مشكلة الطيبة الزايدة

[*عزة نفس*]

السلام عليكم..عيدكم مبارك وعساكم من العايدين السعيدين..مو عارفة من وين أبدأ بس سبب مشاكلي كلها إن فيني طيبة زايدة وإن على نياتي وهذا اللي مخلي الناس تستغلني واجد..ممكن بعضها مع صاحباتي أو في عملي وحتى مع أهلي..الحمد لله أني موظفة وصار لي سنتين وكنت باطلع وغيرت رايي والحين راح اواصل..اللي خلاني أصر عالمواصلة في الوظيفة هالموقف..عندي باطويلات العمر صديقة هي أصغر مني وماعندها خوات ومتزوجة..لما عرفتها كانت مخطوبة وقريب زواجها..المهم طلعت تدرس برا وكنت معاها اوكي نتواصل مع بعض وحتى نصايح وايد يعطيها العافية عليهم طبقتها في حياتي ومرة استفدت منهم..قبل فترة ومع زحمة الشغل كنت ىأسأل عنها أمها وماحطيت في بالي انها راح تنزل ..المهم سألتها فلانة راح تنزلي؟؟ماردت علي ..بعد شهر قالو لي فلانة ترى نزلت والكل درى واني اللي اهتم لها وانتظر متى تنزل مادريت..دقيت على امها قالت لي اي نزلت ..قلت ليها طيب ماقلتي لي..مع ان دوم تكلمني علشان اخدمها حتى لو خارج دوامي تدق علي ماتدري انا نايمة مرتاحة مريضة وقت متأخر ماردها..عادي لأنها أم صديقتي وهي صديقتي موصتني عليها ..والله ماكذب عليكم النفسية صارت زفت مع ان كنت مهتمة لعملي وحاشتني مرضة بسبب التفكير..صحيح ان بروفايلها مكتوب انها موجودة في البلد بس والله مو فاضية افتح بروفايل كل وحدة واعرف وين موجودة..بعد ماصحيت عاتبتها ان مايصير ماتقول لي وأنا اللي أسأل عنها وقلت لها عالاقل تجيبي لي اعتبار ..أنا ماعتبت عالبنت عتبت عالام..لأن البنت نزلت وكانت مشغولة وألحين هي مريضة والجوال عند زوجها..قلت يمكن زوجها شاف الواتساب مادري..المهم أني أفكر هالفترة دام انها موجودة اجمعها ويا بنت عمها صديقتي هي بعد..واني انتظر هاللحظة من زمان..بس مو عارفة اوصل لها..ومابغى احسسها اني لزقة وطفولية..ماقدر اوصل لجوالها لأن عند زوجها ..قولوا لي الحل..هو مو شايلة بخاطري بس أبغى أسمعها ليش سوت كدا فيني ويمكن هي شايلة بخاطرها علي أو شي..يسلمو

 

[Tom ♥ Jerry]

,


و الله ما فهمت السالفه عدل عمري
اول شي يعني شنو نزلت ؟
ثاني شي انتي ليش تهتمين بأمها

ثالث شي حسيت سالفه انج تجمعينها ويا بنت عمها مالها داعي
و خليها شوي هالفتره دام توها متزوجه و مشغوله ويا ريلها
و انشغلي انتي بحياتج الخاصه و مالج شغل فيهم

الزم ما عليييييييييج نفسج

 

[*عزة نفس*]

,


و الله ما فهمت السالفه عدل عمري
اول شي يعني شنو نزلت ؟
ثاني شي انتي ليش تهتمين بأمها

ثالث شي حسيت سالفه انج تجمعينها ويا بنت عمها مالها داعي
و خليها شوي هالفتره دام توها متزوجه و مشغوله ويا ريلها
و انشغلي انتي بحياتج الخاصه و مالج شغل فيهم

الزم ما عليييييييييج نفسج

هلا أختي..
السالفة ومافيها هي متزوجة وعندها ولد وهي صديقتي من سنتين مثل ماذكرت قبل..
ومن زود علاقتي فيها وصتني على أمها وأنا بين فترة وفترة أدق أتطمن على أمها وعلى ولدها..بس لأن اشتغلت فخلاص ماقدر أسأل مشتت تفكيري بسبب العمل..

سالفة أتجمع وياها هي وبنت عمها أن بنت عمها الوحيدة اللي قريبة منها..
واحنا عندنا قروب في الواتساب ثلاثنا فيه..ولمن كانو في الغربة قلت لهم متى تنزلو ونتجمع سوا مع بعض..

