مشكــلة رفيجــتي مع زوجهــا الله يهديـــه لها يــآرب .....

[وجـه البـدر]

:hearting:




مسااااااااء الخير بنات شلووونكم ؟؟

7
7
7
7
7

بنات بقولكم مشكلة رفيجتي اللي قالتلي اطرح مشكلتها اهني لانها وااايد ترتاح لكم

المهم قبل اسبوعين صارت مشكله مع زوجها اهي تعتبرها تافهه بس اهو يعتبرها كبيره المهم كانت بزوارة لبيت اهله وكانت وايد مرتاحه وتضحك وتسولف معاهم ومع حمواتها بس لما اطلعت تبي تروح شقتها صارت مشكله ويا زوجها بالسياره يقولها شكو تدزين مسج وتقولين نمشي قلبي؟ اهو اشتط رفيجتي اتقول من الساعه اربع الى العشر واهي مجابلتهم وتقول كنت ابي ارجع امبجر عشان وراها دوام ولويه وتبي ترتاح في بيتها خو اهل زوجها ما حطوا عشا ولا شي ؟؟ تخيلوا للساعه 10 ؟؟ تقول رفيجتي اهي مو سالفة جوع لا الحمدلله شبعانه بس اهي سالفة ذووووق المهم مالكم بالطويله المشكلة يت من زوجها خانقها بالسياره وقالها اخذي اغراضج بوديج اهلج بنات هالحجي الساعه 11 تخيلوا ؟؟؟ رايحه بيت اهلها بهالليل ماقدرها عند اهلها ولا على سالفة شكو تقولين نبي نمشي؟؟

بنات مع العلم رفيجتي صارلها سنه متزوجه وماعندها عيال الله يرزقها يارب

تخيلوا بنات ولا مره ازعلت وراحت بيتها من تزوجت والاخ حتى تلفون ماكلمها واعتذر ؟؟ ليش ترى الزواج تضحيه ورحمه وموده والله حرام اللي قاعد يصير

المهم قبل يومين ابوها كلم زوجها وقالها اشفيك مع بنتي قالها ياعمي هذي سالفة بسيطه وانا كنت معصب ؟؟ سالفة بسيطه وموديها بيت اهلها بليل جنها مسويه شي كبير لا سمح الله :rgewrg:

المهم كلم ابوها وجذي بس صارله يومين ماكلم البنت ولا حتى اعتذر لها ليش؟؟ اتوقعون شنو يبي انها تعتذر له ولا شنو ؟؟

بنات شوروا عليها مسكينه محتاره مرات تقولي ابي اكلمه ومرات لا تقول اهو اللي غلط اهو اللي يعتذر ويتصل ويراضيني ..


شرايكم بنات :bbbiu:

ومشكوووورين كلكم ادري ماراح تقصرون وياها ودعواتكم لها ان الله يهديه ويسخره لها اللهم آمين ..

 

[Mno0or]

الله يهديه يارب..وتنطر يدق عليها انا اشوف انها ماغلطت..

 

[بتبوتااا]

البنت ما غلطت !!

وحتى لو معصب ما توصل انه يوديها بيت ابوهاا مو لهدرجه يعني !

خل تنطره يعتذر وبين وجهه نظره ويتأسف ولا بيصير تعود بعدين على اقل زعله يقطها بيت اهلهاا !

 

[Tutti-Frutti]

اهـي مـا غـلـطـت
يـعـنـي سـالـفـه مـا تـسـوى كـل هـذي الـعـصـبـيـه ويـوديـهـا بـيـت اهـلـهـا تـالـي الـلـيـل
خـل اهـو يـبـدا بـالاعـتـذار

 

[Sweetq8]

يه حرام ماسبته ولا قللت من قيمته ولا شي عادي مسجها عادي حرام عليه مغرور واناني لا لا لا أدق عليه خل ينقرص اي شي الله يعينها شي يقهرررر

 

[Tutti-Frutti]

اهـي مـا غـلـطـت
يـعـنـي سـالـفـه مـا تـسـوى كـل هـذي الـعـصـبـيـه ويـوديـهـا بـيـت اهـلـهـا تـالـي الـلـيـل
خـل اهـو يـبـدا بـالاعـتـذار

 

[(m & m)]

شوفي تدرين شنو ودي

ودي اسمع القصه من الطرف الثاني يعني على لسان زوجها

لان بصراحه شي ما يدش العقل اشلون يقولها روحي بيت اهلج عشان دازتله مسج كاتبه نمشي حبيبي

ما يدش العقل بصراحه احيانا اهي تكون منفعله و معليه صوتها على زوجها و جذي فالسالفه تتطور عرفتي

ما اقدر اجاوبج لاني ما اقتنعت بالسالفه ... تقبلي مروري خيتو والله يصلح بينها و بين زوجها

 

[وجـه البـدر]

مشكورررررين بنات ماقصرتوا والله ..

