مشكلة الجرايد اليوميه

[أغصان]

بنات عندي مشكله صعبببه بالنسبه لي :eh_s(13):
شنو حل للجرايد اللي تتكود يوميا بالبيت خصوصا اللي ماعندها خدامه
والمشكله زوجي اكسل شيء عنده حذف الجرايد برا !! فتتكود عندي

ابي حلللللللل :eh_s(17):

 

[..بسمة..أمل..]

ههههههههههههههههههههه

جمعيهم بجيس وقطيهم بالزباله وانتي كرامه
واحتفظي بجريده كل 4 ايام حق كباتت المطبخ و حق الثلاجه

 

[رهوف]

حرام تقطينهم بالزبالة
قطيهم بصندوق اعادة التدوير اللي يكون عند الجمعيات

 

[حليمة بولند]

والله حتى انا اعاني من نفس المشكلة

لووووووووووووووووووووووووووول

 

[العود الأزرق]

وحتى أنا أعاني من هالمشكله بس إذا كثرة أكثر من اللازم أحطهم بكيس زباله
ووديهم بزباله خاصه للجرايد مقابل الجمعيه لأن بعضهم مذكور فيه اسم الله

 

[الغاليه نونو]

شوفي يمه وديهم عند الجمعيه وقطيهم بالحاويه مالت الجراايد ونصيحه لاتكدسين الجرايد تراا اعليهم يتكاثرون الزهيويه الصغار اللي بالمطابخ ولاتحطينهم بالثلاجه ولا بالكبتات

 

[أحب ترابها]

حرام تقطينها بالزباله او تحطينهم بالكبتات كل ثلاث ايام جمعيهم بكيس مايكون الكيس ثقيل عليج وحطيهم بدبة السياره وانت رايحه الجمعيه قطيهم بالصناديق

 

[الكويت حياتي]

بنات تدرون انه شنو اسوي اكو لجنه احياء التراث الاسلامي بالسره ادق عليهم ياخذون الجرايد مع اي اغراض انتي ما تبينها مثلا مكنسه تشتغل بس ما تبينها او اي شي ثاني هذا اذا تكودوا مثل ما اكتبت صاحبه الموضوع اما بالايام العاديه طلعيهم بجيس بروحهم وقطيهم صوب الجمعيه مثل ماقالوا الخوات

اما انا نحطهم للكبت او الثلاجه ما انصح لان فيهم ايات واسم الله

 

[صمت السنين]

مالج إلا الحاويات مالت الجرايد عند الجمعيات مثل ماقالو البنات

 

[النويرة]

أمي قالت لي إن عمال البلدية لما يمرون كل يوم ياخذون الزباله ويحطونها في السيارة لكن الجرايد مايحطونها مع الوصخ بس نحطهم بجيس بروحهم ونخليهم برا الحاوية ( والعلم عند الله :eh_s(10)

ولا تحطينهم في كبتات المطبخ :eh_s(14): ( أكثر شي يقهرني من حركات الخدامات هي فرش الجرايد في كبتات المطبخ ) اذا بتفرشين حطي مفارش الورق انظف واحلى

 

[way2go]

اختي " الكويت حياتي" ممكن ترسليلي على الخاص رقم احياء التراث الاسلامي بالسره عشان اكلمهم ياخذون الاغراض

 

[أغصان]

الله يعطيكم العافيه بناااااااااات ماقصرتوا والله
نورتوا موضوعي :*

 

[ضحكة الدنيا]

بنات انا بعد ماانصحكم تفرشون الجرايد بالكبتات والثلاجه ترى يجمعون الزهيويه والوصخ

 

[AwradAli]

مممممممممم .. ليش ما تستفيدين منهم وتسوين فيهم عجينه الورق وتشتغلين فيها
قريت حق وحده من الخوات تستخدم أي نوع ورق ممكن حتى الجرايد طريقتها حلوه والله بس نسيت بأي قسم شفتها

 

[ام عبود_q8]

مشكورين حبايبي هم انا كنت متوهقة بهالشئ ؟؟ بس مدري جمعيتنا فيها؟؟

 

[أسمى حب]

لقيت الحل المريح لكم كلكم

قبل جم شهر طرشت لي رفيجتي رقم شركة تعيد تصنيع الورق سواء كتب او جرايد وهالشركة لشباب كويتيين , يجون البيت وياخذون الجرايد .

اتصلوا واستفسروا عن اللي تبون من ناحية الكمية اللي يطلعون علشانها والمدة المناسبة لجمع الجرايد ...الخ

ممكن تحطين كرات نفتالين مع الجرايد علشان تتخلصين من الحشرات .

و ارقام الشركة كويت كوتكست

7797945
7033563

 

[رنين]

مشالله حلول حلوه و ممتعه....

 

[همسات ليالي]

فبض الايمان اول مره اسمع عن هالشركه

خوووووووووووش شي

يعطيج العافيه

 

[شندوخه]

في شباب كويتيتن يمرونج بالبيت ياخذون الجرايد يسولها اعاده تدوير ويستفيدون من الورق

 

[ياشايل الظبى]

نفس الشى دايمن تتكود عندى الجرايد واضطر اقطها بالزبااااااااااااااله