مشروع خياطة بالبيت ،،، وابي افادتكم

[السمرة~القمرة]

السلام عليكم
الله يعطيكم العافية ياكويتيات

انا انشالله ناوية اييب خياطة بالبيت بس ابي استفسر عن جم شغلة

طبعا الخياطة اللي لقيتها فلبينية معاشها 120- هل هذا اهو معاش الخياطة ؟؟؟
غرفة الخياطة يفضل جم يكون مقاسها .؟؟
شنو احتاج ضروريات للغرفة ؟؟
شنو الاشياء المهمة للخيّاطة ؟؟
والربح جم المفروض يكون في البداية ؟؟
وهل في اجراءات قانونية اسويها عشان يتم المشروع ؟؟


اللي عندها خبرة بليييييز لاتبخل علينا وخلونا نستقيد من بعض
واي شي ثاني تحسين ان مهم وماذكرته ياريت تضيفينه
والله لايهينكم ويعطيكم الف عافية وينولكم اللي ببالكم
اللهم اميين

 

[عيون السواهي]

هلا حبيبتي اول شي سعر الخياااطه وااايد مناااسب اذا كانت صج شاطره وتضبط القصات وتعرف التطريييييز واهتمي بهالشغله لنه راح تحتاجينها وثاني شغله اظن قياس القرفه 4 في 4 يكون منااسب وترى انشالله اذا زاد الناس عليج راح اتعرفين بعدها اذا تحتاجين توسعين او لاء
ادوات الخياطه المهمه طبعااا كلها من مكينه وخيوط ومقص وصمغ حراري وزرارات وكل العده ووسحااابات وزراير طباقيه واشتري اشوي طاقااات خام من بلوكات يكون رخيص اختاري الاوان الاساسيه الاجراءات القانونيه تطلعين لج ترخيص بس بالضبط ماعرف واخر شي بالنسبه للربح بيكون قليل بالبداايه لنه الناس توهم راح يعرفووونج ونصييحه اخييره لمه تبين تشتغلين وتنجحين خلي ربحج لوو قليل بس الجوووده عاليه يعني يكون الشغل نظييييف وراح تشوفين بعدها اشلون الهجوم الجوي بحري علييج ههههههههههه وشكراا

 

[:: Diva ::]

يا اختي الحذر الحذر

والله شكثر مشاغل مشت شهر ولا شهرين و فلست !


اول شي لا تسوين مشغل
اعتمدي على خياط رخيص يحسب لج بالجمله
و اشتركي بمعارض


كوني لج قاعدة زباين و لما تنشهرين سوي لج المشغل
لكن جذي عمياني ما انصحج

و موفقه ان شالله

 

[مناير خزنة التاير]

يا اختي الحذر الحذر

والله شكثر مشاغل مشت شهر ولا شهرين و فلست !


اول شي لا تسوين مشغل
اعتمدي على خياط رخيص يحسب لج بالجمله
و اشتركي بمعارض


كوني لج قاعدة زباين و لما تنشهرين سوي لج المشغل
لكن جذي عمياني ما انصحج

و موفقه ان شالله

اختي انا ملاحظتج كل موضوع يخص الخياط تقولين نفس الكلام اظاهر انج مقرووصة من هالشغله

 

[مناير خزنة التاير]

معاشها وااااااااايد ممتاز خاصه انهم الحين ضربوا بالعلالي

الله يوفقج حبيبتي

الغرفه المهم تكون مناسبة
لا تنسين كبت تصفين فيه الاغراض عن الدثره و الحوووسة

 

[^^نـــواره^^]

يا اختي الحذر الحذر

والله شكثر مشاغل مشت شهر ولا شهرين و فلست !


اول شي لا تسوين مشغل
اعتمدي على خياط رخيص يحسب لج بالجمله
و اشتركي بمعارض


كوني لج قاعدة زباين و لما تنشهرين سوي لج المشغل
لكن جذي عمياني ما انصحج

و موفقه ان شالله

كلامج عين العقل

 

[السمرة~القمرة]

تسلمووووووووووووووووووووووووووووووووون يالعزيزات
وافادتكم على العين والراس وراح اخذها بعين الاعتبار
واذا تم المشروع بتوفيق من الله راح اقولك كل خطواتي عشان الكل يستفيد
وطبعا راح ابدي بالاسعار المعقولة
وراح ادش معارض
وادعولي بالتوفييييق بلييييييييييييييييييييييييييييييز

 

[مناير خزنة التاير]

الله يوفقج
ويرزقج من اوسع ابوابه

 

[:: Diva ::]

اختي مناير
مو انا بس وحده اعرفها و لاني اب الخير للكل
و انا شخصيا اسوي هالحركه و مرتاحه
فودي الكل يرتاح و ما يخسر

 

[موزة ام فارس]

عسى الله يوفقج

 

[أماني الورد]

موفقة

 

[Lulu Caramel]

شوفي حبوبه وانشاء الله افيدج اذا المكان في بيتج حلو جيبي فلبنيه قص وخياطه وهندي او هنديه شك وتطريز عاد تطريز خلص وطره الحين كل شي جاهز ماشاء الله من اقمشه مطرزه المهم وحطي تلفزيون فيه بس قنوات الازياء وكم قناة فلبنيه وهنديه حق الاخوان وخذي كتلوجات اسمها اذا ماني غلطانه the book فيها كل موديلات المصممين الكبار وهالله هالله في بنات ديرتنا والخليج هم فيه مصممات مبدعات عندنا اهم لهم الاولويه لاني من مشجعات الصناعة الوطنية وتتفقين مع احدى محلات الاقمشه انه يعطيج اسعار قماشات غير عن سعر السوق لو شي بسيط وتتفقين معه بارسال زباينك له عاد محل زين للأقمشه مو خربوطه عشان الربح والانتاجيه خاش باش انزين وهم يعد تتفقين مع محل للمستلزمات الخياطيه كريستال خيوط قطع تركيب اكسوار ولما تجي زبونتك انشاء الله لازم تاخذين منها عربون ضمان وترجعينه لها بعد ماتخلصين شغلك ويكون سعرك حلو غير عن باقي مشاغل الخياطه وهم انا مع فكرة الاخت بخصوص المعارض بس هذه بتكون مرحله متقدمه حيث انج تقدمين شغلج مع نوع الموديل للمصمم او مصممه معروفين وقبل ماتسوين اي شي اخذ كم وحده من اهلتج الحبوبات وطبقي عليها كم موديل وسوي عزومة شاي وخفايف وعرضي لهم شغلج وصدقيني هم اول الخير بيكونون عليج انشاء الله مدري هذه افكار من راسي يمكن تنفعج انشاء الله وبالتوفيق والربح الطيب باذن الله حبوبه

مع الششششششششششششششششلامه

 

[جلاديلياس]

موفقه حبوبه

 

[السمرة~القمرة]

افكار حلوة Lulu Caramel
والله يعطيج الف عافية

 

[Q8stylle]

موفقة

 

[eman84]

الله يوفقج

 

[يارحيم إغفرلي]

الله يوفقج

 

[sweet fashion]

الله يرزقج انشالله
المعارض حلو تعرفج علي المجتمع وتختلطين معاهم اكثر علشان يعرفونج عن قرب

 

[بشاير السعدون]

موفقهههههههههههههههههههههه

 

[نسايم عبير]

للرفع
للرفع
للرفع
فيدونا اكثر واكثر