مشكلة الشعر بالجسم!

[وردة الاشواق]

السلام عليكم ورحمة الله

ما اعرف اكتب مقدمات بدخل بالموضوع دايركت
انا ملجتي جريبة بإذن الله وعندي مشكلة الشعر بأماكن غير مرغوبة مثل "الظهر والبطن" بشكل واضح
لحد يقولي طبيعي وشكل خفيف, لا طويل وصح ان ناعم بس واااضح

رحت لمستشفى طارق سعيد عندنا بالبحرين وفحصت علي الدكتورة "هنديه" وقالت لي عاادي ماله داعي تسويين له ليزر لان ماراح تستفيدين
بس والله بنات يفشل! واضح للعيان :eh_s(2): ويبين بشكل مقزز!! حتى ببطني وااضح!!

فكرت في الواكس بس خفت يحبب ويطلع "حرار" بثور بالعربي :eh_s(4):
ومشكلت الواكس حل مؤقت!

الي مخلي هالموضوع مأرقني ان خطوبتي جربت وبالبحرين الخطوبة هي المرحلة الي بعد عقد القران وقبل الزواج ...الخ
:eh_s(16): يعني اكيد سعيد الحظ بيشوفني بقصير ...الخ

والله لاعت جبدي مب عارفه شاسوي!!! :eh_s(11):

وفي شي بعد استحي اقولة ومب عارفه شاسوي!
حتى حوالي حلمة الصدر في شعيرات خفيفه بس واضحة


ياريت المتزوجات يقولون لي شنو سوو اكيد في ناس مثل حالتي + وشلون روتين الحياة الزوجية من هالناحية مع السنين!!


مشكورين جميعاً
:eh_s(7):

 

[مدّهره !]

مااأدري صراحه شممكن تسوين دامهاا نصحتج ....~

 

[وردة الاشواق]

انطر ردوود البقية

 

[أسرار الجمال]

سوي تشقير وايد زين

 

[مذهلة2013]

تشقير حبيبتي العرايس يسوون تشقير

خوفج تشيلين شيره جسمج يطلع حبوب ولويه

 

[M!SS.LOBY]

ليزر

 

[<miss botamba>]

اذا طويل شيليه اول بموس علشان يصير خشن وتستفيدين من الليزر

اما اذا قصير خلج عالتشقير لان مايفرق و مايبين باللمس اذا تخافين خطيبج يحس

انا عن نفسي زندي كان قصير وناعم وما استفدت مع الليزر الحين قاعده اشيله كل مره بموس علشان يصير خشن ويروح

ولا تقولين مو زين موس انا ويهي اشيله بموس وعادي جدا بالنسبه لي وحتى رفيجتي واختي كلنا ويهنا نشيله بموس


وعن نفسي ان شاء الله بكمل جسمي كله ليزر ماعدا الصدر و الظهر من فوق بخليهم بس تشقير لان الشعر قصير وناعم وحتى لونه مو اسود

 

[أمورته]

بنات يعني تنصحوني اشقر جسمي ومااحف صدري وبطني انا فيه شعر بس متوسط مو وايد ولا شويه بس فيه واضح خاصه بطني

تنصحوني بالتشقير ؟

 

[شانيل 5]

الليزر وايد زين

 

[عزوتي خمس صقور]

تشقير طبعا لان الحلاوه او الشمع يطلعون حبوب

 

[راعيه طويله]

مالج شغل بالهنديه انا نفست حالتج ورجت وسويت وفكيت عمري بلا تشقير يمتن شعرج اكثر او جف كل شوي لنا جلدج مترهل

 

[فيلسوفة قلبي]

جربت الحلآوة على كآمل جسمي ظهري و بطني وآلحمدلله ما طلعوآ لي حبوب..

وأحيآنا بـ/فيت ..مع أنه خفيف بس أحس أحلى بدون شعر ^^

 

[قلــبهـ]

عني اسوي ليزر كامل ، بس انا مبين فيني مافي مجال اخليه ولا حتى تشقير ،
لدرجة ان حتى بالليزر يحتاج اشيل كل فترة بجهاز براون (يحمر) او موس لي موعد الجلسة الثانية ،
وبأسوأ الحالات اسير الصالون بحلاوة لان شعر جسمي اسود حيل وانا بيضا فيبان ..


