مشغل للعبي قمصان لبس سهره ؟اللي عندها خبره حياها

[ميمون]

السلام عليكم
انا ودي اسوي مشغل وانا احب التصميم واصمم وااايد لي وولغيري فحبيت اطور هالشي بمشغل خاص فيني
اللي عندها خبره؟؟
اولا: شنو المعدات اللي احتااجهم شنو افضل مكااين خيااطه
ثانيا:اذا بطلب خياطه جم تكلف علي وجم معاشها تقريبا
ثالثا: هل مشرووع جيد او جيدجدا او ممتاز
اذا الاسعار معتدله هل يوجد اقبال او لا ؟؟؟
جم ميزانيته بالكااااامل تقريبا؟؟
واكووون شاكره لكم

 

[Miss-LuLu]

حبيبتي اهوا مكلف ، ويبيله ناس فاضية

وتكونين عارفة اذواق الناس والسوق وكل شي يديد

واذا اكو هبه يديدة لازم تروحني وراه ما ينفع تظلين على ستايل واحد


عندج طريقتين، اول شي انج تييبين خياطتين عالاقل ( والامر حيل مكلف)

وتييبين معدات وكل شي وحطي ببالج انج راح تكلمين بهالمشروع لفترة طويلة لان بداية راح تكوون خسارة بس بعدين انشالله راح يرزق الله

وعندج طريقة ثانية،

اعرف وحده تصمم، ومتعامله مع خياط شاطر وتعرض بغرفة ببيتها

تقدرين تسوين مثلها

 

[الله يخليني]

رفع للاستفادة ..

 

[((الزين))]

كتبت رد اشطوووووله وانمسح:nocommint:
حبيبتى فى موضوع مثبت بالقسم اقريه راح تستفيدين منه وايد
كاتبته الاخت كيوت25عن كل مشروع وشنو يحتاج
انا خياطتى طلعت على600 وراتبها150
وشريت مكينه كبيره ومعاها صغيره ب310
من سنجر بالبلوكات بس اذا كنتى بتسوين لبس سهره
اعتقد تحتاجين شكاك مع الخياط وحطى فى بالج ان مو من البدايه
راح تربحين بس انتى اذا حابه الشغله كملى ولا تحسين بالفشل
انا صارلى8شهور وللحين اخسر بس مصره اكمل
واللى شجعنى موضوع الاخت حلم الطفوله اقريه واااايد حلو
جزاها الله خير
الله يوفقج ان شاء الله

 

[ميمون]

مشكوووووريييييييين الكـــــــــــل كل فشل بعده نجاح انشاللة بس انا حاابه هالشي حييييييييييييل يعني ودي يكون لي مشغل خاص فيني

 

[أغلى الأثمان]

أول المشغل يتخلف عن الاتلية وعن الخياط

الخياط : خياط عادي مثل الخياطين الموجودين في السوق ولكن تردين التخصص مثل عبايت أو دراريع أو فساتين سهرة
وهذا الخياط هو الذي يتعامل مع الزبائن يعني مريح راسج


الاتلية : وهو انج تكونين موجودة ........... مو شرط ............... وكذاك متخصص بالسهرة ألخ

المشغل : خاص تسوين عبايات او بدل اولخ وتعرضينها في المحالات اللي تتعاقدين معها


الخطوات للمشروع
1 صلاة الاستخارة
2 الاختيار الجيد
3 الاعلان الجيد والسمع الجيدة للمحل
4 راس مال .............. للحتياط لتحسب الخسارة قبل الربح
5 اتقان العمل
6 مراعات دخل الفرد
التكلفة = الربح
المنتج + التسعيرة + الترويج + التكلفة +الربح

لاتنسي ان تعملي وتتكلي على الله وانتي واثقة من الله ومحسن الظن بالله

 

[ميمون]

الله يكتب الخير ابي انا ابدي بمشغل بالبيت هل توقعون ان ينفع بدايه جذي؟؟ وابي الراس المال اللي ببدي فيه يقارب جم تفريبا؟؟؟