مشتريات رمضان

[ام طلال]

السلام عليكم
حبيباتي نبي نعرف ونتشاور بأحسن منتجات جربتوها لرمضان من علبه لروب الى خيشه العيش يالله همتكم معانا وكل عام وانتوا بألف خير مقدما

 

[جرح الليالي]

والله يام طلوول انا جربت عيش بوابة الهند صج عليه القيمه

الحبة شطولها وينفع للمجبوس والمشخول واما الكبب الجاهزة فعندي كبب نبيل رووعه بس هالايام ما اشوفها بالجمعيات

السمبوسة الفها بروحي بالبيت واثلجها

اذا مر في بالي شي ارد خيتووو

وكل عام والجميييييييع بخير

 

[سمسميه]

هلا ام طلال خوش موضوع علشان نستفيد حق ماجلة رمضان
انا عن نفسي لازم اشتري كرتون كريمة كي دي دي وكرتون قيمر نستله لاني استخدمهم كل يوم وبرمضان ما تحصلينهم الا نادر بالجمعيات
ولازم اشتري عجينة سويتر للسمبوسك اما الكبب اشتريها جاهزه

 

[خبيرة اعشاب]

صراحه للحين ما سويت شي ..بس عندي افكاار

الكبه و السمبوسه ما ناكلها واجد برمضان يعني بس انخليها حق ضيوف ..و افكر اخذ من ام عبد العزيز

بالنسبه للعيش انا اخذ كنتري اكس لارج او انديانا جت ...مع اننا ما نستهلك عيش واجد برمضان ...

طبعا اهم شي عندي المواعين هههههههههه
رح اقوم برحله ن شاء الله للمويس اجيب لي من ها المواعين الزينه ..

اما بخصوص الشيل فاول شي اغراض حق الكيك و الحلو ..و بعدين الفيمتو و تانج و العصاير ..
عجينه سمبوسه و جلاش و كنافه .....
مجمداات بكثره

و عساكم من عواده

 

[ام طلال]

صاجه حبيبتي جرح اليالي عيش بوابه الهند فظيع انا انقعه عشر دقايق بالماي الحار وبعدين اطبخه صج عجيب والكبب والله انا اشتري من بيت بصباح السالم شغلهم يهبل والدياي ساديا واللحم من المواشي والشوربه ماجي والقيمات هونيج ومره شريت العلالي طعمه لوعه/خبز الرقاق من المطاحن العصير طبعا فيمتو وتانج واللبن لبن المراعي والروب بعد واذا تذكرت حاجه راح ارجع اضيفها

 

[xxx]

هلا ام طلول وعليكم السلام

ومشكورة على الموضوع الي راح يفيد الجميع

العيش كنت استخدم انديا جيت

بس من عقب ماجربت كنتري XL ما افكر اغيره يهبللللللللل

الكريم كراميل والجلي ماركة رويال

الشوفان ماركة كويكر هذا ضروري حق اليريش الجذاب :eh_s(6):

وعندج أهم شي أغراض البيتزاااا
(زيتون مقطع - جبن بيتزا - مشروم مقطع)

عجينة بيف بستري ماركة أمريكانا أو الكرامه

واذا ان شاءالله تذكرت ارد اكتب ​

 

[ام طلال]

صاجه سمسميه يبيلنا نشتري من الحين بس انا طريقتي اشتري يوم بيومه الا اذا حصلت عرض خاص ذيج الساعه آخذ
حبيبتي سول انا الكبه عندي شي ضروري والعيش مومهم اهم شي التشريبه
اما المواعين فأختج عندها ادمان الله يعيينا هالشهر

 

[ام طلال]

مشكوره بنت الكويت على المرور وكل عام والجميع بخير

 

[خبيرة اعشاب]

نسيت ما قلت لكم

الدجاج الوطنيه
صدور دجاج ساديا
لحم مفروم امريكانا و المواشي

معكرونه المطاحن
خبز الرقاق نشتري من اللي يبيعون بره
شوربه كويكر + ماجي

عجينه بيتزا
و طبعا اللبن مراعي ...مع حليب كي دي كاو
و نشتري تمر و رطب
و الزبده ايجيبها زوجي صراحه ما ادري من وين ...

و عساكم من عواده

 

[معلمة روضه]

يا حافظ مجاعه؟

رمضان للاسف صار للأكل والتفنتق ونسينا انه عباده اول شي وفايدته الصحيه بتنظيف الجسم ....الله يعين هالبطون:eh_s(6):
بنات لا تخربطون ترى والله مو زين هالشي عسى الله يديم علينا هالنعمه يعني انا ملاحظه ان ثلاثة اربع الاكل المحطوط مصيره....الزباله !!

 

[عيد الفرح]

بصراحة موض

 

[عيد الفرح]

بصراحة موضوعج يام طلال حيل مفيد ويعبل انا بغيت اسال اي نوع عجينة بيتزا حلو انا اقصد الجاهزة