مشروع صغير ، دخل ثاني

[لبـى ـآ أنـآ]

السلام عليكم ورحمة الله وبركاته


الارزاق بيد الله وكل شخص فينا يحب يكون عنده دخل ثاني فوق معاشه

صراحةً انا قريت موضوع قصتي من الفقر لي الغنى وشفت انا الكثير بدأ بشي صغير ووبالنهايه وصل للي يبيه

انا عجبتني فكرة احد العضوات واهيا مو مشروع كبير بس بسترزق منه وابيكم تساعدوني

انا نويت اسوي بحوث وباور بوينت للطلبه علماً اني طالبه واعرف شلون الطلبه يبون بحوث وباور بوينت بشكل دائم

انتو شرايكم يا تاجرات هل فعلاً الموضوع راح اربح بنهايته ؟

وجم اقط بالميزانيه ؟

انا راح اسوي بنص سعر المكاتب كبدايه وان شاء الله يعجبهم شغلي وبعدين يصير خير

ابي تشجيع وابي نصائح تفيدني كمبتدئه

وبليز لا تطنشون

 

[البرنسيسه سعاد]

يمكن تضبط بس اذا كانت عندج خدمه توصيل

غيرها ماتربحين

 

[سعودية!!!]

التجربه خير برهان

ابدي

الله يوفقك

 

[غيدآء]

جربي بين الاهل والقرايب بالاول وعسى ربي يوفقج ويرزقج

 

[أم مـلاك]

الله يوفقج ويرزقج

 

[مناير خزنة التاير]

خوش مشروع
ومنه تقضين فيه وقتج و تستفيدين

الله يوفقج

 

[Q8stylle]

الله يوفقج ويرزقج

 

[السمرة~القمرة]

بالبداية نفذي مشروعج بين رفيجاتج واهلج وشوفي الانطباع
ةمنها توسعي شوي رفيجات رفيجاتج ورفيجات اهلج
وباسعار رمزية
وانشالله خير
الله يوفقج

 

[عيون السواهي]

بتوفيج انشالله

 

[:: Diva ::]

ما تطلع وايد
بس انتي بلشي بالمدرسه
بين الصديقات و الاهل و ان شالله مع الوقت تنشهرين

 

[الطيب الغالي]

الله يوفقج

 

[بنت الاحلام]

فكره حلوه ابدا فيها ودام ما فيها خساره حلو حيل وتوكلي علي ربج والله يوفقج

 

[آلمترٍفه ِِِ~]

مؤقت

لأن بس وقت آلدرآسسه


شوفي سوي بسعر آقل من آلمحلآت

وقولي لبنآت مدرستج آني آعرف وحده تسوي بسعر آقل

بس آلبور بوينت مو كل آبله تطلب

يعني ربح عآآآآدي

 

[موزة ام فارس]

عسى الله يوفقج

 

[Lulu Caramel]

أنا رأيي من رأي بنت جابر ابتديه من الأهل واذا احد اخدمج بالجامعات تاخذين ايميلات الطالبات والمدارس وترسلين عرضج بالايميل الحين زمن النت والله يوفقج ويربحج خير وبركه حبوبه

 

[*ماي ورداسم يستحق الثقه*]

حبيبتي فكره حلوه والبحوث شي مطلوب
والمناديب ماراح تتعبين على ماتحصلين لج واحد لا اتحاتين
بس تصيرين تاجره بتلقين بقسمنا ارقامهم واختاري عقب اللي بتعاملين معاه
بس عاد الله يعينج عالمدرسات اللي ايونج حده حده ويبون شغلهم يخلص ولاخلصتيه يقولونلج خلاص مابيه تأخرتي
ولاتنسين دراستج لها حق عليج

 

[جلاديلياس]

موفقه حبوبه