مشروعي ولكن

[mena1968]

ودي افتح مطعم واشتغل فيه انا واحط لي مساعدات ولكن حنا الكويتيين عاداتنا وتقاليدنا ما تقبل ان المره تشتغل مثل هذي الشغلات جنها مسويه منكر شنو رايكم بالفكره :eh_s(10):

 

[kuwaitya_zoGaa]

حبيبتى ...
انتى اول شغله دربي المساعدات وخلى شغلج داخل عشان ماتسببين احراج لاحد
اذا انتى خايفه من هالشغله .
وبعدين خليهم بروحهم وبس.

 

[A. style]

لا والله بالعكس انا لو ادري ان المطعم تطبخ فيه وحدة كويتية بطيح فيه .. شوفي تجارب الأجانب بره واستفيدي
والله يوفقج انشالله

 

[kbssma]

آنا أشجعج على المشروع وأتمنى لج التوفيق ولا تهتمين للناس مو فايدينج ابشي

 

[supermarket]

انا من مؤيدي هالفكرة

شوفو بنات البحرين يشتغلون بالمحلات ..دام شغلة حلال

ومرة شفت مقابلة مع كويتية تشتغل شيف باحد الفنادق ... شي نفتخر فيه

 

[النويرة]

انتي ممكن تسوين في بيتج وتودين للمحل مافيها شي

اما اذا قصدج تكونين مثل الجرسون احسها فشلة

اما سالفة تطبخين داخل في المطبخ عادي مافيها شي

ممكن تتصلين بصاحبة مطعم مركيز لانها نفس فكرتج وتسئلينها شلون بدت

 

[خشف العوازم]

خوووش مشرووووع الله يوفقج حبيبتي

 

[AFRoDiT]

بالعكس شي حلوو ..

في كويتيات وايد اشتغلو بمطاعم
دام اهلج راضين وشغلج شريف لايهمج أحد

أيام الثانويه كانت أبلتي كويتيه و متزوجه وعندها عيال تشتغل في برجر كينج


بالتوفيق حبوبه

 

[ام_بدر]

الله يوفقج