مشرفات التغذيه في المدارس .. كويتيات وبدون .. لكـــــــــــن !!!!!

[* بنت المطر *]

السلام عليكم ::



صراحه شي يبط الجبد وظلم ياناس.... والله ظلم _ كويتيه وبدون يشتغلون نفس الشغل لا ويمكن البدون تشتغل اكثر

نفس الدوام .. نفس وقت الحضور .. نفس وقت الانصراف ... مشرفات تغذيه في المدارس ..

الكويتيه تستلم >>>> 610 دنانير _ 360 دعم عماله و 250 من الشركه المسؤوله عن الوجبات

اما البدون تستلم ....















100 دينار فقط لاغير _ لحد يقولي لا ومالا انا متاكده من نفس المصدر !!!

قالولهم بالاول 200 بعدها قالوا مالكم الا 100 تبون والا كيفكم :flower:

انا بس ادعيلهم توصلهم هالاميه !!!!!!!!!!!!!!!!!!!!!!!!!!!!!!!





ياجماعه ليش ؟؟؟ اهما مواوادم يعني ؟؟ موبشر ؟؟ ماياكلون ويلبسون ويصرفون حالهم حالنا ...

هذا اللي حثنا عليه الدين الاسلامي ؟؟؟ التفرقه ؟؟ استغفرالله العظيم من كل ذنب عظيم

يالله ظلم حرام الله مايرضى بالظلم ياناس _ كلنا سواسيه عند الله سبحانه وتعالي كلنا بنندفن بحفره وحده مردنا

للتراب _ ليش مانطبق تعاليم الاسلام ؟؟ وين خوفنا من الله ؟؟


جتني وحده من مشرفات التغذيه البدون ذاك اليوم قالتلي لو ع الاقل يعطوني 200 حق الايجار انا راضيه


صراحه عورت قلبي .


انا اقمت باستراليا فتره من الزمن اقولكم شي والله يابنات شفت الدين الاسلامي عندهم ..


كثر ماتعطي الدوله تعطيك مهما كان اصلك مهما كان فصلك جنسك لونك شكلك مذهبك ديانتك ...... الخ


ماكو تفرقه الاجر عندهم بالساعه كثر ماتعطي كثر ماتاخذ _ صحيح عندهم مزايا يحصل عليها مواطنينهم بس


كثر ماتعطي الدوله الدوله اتكافاك بالجنسيه ....



ليش ياكويت ؟؟ ليش ياديرة الخير ؟؟ ليش ياللي خيرج مالي كل العالم ؟؟ حلوها خل تحل البركه اللي فاقدتها

الديره !!! سهلوها ع الاوادم الله يسهلها علينا ...


تضغطون عليهم تبونهم يطلعون ؟؟ احد يقدر يخلي شجره تطلع من جذورها بروحها بدون لاينتزعها !!!!

حرررررررررررااااااااااااااااااام اجدادهم ظلموهم واظلمتهم الديره اكثر ... اااااااااااااااااااااه :eh_s(11):


زرعنا الحقد والكره بقلوب هالاوادم وخليناهم بينا ..

اشرايكم ؟؟ لو يتنزعونهم من الديره غصبن عنهم عندي وايد ارحم لهم لان ديار الله واسعه والرزاق

الله سبحانه ..


ماقول الا الله وياهم ... بترك لكم الكلام والتعليق لاني لوبتكلم منيه ليه باجر مابخلص


سلام​

 

[بنت الاحلام]

توج تدرين

اهو وقفت بس ع المدراس بكل مجال وبكل مكان

معاشتهم ما تكفيهم حتي اكل وشرب

ولا بانزين

الله يكون بالعون

كافي رب العالمين معاهم

 

[* بنت المطر *]

شكرا بنت الاحلام حبيبتي ع المشاركه اتمنى مشاركات الباقي هذا ركن مناقشه حياكم

وانا موضوعي بعتبره باب للنقاش من جهه وحمله ضد الظلم من جهه ثانيه

 

[الحــــالمة]

الله يكوون بعونهم

100 دينار ماااا تسوي شي الحين

 

[بنت باباتي]

للاسف هالموضوع ماله حل على الاقل مشرفة التغذيه دوامها ساعتين والا ثلاث حرام اللي يشتغلون امن بالمطاعم والمجمعات تخيلي معاشهم 80 والدوام 12 ساعه مو ظلم

 

[عاشقه مودي]

رد : مشرفات التغذيه في المدارس .. كويتيات وبدون .. لكـــــــــــن !!!!!