يعني الليزر مأثر علي بمناطق ومناطق ليما الحين احس مو ذاك الزود ولو ان اكيد خاف عن قبل الحمدلله ،
بس مشكلتي خاصة بهالمناطق يرجع يطلع الشعر موزع فشكله يصير غلط ويبان من جذي مضطرة ادير بالي ..

وهيك ، بس بشكل عام مابتعرفين شلون بيصير نظامج لي تتأقلمين مع وضع ان ريلج معاج ،
لان نظامج وانتي بنيه غير عن وانتي متزوجه طبيعي ومع الايام روحج بتعرفين شنو يناسبج اكثر ..


نصيحتي لو شعر جسمج بهالمناطق مو لهناك جربي بالاول تشقير ،
واذا مايازلج وحسيتي ليما الحين يبين ، مالج غير الحلاوة او الليزر ..

ومبرك حبيبتي الله يتمملكم على خير وياركلكم يارب :eh_s(17):..

​

 

[لاتكابر غلطتي]

نصيحه
افتكي من الموس والليزر ..
كل البنات يشقرووون اجسامهم خصوصا العرايس
راح يكون ملمسه ناعم ومو خشن وهذا اهم شي
ويعطيييييييج بياض ..


تصيحححححححححححححه

 

[غآب نورك ~]

نصييييييححة لا تشيلين بموووس والله نصيحة من أختج

مووس لا انا اشل ويهي بموس عادي مايأثر بس المناطق الثانيه غير تحسس وايد وتحبب انا مافيني بجسمي حبوب واضطريت اشيل بموس قبل حفله والله لا يوريج شلون صار



دام توه عالعرس ابتدي ليزر من الحين للجسم كامل بس شوفي اول التشقير

 

[وردة الاشواق]

بنات مااقصرتو ع التفاعل !!
بس الي يقولي شقري!! مستحييل بنات يبين ههههههههههههه اتخيل يبين الشعر بس اشقر!! تعرفون بيصير نفس الاجانب الي ابد مايشيلون شعر جسمهم "فهمتوني ههههههههههههههه"

والله محتارة !
مشكلة المستشفى مايسون لج ليزر الا بأذن من الدكتورة بعد ماتكشف عليج

:'( والاخت تقولي عااادي!

 

[وردة الاشواق]

مالج شغل بالهنديه انا نفست حالتج ورجت وسويت وفكيت عمري بلا تشقير يمتن شعرج اكثر او جف كل شوي لنا جلدج مترهل

تصدقين من جفت يدها :eh_s(10): قلت لا شكل الحياة وردية عندها "معروف عنهم ان مايشيلون شعرهم"
شكلي بروح عيادة ثانية

شورج وهداية الله

 

[وردة الاشواق]

اذا طويل شيليه اول بموس علشان يصير خشن وتستفيدين من الليزر

اما اذا قصير خلج عالتشقير لان مايفرق و مايبين باللمس اذا تخافين خطيبج يحس

انا عن نفسي زندي كان قصير وناعم وما استفدت مع الليزر الحين قاعده اشيله كل مره بموس علشان يصير خشن ويروح

ولا تقولين مو زين موس انا ويهي اشيله بموس وعادي جدا بالنسبه لي وحتى رفيجتي واختي كلنا ويهنا نشيله بموس


وعن نفسي ان شاء الله بكمل جسمي كله ليزر ماعدا الصدر و الظهر من فوق بخليهم بس تشقير لان الشعر قصير وناعم وحتى لونه مو اسود

وه بسم الله موس ع ظهري وبطني!!! :eh_s(11): اخاف اسويها واتوهق

 

[المعطف الوردي]

وهل الليزر فيه الم !

 

[وردة الاشواق]

اي اكييد انا جربت ليزر اندر ارمز "ابط" ورجل ويدين
نغزات بس تقدرين تتحملينها