقولكم رايي فيه مره ثانيه
هو حلو بس فيه عيووب
اول عيب ان اول ماتحطينه ينشف على طول مايمديج توزعينه
لازم يدج تكون سريعه عشان ماينشف
والعيب الثاني انه بعد فتره يدهن عن خشمي يمكن لان انا بشرتي
دهنيه وايد :eh_s(2):

واللي حبيته فيه ان لونه حلوووو وبس
مايغمجني ولا يفتحني وايد حبيت درجته


والكونسيلر موب حلو لانه غامج
والبودره طبعا :rerrerek: بيرفكت طبعا جاتني فتره اقول انها ماقامت تنفعلي وتبقع ويهي
بس الحين الحمدالله ضبطت :eh_s(22):




هاي من نيكس اول واحد بيس حق الشدو ماحبيته وايد يتكتل فوق العيب
والثنين اللي تحت قلوسات
واحد شفاف فيه قلتر والثاني لونه بيجي وايد حلووو


يتبع .....


بليز لحد يرد لين اكمل
:eh_s(17):



​

 

[3isha]

.,

بلشر من cargo وايد خفيف واحب استعمله الصبح



لوز باودر من جيفنشي ماعرف شقول بس صج صج موب شي :eh_s(2): دفعت فلوس عالفاضي
جفتها عند اختي وحبيتها عندها بس يوم خذتها طاحت في جبدي
هي عباره عن ٤ الوان مع بعض من احطها ويهي يقلب رمادي :eh_s(2):





فونديشن من استي لودر
خايس خايس خايس لين بكره عطتني لون فاتح جني حاطه ماسك
ويشد ويهي احس ويهي بينشق وMaximum Cover
مانصح حد فيه الا اللي بشرتها فيها مشاكل لانه يغطي كل شي فالويه




هاي من بوندس خذته من الجمعيه هاي كريم حمايه وفيه لون
وايد وايد وايد وايد وايد خفيف جنج موب حاطه شي في ويهج بس يعطيج لون
والله اني اقص عالبنات واقولهم اليوم انا ماحاطه شي في ويهي ويصدقوني




بلاشر من نيكس خفيف وايد واحبه حق الصبح



روج من نيكس وايد حبيته فالمحل بس ماعجبني يوم رحت البيت :eh_s(2):



برونز من سنتر بوينت ماتذكر شنو كانت الماركه بس ماحبت هالشي ماجني حاطه شي



وهالبلاشر يجي مع البرونز اللي فوق بعد ماحبيته ماحس فيه لون



يتبع ....


بليز لحد يرد .. :eh_s(17):

​

 

[3isha]

.،

هاي لمعه مادري شدو مادري شنو بالضبط من سنتر بوينت نفس الماركه اللي فوق
بس هالمره حبيت هالشي اللي ماعرف شنو هو انا استعمله ك شدو ولمعه :rerrerek:





محددات من السعوديه ماخذتهم











باليت من فيكتوريا سيكرت حبيت الشدو بس ماحبيت الارواج وايد خفاف
ومايبينون جني موب حاطه شي والبلاشر ماستعملته وحتى البودره ماستعملتها






بعد من فكتوريا سيكرت اخخخخخ
هالباليت صج عوار قلب كل لون فيه حلووو ماعدا الايلاينر والقلوس

يتبع .....

بليز لحد يرد
​

 

[3isha]

.،

بعد من فيكتوريا سيكرت وايد واو كل شي حلو حتى الارواج والبلاشر
بس اكثر شي حبيته جوفوا ..