يعين الله

 

[العصفوره الدلوعه]

منوو قالج يعطون البدون 100 غلطانه يعطونهم 150 دينار والكويتيه اقل من 650 انا مشرفة تغذيه واليوم مستلمه المعاش

 

["*آآآنؤؤؤقهـ*"]

رد : مشرفات التغذيه في المدارس .. كويتيات وبدون .. لكـــــــــــن !!!!!

حبيبتي انا مشرفة تغذيه

والبدون تاخذ 150 دينار من الشركه

والكويتيه تاخذ 200 انا اليوم استلمت 200 معاشي الشركه و360 من دعم العماله الوطنيه الله يخلي ديرتناا

والشركه هذي معاشاتهم بس الكويتيه يزيدهاا 360 وللحين ماخذيناه مادري متى راح ينصرف



والحمدلله على النعمه وان شاء الله مافي تفرقه وكلناا بخير ونعمه

والبدون الله يكون بعونهم صااجه حالتهم كسيفه

 

[عاشقة_الجمال]

100 وال 150 ترى ما فرقت

بعد المعاش قليل حيل بالنسبه لغلا المعيشه اللي احنا فيه

احنا معاشاتات بالميات ونصرخ من الغلا وشلون المعاش ما يكفينا

عيل شلوون اهم المساكين

الله يكووووووووووووون بعوونهم يا رب

 

[رفاعيه]

ااااااااااااه حرام واحنا عندنا ال١٥٠ وال ١٠٠ نصرفها على بدله ولا على شي سخيف !

 

[لـــوز]

يكسرون خآطري هالبدون والله

الله يكون بعونهم

بس ع مآقآلوآ العوض ولا القطيعه

 

[eman12]

الله يكون بعونا كلنا

 

[الغاليه نونو]

اقووول حبوبه بقول لج جم كلمه حطيها في بالج زين مااااااازين

ترا الكويت اللي تنقدين عليها وتقولين خيرها مغطي عين الشمس وماتعطي البدون ولا تساعدهم وقاعده تتحلطمين وتسوين سوالف مالها داعي وتثيرين الفتنه والحقد بين البنات
لعلمج الخاص ان وظيفة مشرفات التغذيه مخصوصه حق الكويتيات بس وهذا شرط من شروط التربيه انهم متفقين مع الشركات انهم يوفرون فرص وظيفيه حق الكويتيات ربات البيووت بالدرجه الاولي
واذا الشركات افتحت المجال حق البدون والمصريات ترا هذا كرم من الديره علي هالفئات والا اهيا ترا موملزومه توظفهم ولعلمج الخاص ان البدون تستلم 150 والكويتيه 200
موذنبها الكويتيه اذا يعطونها دعم العماله من حقها كويتيه وتتمتع بخير ديرتها ليش تتكلمين عن الكويت بهالطريقه انتي ماتخافين ربج شوي وتلعنين ابليس؟؟؟
وبخصوص ساعات الدوام ترا الدوام من الساعه 7 الصبح ونخلص الساعه 11 ومرات 12 يعني علي حسب الشغل شالمشكله اذا دوامنا يخلص هالحزه ليشس محتره يمه

بنات البدون يهبلون والله مستانسين معانا وطايرين من الوناسه علي معاشاتهم لا شفتهم يتحلطمون ولا يقولون نفس اللي تقولينه بالعكس راضييين كل الرضا ويحمدون الله وزيشكرونه بس مادري ليش تفبركون السوالف وتسوون من الحبه قبه

 

[الغاليه نونو]

اقووول حبوبه بقول لج جم كلمه حطيها في بالج زين مااااااازين

ترا الكويت اللي تنقدين عليها وتقولين خيرها مغطي عين الشمس وماتعطي البدون ولا تساعدهم وقاعده تتحلطمين وتسوين سوالف مالها داعي وتثيرين الفتنه والحقد بين البنات
لعلمج الخاص ان وظيفة مشرفات التغذيه مخصوصه حق الكويتيات بس وهذا شرط من شروط التربيه انهم متفقين مع الشركات انهم يوفرون فرص وظيفيه حق الكويتيات ربات البيووت بالدرجه الاولي
واذا الشركات افتحت المجال حق البدون والمصريات ترا هذا كرم من الديره علي هالفئات والا اهيا ترا موملزومه توظفهم ولعلمج الخاص ان البدون تستلم 150 والكويتيه 200
موذنبها الكويتيه اذا يعطونها دعم العماله من حقها كويتيه وتتمتع بخير ديرتها ليش تتكلمين عن الكويت بهالطريقه انتي ماتخافين ربج شوي وتلعنين ابليس؟؟؟
وبخصوص ساعات الدوام ترا الدوام من الساعه 7 الصبح ونخلص الساعه 11 ومرات 12 يعني علي حسب الشغل شالمشكله اذا دوامنا يخلص هالحزه ليشس محتره يمه

بنات البدون يهبلون والله مستانسين معانا وطايرين من الوناسه علي معاشاتهم لا شفتهم يتحلطمون ولا يقولون نفس اللي تقولينه بالعكس راضييين كل الرضا ويحمدون الله وزيشكرونه بس مادري ليش تفبركون السوالف وتسوون من الحبه قبه

 

[moone GRL]

المشكلة الناس الحين مافي قلوبها رحمة ..

