مشــتريات وتجهــيزات المدارس لعيالكم ..حياكم

[ام رينـاد]

السلام عليكم

هاذا الموضوع بيكون

لمشتريات وتجهيزات المدارس

من مريوول وأكسسوارات وربطات وجناط ودفاتر
وشوز تكرمون وكل مايخص المدرسه

وأنا كنت بحط أغراض بنتي للروضه

بس برنامج تحميل صور بالايفون مو راضي يضبط :eh_s(16):


​

 

[غاليه الاثمان]

تشكرين ع الموضوع ،، بنتي اول سنه روضه فديتها فحدي مشتطه ههههه

أخذت لها من الايوب ٣ مريول وعزكم الله الجوتي والتيجان والشباصات والدلاغات مره وحده وأفتكيت

وأخذت لها من فلبينيه بمغاتير دلاغ دانتيل وهم تيجان وشباصات

وجنطه الأكل ومطاره الماي من سنتربوينت منزلين تشكيله جناط روووعه للعوده للمدارس

ودي احط لكم الصور ما اعرف شلون انزللهم من الموبايل جالكسي s2 او الايباد

 

[أم عزيـز]

خوش موضوع

انا اليوم خلصت شغل المكتبه حق عيالي وبيني وبينكم كل شي نااااار

بس الاسبوع الياي او يوم السبت الصبح بروح مع بنتي الايوم اخلص لها مريولها ودلاغات وحجابات لان بنتي بالمتوسط
وهم بشتري جوني لها عزكم الله احب جواتي فيتال مريحين وعملين حق المدارس

بس بنات بسألكم احصل عند الايوب مريول متحجبات ؟ لان بنتي متحجبه والحين اول سنه لها بسادس
عشان جذي قاعده اسأل عن ملابس المتحجبات

 

[دارسين]

اهلين امهاات اي والله كل شي نار

انا عندي ٣ بنات وجهزتلهم من الايوب كل وحدة واحد وعندي ملوت العام جدد

وبنتي بالروضه ماشريتلها العام شاريه لااختها من فاميلي كير يهبلون

ولبس الايوب للروضه ماعجبني كلش بس مشتهية لها شورت مالقيت

والقرطاسيه من رامز. الشويخ

والجناط من فاشل مل
والدلاغات ولبس داخلي

ومجمع الايوب في عندهم كشك لفلبينيه ومصريه روعه بس غالي

والشوز شريتهم من النصر

وام عزيز اي في لبس للمتحجبات بالايوب

تجهيز المدارس كلفني حوالي ال٣٠٠ مع العلم ماخذيت افضل شي
وبناتي اثنين بالابتدائي ووحدة بالروضه

 

[أم عزيـز]

انا بس بالمكتبه قطيت ٩٥ دينار !!
من غير جنط يعني بس قرطاسيات

بس ضروري اشوف الايوب عشان اخلص من الحين قبل الزحمه

 

[دارسين]

من صجج ههههههه

اللحين زحمه موووت رحت امس تقولين حج اللهم ياكااافي

 

[بقلبي انت]

يالله انا للحين ماسويت شي بس شريت اغراض المكتبه لا وناقصين بعد

ناويه اروح الايوب اشتري المراييل لبناتي وبناطلين وقمصان لولدي

والنصر للجواتي وملابس الرياضه

والزحمه فينا فينا ماتخلص والله يكون بعونا الاسعار ناااار

 

[@ام يوسف@]

انا شريت من الايوب بنتي بتروح اولى ابتدائي ان شاء الله وشريت لها ٢مريول وبنتي الثانيه ثانيه روضه بعد شريت لها٢مريول وولدي يروح ثانيه ابتدائي شريت له ٢قميص و٢ بنطلون وشريت لهم ملابس رياضه كلهم ودلاغات وللبنات شباصات وباقي تكرمون الجواتي بشتري ان شاء الله من النصر وباقي الجناط والقرطاسيه وفالهم التوفيق

 

[لوزين]

بنات المفروض اشكثر اشتري دلاغات وملابس داخليه؟

 

[أم عزيـز]

ويييي زحمه ! الله يعين بروح باجر الصبح مع بناي عشان تشوف مقاسها
ان شاء الله الصبح ما يكون زحمه وايد عاد انا اكره الزحمه

بحاول باجر اخلص شغلي كله
وعندنا النصر الرياضي بجمعيتنا بالسلام يعني النصر مقدور عليه بس اهم شي مرايل المدرسه

 

[~mmm~]

في محل بالايوب اول محل على اليمين نسيت اسمه
وايد حلو ومميز يعني موديلاته ماتلاقينهم فباجي المحلات
كنت اشتري منه قبل لوول
حبيت افيدكم اللي تبي تميز بناتها

 

[البخت ضايع]

توني مابديت تجهيز الله يعين ..

