Hello
:ggdw:
/
\
/
\
/
\
/
\
/
\
/
\
\
/
\
/
\
/
\
اتمنى من كل قلبي ان الكل يكون مبسوط و فرحان ^^
هادي مشترياتي بالفتره الاخيره من كلوكشينات الكريسمس الي نزلت باستراليا من فتره
من ماركات منوعه بعضها موجود بالخليج و البعض لا
انا راح اقول رايي بكل شي اشتريتو و الي جربتو راح اذكر تجربتي معاه
شوفو الموضوع و ان شالله تستفيدو و تاخدو فكره عن اخر الكلوكشنات
/
\
/
صوره جماعيه لكل الاغراض
/
\
/
\
/
\
/
\
/
\
/
\
From Chanel Boutique
من شانيل اخذت بلشر و شادو للحواجب
* البلشر درجتو IMPRVU 59 ماشالله يجنن يجنن يجنن لونو مره عجبني
ما اعرف كيف اوصف الدرجه غير انها خليط من برونز فاتح مره مع شويه روز خفيف اللون مره حلو و طبيعي
يناسب اي ميكاب و يطلع مع الروج الاحمر رائع و يناسب كل الوان البشره
وعلى فكره الي تبيع قالتلي انو هالنوع من البلشر اتعمل بطريقه انو مايتكسر نفس باقي البلشرات
ووصح كلامها لانو انا عندي بلشرات بنفس الطريقه هادي من تلاته سنين والا الان ماشالله كانها جديده
* شادو الحواجب فظيع فيه تلاته درجات اسود و رمادي و بني فاتح تجي مع بعض
وهادي تالت مره اشتري منو ولا ناويه اغيرو مرتاحه عليه على الاخر.
Bobbi brown
من بوبي براون اخذت فاونديشن و كوركتر و كونسيلر
* الفاونديشين اخدت درجه Natural Tan هيا غامقه شويه على بشرتي بس انا ساعات احب اخد اساس غامق
من باب التغير و انا جربتو و ما انصح احد فيه الا الي بشرتها صافيه مره و جافه مره لان نسبة الترطيب مره عاليه فيه
لكن كتغطيه فاشل و عن نفسي ما ارجع اشتريه تاني و مايستاهل الضجه الي سارت عليه
وناويه ارجع اشتري فاونديشيني من ديور Nude مره حلوه و افضل من بوبي براون بمليون مره
Lancome
من لا نكوم اخذت set عباره عن مسكرا و كحل و مزيل ميكاب و التلاته للمره الالف اشتريهم
طبعا المسكرا الي جات مع ال set هيا Hypnose Drama تكثف تكثف تكثف
وللي يحبو الكحل الجاف كحلة لانكوم احسن شي و مزيل الميكاب كمان حقهم حلو
المسكرا التانيه هادي اول مره اجربها و اسمها Hypnose doll eye من اسمها (دول اي ) يعني عيون اللعبه
فكرتها انها توزع و تفرق الرموش و تطولهم المسكرا مو مره واااااو..... لا هيا فعلا تفرق الرموش بشكل رهيب
بس ما تكثف نهائيا و تطولهم بس مو مره
باختصار هادي المسكرا تطلع تجنن مع لوك النو ميكاب لانو نتيجتها طبيعه مرررره و انا حبيتها
لانو ساعات الواحد يشتهي يحط شي خفيف و ناويه اجيب منها تاني ان شالله
يتبع