انا اشوف هني المواضيع اللي عن البدون بعض الردود صج مافيها حياديه ولا بقلوبهم رحمه لو تحط مكانها مكان وحده من بنات البدون راح تعرف انه عيشتهم كسيفه
انا كويتيه ولا احد من اهلي بدون وقبل ماكان هالموضوع ببالي ولا كنت ادري عن البدون شي ليما اول ماتعينت حطوني بمنطقه اغلبهم بدون والله اني مرات تخنقني العبره لما اشوف حال بعضهم .. واللي تقول يحمدون ربهم انهم وظفونهم ليش مو من حقهم يعيشون انتوا اللي ماعندها شهادة وطايح حظها معاشها 600 دينار وتشتكون من غلاء المعيشه وانتوا تقططون فلوسكم بالسوقه على خرابيط بعض البدون مو لاقين يدفعون اجار شققهم ..

مادري شقول انا لو اني بدون اهاجر اروح لناس يهود يمكن ترحمني وتحسبني ادميه .. على فكرة كلامي مو عن الحكومة انا اقول بعض الناس حاطين انه البدون مو بشر مالهم رب خافوا ربكم ترا النعمة زوالة ..

الغاليه نونو ياقلبي والله اني احترمج وانا بحسبة اصغر بناتج يمكن بس ياليت تراجعين الكلام اللي قلتيه بالله لو كنتي بدون شنو بيكون ردج ترا اهم بشر مثلنا من حقهم يعيشون .. وحنا لما نقول هالكلام مو قصدنا نتكلم بالسياسة او نتدخل انا وحده اثق انه قضية البدون راح تنحل قريب بس والله انا اتكلم من ناحية انسانية لا اكثر

 

[مسك اسود]

رد : مشرفات التغذيه في المدارس .. كويتيات وبدون .. لكـــــــــــن !!!!!

البدون الشرفاااااااااااااااااااااااااااااااااااااااااااااااء لهم الله

 

[(دنيتي)]

بسم الله الرحمن الرحيم


السلام عليكم ورحمه الله وبركااااااااااته لجميع خواتي بمنتدى كويتيات وكل اهل ديرتي الكويت


اخص بالتحيه الحاره اختي بنت المطر

يعطيج العافيه على الموضوع الهادف وجعله في ميزان حسناتج يوم القيامه ان شاء الله

احنا البدون بنااااااااات الكويت مكونه من اميرا وارضا وشعبا نفديها نحبها ومانرضى عليها احد يمسها بحرف قبل الكلمه

ولكن كلامج عدل معاش الوظيفه مو منصف لما نتعب نفس التعب والمعاش يختلف السما عن الارض

في ناس يقولون يحمدون ربهم على المعاش ليش؟؟؟؟ احنا علينا التزامات من اجار ومدارس ومصاريف واهل وعيال

100 دينار شنو تسوي هالايام ؟

الله سبحانه يعينننا ان شالله

تحياتي للجميع

اختكم دنيتي

 

[♥ąϻᴑŁ♥]

الله يعينهم .!!

 

["*آآآنؤؤؤقهـ*"]

رد : مشرفات التغذيه في المدارس .. كويتيات وبدون .. لكـــــــــــن !!!!!

الله يعز الكويت

ووالله ان هالبدون ندعييلهم من كل قلبنااا ان الله يرزقهم

وعدل كلام الغاليه نونو الوظيفه كانت للكويتيات بس خير هالوطن خل البدون والاجانب يتوظفون هالوظييفه

الحمدلله والشكر على النعمه .............






انا بس بعرف شكوو تناقشتو في هالوظييفه هذي مشرفات التغذيه ولا بس تبطلت العيون عليناااا ........


كا شركاااااااااااااااااات كثيره موظفه بدوون وكويتين والمعااشات هم فرق لان اللي يزيد معاش الموظف الكويتي في الشركات دعم العماااله



ياربي شكو الحييييييييييييييييييييييييييين مشرفات التغذيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



شنو الجديد يعني ؟؟؟؟؟؟؟؟؟؟؟؟؟؟

 

[قـہۈه فـرنسيـہ™]

الله يعين الجميييع ...اللي ياخذ 100 مو عاجبته واللي ياخذ 700 هم مو عااجبته ..

احمدوا ربكم