بس بسالكم بنات اختصروها لي هههه ابي احسن مكان حق لبس الروضه ابيه مميز .. خلال جولتكم واللي شفتوه .. مافيني اروح وافرفر ابي اختصار ماعليكم امر

 

[بقلبي انت]

الحمدلله خلصت شغل المدرسه ولله الحمد
انا احب الايوب وكل سنه اشتري منه المراييل والشباصات وكل شي بس يوم رحتله شفته زحممه موت
جان احول علي سنتر بوينت بالبيرق وخذيت مراييل بناتي وبناطلين وقمصان ولدي هذا امس بالليل
واليوم الصبح صبحت النصر الرياضي بالبيرق مافي إلا انا وعيالي شريت جواتيهم تكرمون وصعدت فوق محل اسكاي و
شريت شباصات بناتي اطقم كامله مثل شغل الايوب وخلصت

 

[بقلبي انت]

البخت الضايع عندج الايوب محل المنتهي اول ماتدخلين من الباب علي ايدج اليمين هذا المحل شغله
مميز ومو مكرر شغلهم حلو وخامتهم جوده غسيل ولبس بس اسعارهم غاليه علي 13 و15
وامس وانا رايحه البيرق فوق شفت محل مؤيد المير منزل تشكيله حلوه للروضه فساتين وعجبني واحد باول السطره

 

[بقلبي انت]

لوزين انا اشتري لعيالي ملابس داخليه كل واحد5 اطقم ودلاغات اخذ لكل واحد 6 دلاغات كل يوم دلاغ وغيار

 

[لوزين]

لوزين انا اشتري لعيالي ملابس داخليه كل واحد5 اطقم ودلاغات اخذ لكل واحد 6 دلاغات كل يوم دلاغ وغيار

تسلمين عالرد حبيبتي انا اول سنه مدرسه وماكان يداوم بالروضه الا نادر فمادري بالضبط

انا ناويه ان كل يوم غيار احسن واسهل وانظف بس هالخمسه حق الكورس كله!
مادري احس شوي جم المفروض اشتري ابيهم مره وحده اريح لي من فرارة السوق»ماحب السوق كللللش

 

[mafio98]

لوزين اذا ولدج بالروضه راح يحتاج اكثر انا ولدي بالحضانه وخذيت لحد الحين ١٥ واحد يمكن واحس. شوي بروح ان شاء الله هلاسبوع السوق واكمل شغله

 

[توحه1]

امهات البنات الله يعينكم
انا صبيان الله يحفظه كلفني ١٢٠ تقريبا كل شغلهم
وانا خلصت كل شي لبس المدرسه والرياضه والقرطاسيات والجواتي وانت بكرامه والدلاغات وان شاء الله موناقصني شي
كل واحد بدلتين للمدرسه وشورت رياضه وبلوزتين و٥ دلاغات وجوتين

 

[أم عزيـز]

واخيرا اليوم خلصت شغلي رحت الايوب من الساعه ١٠ وثلث الصبح وكان شوي زحمه بس خلصت شغلي شريت ٤ مرايل حق بنتي مكسي
بس الارقام رطي يعني رقم ١ مقصمل عليها ورقم ٢ شوي طويل !
عاد قلت بوديه الخيط يقصرهم ولا اخذ المقصمل !

وبعدين رحت مجمع بلازا فوق محل البرن س خذيت لها فلات مدرسه لو وناعم
وبعدها رجعت جمعيتنا بالسلام النصر الياضي خذيت لها بالطو العلوم وملابس رياضه ودلاغات
ويمه يالكتبه شرت لها جنطه مع مقلمتها وخلصت الحمدالله

 

[بقلبي انت]

هلا لوزين شوفي اذا عندج خدامه تغسلهم كل يوم مايحتاج اكثر لكن لو انتي ماعندج خدامه اشتري
اكثر يعني 12 بس حطي في بالج ان الشتا قرب والاندروير بيتغير بتلبسينه الشتوي الطويل السروال والفانيله
يعني بتشترين شتوي بعد وعالكورس الثاني اشتري غيارات جديده انا كل سنه اسوي جذي