مشروع متوهقه فيه ...؟

[آنهار]

السلام عليكم ورحمة الله وبركاته

مرحبا بنات

بنات الدكتورة بالكليه اطلبت انسوي مشروع وانا ما عندي فكره حلوه وجديده حق المشروع

خل اقولكم الافكار اللي قالتها الدكتورة عساس تفهمون قصدي :

- قالت ممكن تجيبون طقم مطاطير جاي وقهوه وفناجيل واستكانات والطالبه اتزينهم بـ شوارفسكي وبالخامات ..... الخ

- وهم قالت فصلوا عبايه سودا بدون اي تطريز او شك واحنا انزينها ونطرزها بطريقتنا

فــ شنو عندكم افكار حلوووووووه وغريبه تعجب الدكتورة ..؟؟!!!


اتمنى تساعدوني لانه المشروع عليه 30 درجه وودي اسوي شيء جديد وفكره حلوه

ويطلع مشروع كامل متكامل


لا تبخلون علي بـ آفكاركم وجزاكم الله خير

​

 

[دلوعه وكلمتي مسموعه]

هلا حبوبه
لو بيدي جان ساعدتج بس انا مخي مغفل لوووووووول
بس انا عندي رفيجتي تسوي وسائل تعليميه ومشاريع
اذا تبين اسألها مو مشكله
وتصاميمها روووعه
اختي دايم تسوي عندها حق عيالها وسائل تعليميه ومشاريع
وموفقه حبوبه

 

[فطومه]

شوفى عمري سالفة المطاطير شوى صعبه لان يبيلها نظافه فى الشغل

العبايه وايد حلو شغلها

اخذى من العبى الرخاص اللى بالرجعان بخيطان...وروحى البلوكات .....اخذي لج الجوخ او الكروشيه او هالاهداب الحلوه

وسوي ديزاين بطريقتج يكون حلو..خلى الالوان متجانسه واذا فيج شده وتبين درجات اكثر سوي معاها الملفع


وقولى لنا شنو يصير معاج والله يوفقج

 

[آنهار]

اشكركم بنات على الردود ما قصرتوا


وابي افكااااااااااااااااار بعد جديده غير اللي قلتوها

 

[بنوته جامعية]

رفع

 

[Q8stylle]

up up

 

[آنهار]

ما قصرتوا يعطيكم العافيه على الرفع


انا بنتظااااااااااااااار افكااااااااااااااااااااا البنات
​

 

[أحلى عيون]

ليش ما تسوين تيجان بالجوخ وحطي عليهم خرز ولا ورد وهذي اسهل شي

 

[نور النهار]

ان شاء الله البنات يفيدونج

 

[آنهار]

مشكورين خواتي

وبما انه محد قال افكار جديده

قررت اسوي طقم مطاطير جاي وقهوه مع فناجيلهم واستكاناتهم وصينيتهم

لانه الدكتوره تبي مشروع كااااااامل ونشتغل فيه الكورس كله

 

[زبوطة]

جوفي آنه باقولج فكرة يمكن تعجبج
روحي ايكيا واخذي ابجورة سادة آنه ماخذه وحده واخذي علاقة ملبس (هنقر) واشتغلي عليهم
اتمنى اكون افدتج
وتقبلي مروري

 

[Aboosah]

ليه ماتفننين بشغل الاكسسوارات تجيبين خرز وكرستال او تسوين امخده بطريقه يديده وتحطين فيهاا كرستالات وحركات


مثلا..

تجيبين مخده مولت الكنب الاصغاار وتحطين عليهاا خامه سوده وتربطينهااااا بالنص بالشريط ذهبي او توور ذهبي فيه لمعه
وحواف المخده دانتيل

وانتي وشطارتج وهذي فكره توهاا طرت ع بالي

 

[al-zabarjad]

غلفي علب الهدايااا

وعلب كاكاو التقديم

وسوي شكر مغلف

==============

اكسسوارات وبروشات وتيجان للبنوتات
وفي وااايد مواضيع تشرح لج الطريقة
وسهلين وايد..

و موفقة يا حلوة

 

[آنهار]

مشكووووووووووورين وايد يا بنات بارك الله فيكم

بس انتوا ما فهمتوني الدكتورة تبي مشروع كامل يعني يكون متناسق مع بعض وكذا قطعه

مثل العباية واللفه ، وطقم المطارات

يعني لو قلتلها على افكاركم بتقول مشروع ناقص

عموما مشكوووووورين وانا قررت وقلت لدكتورة بسوي طقم مطارات وهي وافقت

واليوم رحت شريت المطارات عساس ببدي شغلي

ان شاءالله اتووووفق فيه