مشروعي ناجح بس توهقت.. :(

[S.O.S]

هااااي بنوووتات
ببالي مشروع و سويت له دراسة جدوى وان شاء الله المشروع ناجح وبيكسر الدنيا .. بس محتاجه مكان اعرض فيه شغلي ..
ولا تقولون اعرضي ببيتج لأني متزوجة وساكنه بشقه

ولا تقولون بمعارض لانه كللللش ما يصلح اعرضه بمعارض

اللي عندها اقتراحات تقول لي
واللي سامعه عن مكان زين و ما يكون غالي حيل هم تبلغني
و جزاكم الله خير

 

[بنوته-توته]

اب لعيونج

 

[غربــــة اِحساس]

اعرضي شغلج في النت

مثلا اخذي عضوية تاجره هني في كويتيات

واتفقي مع مندوب يوصل الاغراض للي يطلبون

موفقة ...

 

[سمبتيكا ~]

شنو نوع نشاطج ؟
آزياء او عطورات او اشغال يدويه
على حسب نشاطج ..

الله يوفقج يارب

​

 

[S.O.S]

أزياء
وما ينفع اعرضه بالنت حبوبه

 

[FANTAST!K]

شوفيلج محل اجاره رخيص ومكانه زين واعرضي شغلج

 

[سمبتيكا ~]

إذا مشروعج ناجح 100%
وحابه تبين بدايه راقيه
آنصحج تاخذين محل من محلات آسواق القرين
إذا قريبه منج ؟

آو شوفيلج محل بالمجمعات إللي توها مبطله بـ منطقة العقيله
في مجمع آسمه "ضــاري" و مجمع "مكه مول" آشوف فيهم مشاغل
روحي آخذي فكره عن الموقع وسعر الآجار ..


ربي يوفقج

​

 

[S.O.S]

ما عندكم فكره عن الاجارات ؟ حوالي جم ؟

 

[سمبتيكا ~]

آتوقع من 200 وطالع
<-- آتوقع مو آكييييييد :d

 

[سمبتيكا ~]

آتوقع من 200 وطالـــع
<--- آتوقع مو آكيييد :d

 

[لـولـو الحلوه]

اي صح جذي اسعارهم لوماكنت غلطاانه ..

 

[Q8yaaaa]

موفقه واب لعيووونج

 

[S.O.S]

مشكورين حبايبي

واللي عندها فكرة عن مكان حلووو وسهل الواحد يوصله تبلغني
وياااا حبذااا لو يكون بالمنطقة العاشرة >> حلوووة ياحبذا .. شرايكم فيها ؟؟ لوووووووول

 

[لندن_ستايل]

رد : رد: مشروعي ناجح بس توهقت..

اعرضي شغلج في النت

مثلا اخذي عضوية تاجره هني في كويتيات

واتفقي مع مندوب يوصل الاغراض للي يطلبون

موفقة ...

مية بالمية:eh_s(15):


اسهل حل وحتى الازياء تنعرض بالنت

 

[thanks mama]

سوي نفس كينزي الي يلبسون شوجي عرضو لبسهم عليها واهم لامحل ولا شي ماخذين جزء من مصبغه تخيلي
بس انتي لا تعرضين بمصبغه عرضي عند اتيليه ولا مصممه معروفه وراح يمشي شغلج ولا شوفي وحده تعرف ناس وايد تعرضلج

موفقه

 

[alhnan]

ممكن تجزين صاله بيوم وعارضات واعلان وتسوين عرض ازياء
وممكن تاجرين سرداب ناس يوم بالاسبوع تسوين العرض
وممكن تاخذين محل بالسوق او اي مكان
بالتوفيق

 

[بنوته ذربه]

ليش مو بأرض المعارض وشوي شوي لين الناس تعرفج فتحيلج محل طبعا حطيلج كروت ورقم موبايل عشان تتواصلين معاهم من البدايه لين يكبر المشروع

 

[فوشيه عجيبه]

ما عندي فكره

 

[فوشيه عجيبه]

up

up

up

 

[pure.soul]

الازياء سهل امرها و لها ألف حل تقدرين تسوين لج سايت - فيس بوك - عضوية تاجره اهني - ايميلات
و تبين الصج تقريبا انجح مكان المعارض لأنه الشغلة تكون مطلوبه يعني المعارض اللي تصير برمضان - العيد يعني في ناس تضطر تشتري عشان تخلص شغلها و عن لويه السوق و فوق كل هذا المعارض اسعارهم معروفه و دبل المحلات مع هذا الناس تشتري لأنه تعودت على هالاسعار و مثل ما قتلج الوقت يحدها ..
و اذا تبين مكان رخيص الاجار فيه عندج اسواق القرين ما شا الله شكبره و في وايد اماكن فاضيه و اماكن ما خلصت يشتغلون فيها ..
و الله يوفقج