مشروع صغير

[كاليفورنيا]

السلام عليكم

بنات انا ابي اي وحده تساعدني بمشروع على قدي وراس ماله مايكلف لانه انا مو موظفه اكمل دراستي وتعرفون مصاريف اليهال زادت وريلي مو ملحق وقلت ابيكم تساعدوني بمشروع راس مال مايكلف ومربح

فكرت اسوي جمعيه بس للاسف مافي احد من معارفنا مسوي :eh_s(4):


وابيكم تساعدوني خواتي بافكاركم

 

[~آآآه يآقـلبـي~]

ايه والله يبيله
انشالله يفيدونج البنات

 

[كاليفورنيا]

مشكوووره حبيبتي

 

[إيمي1987]

وعليـكم السـلام والرحمة

Up

Up

يعتمد على راس المال الي عندج

والحين الكل هاب بمشـروع

توصيل طالبات موظفات وغيـرة

والتكاليف بـاص وهندي :> طبعا معاش الهندي معروف والباص تشترينهم افضل

واعلانات

وان شاء الله الله يسـد حاجاتج ياااااارب ويقضيها ويسهلها يا رب


Up لعيوونج

 

[رمز الموده]

رفع

 

[يارحيم إغفرلي]

انا من زمان ادور احد يشاركني
انا مصممه ازياء والكل ينبهر بتصاميمي واشتغلت سنتين بس تعبت من المعارض كنت ابي مكان مستقل بس مالقيت هذا اللي وقفني مع ان المشغل يوكل ذهب

 

[أم عبودي الكتكو]

الله يوفقكج أنا بتابع معالج لأني نفس الحالة بس أنا ربت بيت

 

[كاليفورنيا]

مشكووورين خواتي

 

[yuoni]

الله يرزق المسلمين

 

[Joy Designs]

حبوبة شوفي شنو تحبين كهواية واشتغلي فيه

 

[انسه انيقه]

موووووووووووووووووووووفقه يارب والله هم انا عندي راس مال بس مو ذاك الزود وكل مره اقول راح اسوي الشغله الفلانيه مشروع بس اهون القى غيري مسويها واقعد بمكاني ​

 

[Manalisa]

حبوبة ....
مادري اذا تقدرين على هالشي او لا بس ممكن تصيرين مندوبة توصيل لتاجرة ومو محتاجة غير سيارة وتدلين الاماكن بسرعة
وتتفقين مع التاجرة ان تضيف سعرج بشكل منفصل بالفاتورة و3 لجميع المناطق وابدي واهم شي الدقة بالموعد والامانة
هالمشروع كلش مو مكلف وراح يدششلج دخل ان شاء الله...اي تجارة ثانية تحتاج اعلان وعلاقات عامة وتجهيزات الا التوصيل وحطي بالمنتدى بركن الطلبات والله يسهل لج ان شاء الله . اذا تبين شي افضل ...اشتري الة خياطة ماركة سنجر وييبي خياطة بالبيت وصممي موديلات او طلعيهم من النت وعطيها تنفذهم ...وبيعي بالنت ....ترا يطلع ذهب ...بس لازم تتفقين مع مندوبة .اذا ماتقدرين لكن معارفج وااااااااااااااااايد وعندج علاقات عامة بس ماكو راس مال ..اتفقي مع تاجرة انج تمشين لها بضاعتها بمقابل والله يوفقج حبيبتي

 

[الشيخة@]

رفع لعيونش

 

[أم عثمان2]

الأفكار المعروضة ممتازة لكن إلي ريلها ما يرضا بالتوصيل نبي أفكار ثانية لأني نفس الحالة هذا هم الكثير من الكويتيات عطونا أفكار بلييييييييييييييييز

 

[Manalisa]

في افكار ثانية للي ريلها مايرضا بالتوصيل منها انها تستقبل اطفال وتكون بيبي ستر وتحاسب عالساعة مثلا بس تكون عارفة شلون تتصرف مع البيبي ...او تعطي داخل بيتها دورة طبخ او مكياج او تريكو او خياطة او اي شي اهي شاطرة فيه والاشتراك 20

 

[حرم راشد الماجد]

انا مؤمنه بمدأ قوم تعاونو ما ذلو انتي راس مالج بسيط وفلانه راس مالها بسيط تعاونو كل وحده تاخذ لها بضاعه على قدها وتصرفها على معارفها واللي حواليها وعقب تشيل الربح وتشغله خلال مده بسيطه بيكون عندج راس مال ممتاز


او انا افيدكم بشغله اللي ريلها ما يرضا توصل وهي ربة بيت زي حلاتي اشتغلي بالبيت وبيعي مثال


حلويات سلطات كبب وخصوصا الحين موسم وداش علينا شهر الاكل <<<<<< رمضان سابقا

واتفقي مع مندوب او مندوبه توصلج

هذي فكره الفكره الثانيه

كل وحده منكم عندها مجال تفهم فيه عدل تعاونو كلكم مع بعض وسوو دورات حق الحريم


انا اعرف وحده كانت تسوي دورات طبخ ببيتها بالسرداب وهم تدخل ذهب <<< عليها بالعافيه

اللي تعرف تسوي شباصات وباندات واللي ما تعرف تدز لي عالخاص وانا اشوف طريقه انها تيي عندي اعلمها تسوي باندات وشباصات وخلافه

وهم وحده الله يذكرها بالخير كانت تسوي مربيات يا الله على مربياتها لذيييييييييييييييييييييييييييييييييييييييذه تعيزين تقولين لذيذه وكانت تبيع
وايد افكار بس المهم النشاط والاتكال على الله


ودايما رددو هالدعاء ( اللهم اكفني بحلالك عن حرامك واغنني بفضلك عمن سواك ) ( اللهم مالك الملك تؤتي الملك من تشاء وتنزع الملك ممن تشاء بيدك الخير وانك على كل شيء قدير اللهم سهل امري وابسط رزقي وارزقني من حيث لا احتسب )
( رب اني لما انزلت الي من خير فقير )


وهذا دعاء الدين ( اللهم اني اعوذبك من الهم والحزن واعوذ بك من الجبن والبخل واعوذ بك من غلبة الدين وقهر الرجال واعوذ بك من عذا في النار وعذاب في القبر


وبعدها تتعلمين مبدأ الرضا اذا كسبتي من شغلج 100 قولي اللهم لك الحمد مو وانتي عاقده النونه لا وانتي متشققه وجنج لاقيتلج مليون دينار مو تقولين بسسسسسسسسسسسسسس 100 فلس لا اخذي وقولي الحمدالله وارضي فيه رضا تام من غير اي اعتراااااااااااااااض لئن شكرتم لازيدنكم


توكلو على الله ( من يتوكل على الله فهو حسبه )

وفي حديث قدسي بما معناه لاني ناسيته ان لو اجتمعو كل الخلائق بوقت واحد واسالو الله الله سبحانه يقول واعطيت كل منهم مسألته ما نقص ذلك مما عندي شي

يعني الدعاااااااااااااااااااااااااااااااااااااااء ادعي بقلب صادق واثق راضي متكل على الله

والله الرزق بيد الله ( والله خير الرازقين ) مو بيد احد ولا بمشاريع بس ما يمنع ناخذ بالاسباب بس البداية نتعامل مع الخالق بعدين نتعامل مع المخاليق


والله يرزق كل وحده فيكم الرزق الحلال الوافر انه على كل شيء قدير

 

[أماني عمري]

اشتغلي بالبيت و حطي لج مندوب او مندوبة و طبعا قبلها عضوية التاجرة بالمنتدى الله يوفقج