ام اند ام والله ان رفيجتي ماتسمعيلها صوت من كثر ماهي هاااااااديه ولا تحب السوالف قالتلي ركبت السياره جان يهب بويهي تقول والله اني ساكته واهو يصااااارخ واحترمته ولا رفعت صوتي وبجت بعد ؟؟ تقول ماقلت شي حتى قالها جاهزه ؟؟ شلتي اغراضج جان تقوله ايه تدرون شنو قالها ؟؟

أكلم طوفه انا ؟؟؟؟؟؟؟؟؟؟؟؟ اهو الظاهر يحب النوع الملسون والله اعلم

الله يهديه ويهديها ..

 

[دنيتى زوجي M]

الله يهديه ان شاالله

ماتوصل لهددرجه يقطها بليل ..!1

 

[Sweetq8]

يه حرام ماسبته ولا قللت من قيمته ولا شي عادي مسجها عادي حرام عليه مغرور واناني لا لا لا أدق عليه خل ينقرص اي شي الله يعينها شي يقهرررر

 

[ام بشبش]

مسكينه وعليا عليها لاتتعتذر هو الغلطان خليه يجي ويعتذر حق بنت الناس والله يهديه ان شاءالله

 

[حلوه ولمآحه]

الله يهديه ،،
البنت ماغلطت بشي ،،
انا اقوول تصبر جم يوم وتشوف انشاءالله يكلمهآآ
لان مو معقوله لها الدرجه عقله صغير،،
دام هذا اول موقف بينهم لاتتصل لانها لو اتصلت راح يتعود
بعدين لو يصير شي لاسمح الله بينطرها هي تتصل او تعتذر
الله يهديهم ويسخرهم لبعض

 

[ام جبولي]

ترى اكثر الرياجيل جذي لو اهم غلطانين يقوولج انا موغلطان ولا يتنازل يراضيج وبالاخير احنا يالمسكينات نجي نراضيهم اولهم انا بس سالفت ان قطهاا لهلهاا شوي قويه احنا نهاوش ونطنقر بس مايودونه لهلنا خليهاا تقعد بيت اهلهاا واهوو لو يبيهاا يدل بيت اهلهاا قوليلهاا لاتدق ولا تسأل عنه باجر راح يجيهااا بنفسه يركض

 

[Un-6be3iya]

ريلها منو قاص عليه وقايل له كل ما سوت مرتك شي ماعجبك قطها بيت اهلها ؟
انا اقول تثقل عليه تقعد يومين ولا ثلاث ابيت اهلها عشان ينقرص ويتأدب ويعرف ان مو عشان اي سبب تافه يقطها بيت اهلها جنها مسوية مصيبة
لا يتعلم من اولها :\

 

[kooka83]

لاتدق عليه ولا تعتذر ولا شي
البنية مو غلطانه والسالفة ماتسوى
اهوة اصلا ماكو سالفة ؟؟؟؟
تنطره مثل ماوداها ايي ويردها
خل تعز نفسها ولا تسال عنه ... معنه ابوها دق عليه وكلمه واهوة قال مافي شي
مافي شي ....خل ايي

 

[كويتيه مذهله 87]

خل يولي لا تدق عليه

 

[$ فراولة $]

لا حول ولا قوة الا بالله

عسى الله يهديه

 

[سنيوره قمر]

اهـي مـا غـلـطـت
يـعـنـي سـالـفـه مـا تـسـوى كـل هـذي الـعـصـبـيـه ويـوديـهـا بـيـت اهـلـهـا تـالـي الـلـيـل
خـل اهـو يـبـدا بـالاعـتـذار

 

[ماما الحنونه]

عااااااادي تعودنا على جذي ...يزعلوووون على شغلات والله اتفه من جذي ...
بس بصراحه يوديها بيت اهلها هذى غلط ...ولا تكلمه ولا شي يمكن باله شي يبي ينفذه فلا تراضيه ولا هم يحزنوون ...
لان الرجل يحب والله المرأه القويه اما الضعيفه اللي بس تتنازل صدقوووني يركبوون فووق راسها خليها تثقل عليه وتبين زعلتها ...
لانها فعلن ما غلطت....
والله يسخرهم لبعض ...
واذا راضاها ان شاء الله خلها تستفسر منه عن اللى صار..
ولو اني منها قالي ساعتها اوديج بيت اهلج ما ارضى ..اقوله ودني بيتي كانت انحلت المشكلة بفتره قصيره وااااايد..
والله يسر امرها ان شاء الله..

 

[شفايف كرزيه]

الله يهديه لهااا
ويهدي سرهم يارب