مشغل جديد

[زهرة الزهور]

السلام عليكم ورحمة الله وبركاته










ابي منكم يا خواتي العزيزات انكم تشاركوني بارائكم كنكم تكلمون اختكم وتنصحوني بالي تعرفونه لو كان شي بسيط



الله يجزاها الف خير الي ترد علي وتفيدني انا ابي افتح مشغل عبي وملافع ودراريع بكل انواعها وعندي خبرة بالتفصيل والخياط بس اول مرة بشتغل بهالمجال فماعندي خلفية شلون اجيب خياطين وجم معاشاتهم ووين ممكن اسويه وشلون شغله ماشي ولا مو ماشي وربحه زين ولالا
واخدلي شقه ولا مشغل ولا شنو ولا اني مو فاهمة شالسالفه بس مصرة على اني افتحه لان احس ان عندي طاقه وفن وابداع بهالمجال

واول ما اشتغل ان شاء الله الي تبي اعطيها بضاعه تعرضها بالعموله بس ساعدوني وادعولي بالتوفيق:s142:

:nbvppw::nbvppw:

 

[a7la_7b]

موفقه ان شاء الله
الأفضل تبدين المشروع في بيتكم وتجيبين لج خياطتين
وتنزلين معارض وبعدين لما تطلعين ربح كبير
فتحي لج مشغل وجيبي خياطين زياده
الأفضل إبتدي من الاصغر لي الاكبر لا تبدين بشي كبير يمكن الناس مايعجبهم شغلج وتخسرين حيل فحرام انتي لازم تبدين براس مال صغير عشان بالربح تفتحين المشغل

 

[زهرة الزهور]

ياربعد عمري جبرتي خاطري بردج الي ماحد عبرني

اما بالنسبة لشغلي الحمد لله حلو وانا دايما اوح مع ابنات للخياطين ابتكر لهم موديلات روعه ما فيه منها الحمد لله فكلهم شجعوني على هالمشروع عشان جدي قلت بفتح مشغل بس ما اعرف شنو سر المشغل الناجح هل هو الشغل الحلو والنظيف
ولا الشغل الي مافيه منو ولا شنو بالظبط

 

[قلب نواف]

الله يوفقج ان شاءالله

 

[A. style]

الله يوفقج انشالله
انا اشوف ان نجاح المشغل يعتمد على عدة عوامل منها
1- نفسية صاحبة المشغل وطريقة تعاملها مع الزباين والموظفين
2- موقع المشغل في اي منطقة العاشرة او الرابعة او الديرة واللي يحدد هالشي سكنج ونوعية موديلاتج وزباينج
3- نوع الشغل وجودته وبنفس الوقت الاسعار المعقولة يعني اكيد تبين الزبونة تزورج على طول مو بس مرة وتحرم

ومن تجربتي البسيطة بفيدج باللي اعرفه
انا قبل لا افتح مشغل في بيتي ( ولاحظت ان الزباين يحبون البيوت لانه ماعليها دوس وايد ) اشتركت لمدة سنة في معارض وكونتلي نسبة زباين حلوة وبعد ماشفت نوع الزباين اللي يشترون مني واعمارهم حددت هدفي
بالنسبة للعمالة انا حاليا عندي 2 خياييط باكستانيين يابهم لي خياط كنت اتعامل معاه معاش كل واحد فيهم 150 لان السكن والتنقل عليهم يجون يوميا من 9 - 9 يفصلون ويخلصون شغلهم ولهم الجمعة اوف بس مشكلتهم ان الاقامة باسم خياط بره
واي استفسار انا حاضرة على الخاص بليز

 

[أغلى الأثمان]

هذي الربطة مخصص للعبايات

http://forum.uaewomen.net/showthread.php?t=535407

تحياتي ............

 

[غير كل الناس]

وانا ودي ومتخوفه لانها مسسؤؤليه والتعامل مع الحريم صعب

 

[اللولو الغالي]

اولاا
شكرااا لصاحبة الموضوع لانها نفس طموحي وتفكيري
وربي يوفق الجميع انشالله

وثانياا
اشكر الاخت A. style
على مساعدتهااا

 

[_zahra]

اللله يوفقج ويفتح عليج وعلي كل وحده صادقة وامينة بتجارتها

 

[القمر14]

مرحبا
انا عندى مشغل كامل للبيع الاسعار الف ونص
تعالي وشوافي الاغراض
و عندي خياط شاطره معاشيه 60 دينار وفي شهر
اذا تبينه ادفع 500 واخذيه

 

[القمر14]

للرفع
للرفع

 

[زهرة الزهور]

شكرا الكل الي دعو لي الله يوفق الجميع
وكلكم صراحة ما قصرتو الله يجزاكم خير

 

[elgo0omar]

أنا بعد ودي أفتح مشغل , اذا ودج نتشارك أو نستفيد من بعض

 

[love life]

:sfg:
العبي والدراريع حده ناجح
وخصوصا اذا كانت الاسعار معقولة
صدقيني شغل راقي وسعر معقول راح تكونين زباين يتعاملون معاج على طول

 

[الموهوبه]

اذا تبين عماله راسلينى على الخاص
من الهند او سيلان

 

[جوري الزبير]

حبيبتي انا مصممة ازياء واشتغلت بهالمجال اكثر من خمس سنين والحين توقفت عشان عيالي صغار بس ناويه ارجع ان شاء الله 00
بالنسبه للعماله حتى وان كان القصاص الي عندج مو اتساذ او ماستر قص من طريقة تصميمج للموديل ومن اكتسابه خبرات معاج راح يتطور وهالشي صار معا الخياطه الي كانت معاي 00 والحين ماشاء الله روووووووعه لي سوت فستان العرس تقولين قالب ومصبوب مو قص وخياط 00 يعني يبيلج صبر ومتابعه لهم واايد البنات الي قالو انج تبتدين بمعارض لين تكونيني قاعدة زباين زينه 00 وان كنتي ناويه سيده على المشغل بعد شي حلو تميزي باسلوب المشغل وبشغلج وبديكورج ترى شخصية المصممه او صاحبة المشغل تنعكس على عملها 00 واي سؤال انا حاضره حياتي 00وان شاء الله خلال اشهر بيدش ولدي الصغير الروضه وبتفرغ للتصميم والمشغل

 

[((الزين))]

الله يوفقج
انا اشوف ان تبدين من البيت لانج بالبدايه
عالاقل ما تدفعين ايجار محل
وخلى اسعارج زينه ولا تعاملين بالدين نصيحه
وحطى لج خياط او خياطه شاطره بالقص والخياطه
وجربيها بالبدايه وبعدين اتفقى معاها
واى استفسار انا تحت امرج

 

[زهرة الزهور]

مشكورين كل الي ردو علي والله كلامكم مشجع ونصائحكم مفيدة

يعني بتصيرون زبايني هههههههههههههههههه

مشكوووووووووورين كلكم والله يجزاكم خير
يعني اتوكل على الله