مشروع الوفاء لبابا جابر

[.. نواري ..]

السلام عليكم ورحمة الله وبركاته



انا ورفيجاتي كنا نسولف وقلنا شلون نرد لبابا جابر جميله ؟
غير الدعاء والمواضيع بالانترنت

نبي شي بعد يفيده

فقلنا ليش ما نبي له مسجد

فعشان جذي قلنا نحط موضوع بكويتيات ونشوف اي وحده تقدر تتفق مع لجنه
بحيث انها تفتح حساب مثلا للتبرع لبناء مسجد لبابا جابر او تحط مندوبه او مندوب يروح للناس اللي تبي تتبرع
وإن كانت التبرعات كثيره راح يكون مسجد وبير ومدرسة تحفيظ
وكل اعمال البر اللي بتنفعه


هالفكره نبيها تبدي بـ 15/1 اللي هو ذكرى وفاة الغالي :eh_s(16):
الله يرحمه ويسكنه فسيح جناته :eh_s(11):


تأيدونا بالفكره ؟
وهل هي سهله ولا صعبه :eh_s(10):

 

[اخت خالتهم]

رد : مشروع الوفاء لبابا جابر

انا أيدج بالفكره وياريت اللي تعرف تتفق مع لجنه ونعطيها التبرعااات

يا قلبي يا بابا جابر

امبييييه كش شعر جنبي ..

الله يرحمك يارب ويسكنك فسيح جناته

 

[.. نواري ..]

مشكوووووره ع الرد السريع
امييييييييين ياااارب






اذا شفت ردود كثيره تأيد الفكره
راح اتفق مع لجنه

 

[Velvet-RoseQ8]

أنا أيدج
والله يرحمه و يغفرله

 

[احلى روح]

رد : مشروع الوفاء لبابا جابر

وانا معاكم

 

[.. نواري ..]

مشكووووورين وان شاء الله يتم هالمشروع




اللي تعرف احد بلجنه يقدر يساعدنا اتمنى تراسلني

 

[منو انا]

لو مانسوي مانوفيه
وانا بعد ويااكم

 

[نور مغليها]

رد : مشروع الوفاء لبابا جابر

حلوه الفكره وانا بعد وياكم

 

[amami al-kuwai]

رد : مشروع الوفاء لبابا جابر

حلوه حيل

لو بعد نقول حق رفيجاتنا وكل وحده تجمع مع رفيجاته وتتفق معاهم على وقف لبابا جابر

يكون احسن

خلونا نترس الارض باسم الغالي

 

[.. نواري ..]

8
8

فكرتج بعد حلوه

نبي نتااااااجر لبابا جابر نبي نوفيه حقه



يالله يابنات نبي تأييييد للفكره
بس 6 بنات اللي ردوا بس 6 اللي يحبون بابا جابر ؟

وبعد لو وحده تعرف احد بلجنه يكون اسهل علينا

 

[بالتسامح نرتقي]

رد : مشروع الوفاء لبابا جابر

صراحه من قعد ت وانا مختنقة وحاسه بضيقه بالمواضيع اللي تعور القلب (سالفة المطيري )بس لما شفت موضوعج وشفت صورة الغالي دموعي قامت تنزل من نفسها
يارب ترحم الغالي يارب بجنتك هذا ابوي وحبيبي هذا عزوتي لانتخيت هذا جابر الخواطر هذا عوين الارامل هذا الي تيتمت ديره بكبرها بعده
لو اصيحك العمر كله ماضني غصة الصدر تنزاح
موفقه حبيبتي وكلنا معاج

 

[قلبي سبب جرحي]

نحن لو شو ماسوينا وفعلنا مانوفيييه ربع الربع من جمايله على الارض الطيبه

شو مسجد بسسس بالله عليييج هذا كلام ينقااال

عييياله وينهم بنااته ويينهم خواته اخوانه

هذوول ماراح يوافقوون لا بيقولون لج هاج والعين مغمضه بعد


انتي تصدقيين كل هذوول لو جمعتي منهم بسس ربع دينار

بيطلع معااج حق مسجد وبير ولا مسجد عووود بعد


لان الكوييت كلها عيااله وبنااته وخواته واخوانه

لو طقيتي باب باب بالكويت الكل بيقولج كلنا فدوه لبونا جابر


صدقنووني يا بنات مو بس مسجد و بير يبيله بعد مصاحف و كفالت الايتام باسمه وقف خيري من فلووس التبرعات


الان المصحف اذا قراه الشخص له اجر بعد وبيكون اجر ابونا مضاعف ان شاء الله


واناع و اعووذ بالله من كلمة اناع

معاكم قلباً وقالباً

والله يستااهل امير القلووب

وهذا اقل قلييل بحقه

شدوو الهمه ولا تتقاعصوون

خلوو الكل يعرف ان الكويتين معدن اصييل ومااننسى الاحسسان من ابو الخير جابر العثرات


لو بتصدقوون اني اسمع اليهاال الصغاار لي توهم ما جو اللي بعد وفات الغالي

يقوولوو نحب بابا جابر

تدروون ليشش لان كل بييت في هالديره يحبه ويهذري فيييه


عسى مثواك الجنه


صووتي مع صووتكم


<< واايييد قرقر هزي نفره

 

[In pinK]

رد : مشروع الوفاء لبابا جابر

والله خوووش فكره وأناااا معاكم..

وبرايي لو بعد تخلونها بأكثر من لجنه عشان صج تتنوع المشاريع والأعمال الخيريه بأسمه


بس عفيه اذا اتفقتوا مع اي لجنه عطونا خبر عشان ننشر الموضوع برودكاست


يستاهل بابا جاابر...، جابر الخير..

الله يرحمه برحمته ويشمله بعطفه و عفوه،، ويجعل قبره روضه من ريااااض الجنه،، ويجعل مثواااه الأخير جنة الخلد والفردوس الأعلى..

اللهــــــــــم آآآآآآآميــــــــــــــــــــــــن

 

[.. نواري ..]

مشكوووووورين والله يجزاكم خير


وإن شاء الله يتم الموضوع على خير

بنات أنا توني كلمت لجنة العون المباشر ورحبوا بالفكره بس قالوا لي ان اليوم اجازتهم فـ باجر ان شاء الله برد اتصل عليهم
لانهم راح يكونون مداومين

وان شاء الله يتم الموضوع ويوصل اجره لبابا جابر دعواااتكم
أنا متفائله ان شاء الله ان المبلغ بيكون قووووي يكفي مسجد كبييير واغاثه ودور تحفيظ وكفالة دعاة >>> طمعت لووول

 

[ii DareeN ii]

رد : مشروع الوفاء لبابا جابر

اولا اشكر لج البادرة الطيبة الي تنم عن حب لاميرنا الراحل صاحب السمو الشيخ جابر الاحمد الصباح الي مايختلف علي حبة اثنين

ثانيا منتديات كويتيات تخلي مسؤليتها عن امور التبرعات لان انشاء لجنة تبرعات امر غير هين ويبيلها تصريح وامور لذا ادارة المنتدى تعتذر عن اي من المواضيع التي تحتوى على امور خاصه بتبرعات او طلبات التبرعات كثيرة فنعتذر استمرار هذا الموضوع ونشكر لج مرة اخرى بادرتك الطيبة

الموضوع مغلق