الليتات





من اتش اند ام :rerrerek: في لون وايد حلو مادري وين حطيته



من السعوديه الوردي ماحبيته ريحته صمغ وينشال بروحه :eh_s(4):







وايد حلوين خميت كل الالوان هاذيلن حق الرسم عالاظافر :rerrerek:


يتبع ....
​

 

[3isha]

.،

الحين عفستي لاتستغربون بس انا حدي موب مرتبه
وماحب ارتب اغراضي كلش ..،
هاي ترتيبي حق اغراضي اتذكر كانت عندنا خدامه اتقولي انتي ماخذه الجمعيه وحاطتها
فالبيت .،





هالادراج كبار ومخليتهم فالحمام حق الميك اب



مايحتي اقول هاي شنو ميك اب وخرابيط هالادراج حق الميك اب



واخني بعد فونديشناتي




منو تجي اترتب وياي





الميك اب في كل مكان


​

 

[3isha]

منثر وماعرف وين احطه

اي وهالليتات جفتهم عند رفيجتي حاطتهم في غرفتها عشان غرفتها ظلام
اذا جات بتتمكيج تحطهم وجان اقلدها ثاني يوم


وبس خلصت سوري عالموضوع الطويل

وادري سولفت وايد
اعذروني من زمان ماحطيت موضوع انشاءالله يعجبكم واي سؤال انا حاضره

​

 

[سكر_قطر]

ماشاء الله تبارك الله

تخلصينهم بالعافية ان شاء الله

لااازم ترتبين احس في اشياء تنسينها لانها مخشوشة

باليت الروج بوريحة ترى وايد ثابت انا استخدمته من زمان وكان حلو فالدمج والثبات بس ريحته شوي مزعجة

حبيت سالفة الليتات بدور لي نفسهم بس اصغر شوي

بالتوفيق حبيبتي وننطر لوكاتج

 

[q8yah]

نايس اغراض

 

[الأميرة جوري]

عليج بالعافيه نبي نشوف شغلج ولوكاتج

 

[3isha]

اسمحولي عالاغلاط فالكتابه مانتبهت الا الحين
​

 

[3isha]

ثااااانكس بنات .،
وانشالله هالكم يوم اسوي لوك يديد ..

 

[candice]

حلوييييييييييييييييييييييييين كلهم عليج بالعافيه
يس عندي سؤال مهم الليتات من وين شاريتهم بالظبط وشنو قلتي حق راعي المحل يعني ابي ليتات بروحهم ولا شنو وشلون تركيبهم بس جذي حاطتهم ما يطيحون؟؟ وبس خلاص
ضروري ردي علي :d

 

[عاشقه رويشد]

اغراضج تشوووق عليج بالعافيه

 

[ميس هارودز]

عليج بالعافية تتهنين فيهم و يبيلنا منقذ للعفسة الحمد لله أني مؤ بروحي كل يوم مكياجاتي معتفسه والله كل يوم آنظمهم وكل يوم يعتفسون

 

[مملكه الرشاقه]

عليج بالف عافيه المشتريات الحمر الوانهم تهبل ماشاءالله عجبوني اللي فيهم تحديد جذي احسن من انج تاخذين لهم تحديد ذوقج بالحمر مثل ذوقي احب الفواتح خصوصا الوردي

وبالنسبه لعفسه المكياج يبيلج زفه
ليش عافسه المكياج فوق تحت اخذيلج ادراج مثل الشوفنيره بس اصغر وحطي داخلها مقسمات اللي مثل مالوت ايكيا ورتبيهم عدل ومن برى حطي ستيكرات عالدرج عشان ما تنسين مكان شي جذي ارتب لان مكياجج ماشاءالله وايد وعشان كل شي يكون واضح جدامج والمكياج اليومي حطيه بالادراج الشفافه فوق الشوفنيره والفرش حطي لهم فازه وحطي فيها صخر ملون فرش الويه بروح وفرش العين بروح

انا لو مكياجي جذي عفسه يصير فيني اكتئاب وضيقه خلق لان كل شي بيضيع وماشوف عدل

انا بطق تذكره للامارات وارتبهم لج

بس ترتبين مكياجج ورينا الترتيب

 

[fan fojy]

عللليج بالعافيه حبوبه

والليتات ماعليج امر من وين اخذتيهم ؟؟

 

[اينااس]

رووعه اغرراضك بالعااااااافيه

 

[krkooora]

انا بيي ارتب معاج

وايد وايد عفسسسه لوول شلون تركزين بالاغراض جذي !!

وايد حبيت الوان الحمر يهبلون و اضاءة كاراجا و باليتات فكتوريا عليج بالعافيه

و لازم لااااااازم ترتبين هالعفسه هههههههه