مشترياتي ومشترياتج من سفرتج حياكم نبي تفاعل وصوررر

[قلم صريح]

بما ان الصيف قرب

كل وحده تحط شنو شرت من الديره الي راحت لها

تصور وتنزل وتحط السعر واسم الدوله والمكان الي شرت منه هالشغله

اي شي ان شاء الله كوب عادي

انا اليوم شريت بلوتوث بس المشكله مو راضي يتبطل معاي

اول مايتبطل برز الصور اهني:dddds:

وابي تفاعلكم كويتيات مانبي المنتديات الثانيه تسبقنا بالمواضيع المشوقه

وطبعا فكرة الموضوع حصررررررررررررريه


ولكم ورونا تفاعلكم

 

[أمانيQ8]

انشالله اذا رجعنا بالسلامه اصورهم واتعلم انزل الصور لاني ما اعرف

 

[دلوعة حبيبي]

ها اختي

للحين ما نزلتي الصور

ننتظر ؟؟؟؟؟؟؟

 

[S.Y.M.B.E]

ننطر صورج

!!

 

[rawona]

انشالله لي رديت بالسلامة .. وناطرين صورج :eh_s(8):​

 

[أم الكتاكيت]

انشالله اول ما ارد انزلكم الصور

 

[nice smile]

هذي المداليه من مصنع شوارفسكي بالنمسا

الصوره ظالمتها حيل

لانه تبرق بالطبيعه ولونها روعه

سعرها : ماذكر بس ماتععدى ال 20 دينار

والمكان : معرض شوارفسكي في انسبورك

يالله نبي همتكم وين مشترياتكم خنشوووف @@

 

[A. style]

انا بصراحة عندي وايد اشيا بس ما اعرف انزل الصور شلون عفية

 

[شهدQ]

موضوع وايد حلو لي رجعه

وياليت يابنات تحطون صور لو شي تافهه ممكن يكون مهم بالنسبه لغيرج

 

[الجوري74]

خوش شي
بس اتوقع الموضوع ساااابق لاوانه"السفر"

 

[شهدQ]

هذي مشاركتي

خامه قطن من ماليزيا من شارع تانكو عبدالرحمن



البلوتوث وايد يعلق معاي راجعه قريب ان شاء الله

 

[سمبوسة]

بحط لكم الشغلات اللي حبيتها ورديت طلبت منها من الانترنت من كثر ما حبيتها للأسف ما أعرف أصغر الصور فبحط صورهم من النت

من سيفورا باريس

هذا الله يسلمكم ماسك للعين تحطينه بالثلاجة اذا عينج تعبانة من التلفزيون أو الكمبيوتر تحطينه عليها وتريحين واذا تبين حار تحطينه بماي حار شوي وتستخدمينه عجيييب

وهذا ماسك للعيون بزيت اللوز خذيته من صيديلة مثل بووتس بالنمسا يفتح ويريح

وهذا وايد حبيته دلاق فيه كريم منه وفيه يعني تلبسينه ويطري ريلج ويكفي لما عشرين غسله بعدين يصير دلاق عادي :dddds:

وهذا بعد خذيته من ألمانيا ما أذكر من وين حسافة بس وايد فادني عبارة عن غطا للمخدة من ورق جنه كلينكس مخصوص لخلطات الشعر ينقط ثاني يوم وايد حلو وفادني مع خلطات المنتدى _03BA:

هذا بعد من سيفورا حق الفرنش مانيكير ترسمين فيه الخط الأبيض يعني كان أوكي مو وااو اللي عجبني أكثر بس ما عندي صورته قلم كانه قلم رصاص أبيض ترسمين فيه من داخل الظفر ويعطيج لوك الفرينش من غير صبغ حده حلو

وهذا من سيفورا مصلح مكياج العين مثل قطن أذون بس فيه مزيل مكياج جاهز يعني تحطينه بالجنطة حق تعديلات بسيطة للوك

ولي رجعة لما أحوس بأغراضي​

 

[rawona]

صور مشترياتكم تشوق ..

انا توني ما سافرت بعدني مطوله .. انشالله بس ارد احط اللي اشتريه ​

 

[dalprincess]

تشووووق شغلات سيفوورا حدها والقلم مال الفرنش يهبل انا لمن رحت شريت 4 وليلحين استخدمهم

 

[شموخ العجمية]

موضوع يونس
بس توني ماسافرت اذا سافرت بخم سوق كله واحطه عندكم

 

[malekatsabaa]

انشاله لي سافرت!!

 

[@Miss Dio@]

واي سمبوسه يا حلاتج اغراضج تهبل الدلاق من وين بالضبط انا افج حلجي لما اسافر وما اعرف اشتري وخصوصا اذا مكان فيه اللغه اجنبيه مو انجلش

 

[سمبوسة]

يا بعد قلبي Miss Dio ما يغلون عليج الدلاق الله يسلمج من ألمانيا نسيت اسم المحل دوغلاس أو شي جذي وموجود بالأمازون اذا بتطلبينه aloe infused socks وبعد موجود بباث اند بدي ووركس وشوفي ألحين كل مكان يتكلمون انجليزي حتى باريس >>> يا شينهم لي حاجيتيهم انجليزي ويردون عليج بالفرنسي يعني معصبين سليحط بس ما عليج يطلع لج جم ولد حلال وانا أدش بخشومهم سؤال ورا سؤال

انا ما يجذبني السوق كثر الجمعيات والصيدليات والمكياج وهالسوالف والا الهدوم كل شي عندنا بالكويت الحمدلله

 

[GOLDEN_FISH]

:gathering:5o0o0o0sh mawthoooo3

 

[Pink GirL]

خوش موضوع
عليكم بالعافية

يونس القطن مال المكياج والصبغ للفرنش مانيكيير عليج بالعافية سمبوسة