يسلمو اختي عالمشاركة..
مادري وين الخوات الباقيات في القسم مايشاركوني..

 

[*عزة نفس*]

اي صح هي تبع البعثات تدرس برا ..

 

[فوفو22]

يا ماما

لا تضغطين على روحك وتصيرين حساسه

جايز عندها ظروف

من معزتك عندها ما تبي تقولج

دايما في الصداقات

حتى تستمر دوم مو يوم

نغمض عين ونفتح عين


فوفو

 

[شندوخه]

شدعوه هالسالفه
بالاول والاخير قالت لج انها نزلت
مو معقوله قبل لا ترجع دييرتها بتووزع الخبر ؟؟ يمكن لاسمح الله يصير ظرف ويردها
ويمكن حبت تسويها مفاجاه!!
لا انا من رايي لاتتشهرين ولا شي
من تشره تكره

عزميها وقومي بظيافتها وقدري انه رفيجتج نازله لوقت معين وعندها اهل تبي تشبع من شوفتهم قبل ماترجمع

 

[M!SS.LOBY]

الله يعينج

 

[M!SS.LOBY]

لا تحاتين قعدي معاها وسمعي منها

 

[cramela]

حبوبه دامهم تعاموا معاج شذيه معاناته ما يبونج لا اهيه ولا أهلها ودامها متزوجة خليها واللي يبيج يجيبج يا روحي انت نفسي بعد انا العن ودائما انجرج وأتعب من الناس الله يعينج

 

[طيشن على جديه]

مافي مشكله حبيبتي انتي طيبه وهم حساسه واظن متعلقه فيها حيل ..
البنت تعبانه ومتزوجه ولها خصوصيات موشرط تشرحهم لج لاتصيرين حساسه والبنت حاطه توبكها انها موجوده بالكويت وسوالج عنها المفروض مايصير مع الام ارسلي لها على الواتس ..

لاتشرهين لان موضوع ماله داعي ونصيحه انشغلي بنفسج وبحياتج لاتفكرين فيها ..​

 

[بسكم لقافه]

لاتعطين اي انسان بالدنيا اهتمام زايد ماعدا امج وابوج ودايما توقعي الغير متوقع من الغير عشان ماتنصدمين وعيشي بالحياه مثل ماهي ماشيه اهم شي دينج واخلاقج - انتي مبين عليج حساسه واذا تعلقتي بشخص تتعلقين فلازم تتغلبين على هل شي والله يوفقج للاحسن يارب

 

[جوري الصالح]

حــــــبوبة..
لا ســــمح الله ممـــكن عنـــدهـــا ظـــرف طـــارئ

 

[am0ny]

الغايب معاه عذره يحقلج اتعاتبينها وتتشرهين بس لاتحقدين وتاخذين بخاطرج لان كل انسان له ظروفه وكل انسان له مسااوء ومميزاته لاتدققين بالسالفه حيل لان احس مالها داعي مثل ما انتي انشغلتي عن الام والولد بالدوام اكيد عندهم عذر او ظرف مو شرط يقولولج عنه والمساامح كررريم

 

[*عزة نفس*]

يا ماما

لا تضغطين على روحك وتصيرين حساسه

جايز عندها ظروف

من معزتك عندها ما تبي تقولج

دايما في الصداقات

حتى تستمر دوم مو يوم

نغمض عين ونفتح عين


فوفو

هلا اختي..
مو سالفة حساسة بس لأني مصوبة من بعض الناس إن سؤالي عنهم يضايقهم...مادري المشكلة فيني إن لزقة مع ان والله إذا أعز ناس أعزهم من قلب..

شكرا اختي عالمشاركة..يسلمو

 

[*عزة نفس*]

شدعوه هالسالفه
بالاول والاخير قالت لج انها نزلت
مو معقوله قبل لا ترجع دييرتها بتووزع الخبر ؟؟ يمكن لاسمح الله يصير ظرف ويردها
ويمكن حبت تسويها مفاجاه!!
لا انا من رايي لاتتشهرين ولا شي
من تشره تكره

عزميها وقومي بظيافتها وقدري انه رفيجتج نازله لوقت معين وعندها اهل تبي تشبع من شوفتهم قبل ماترجمع

هلا أختي..
ياليت سمعت منها خبر رجوعها إلا دريت من أهلها..
أني ألتمس لها العذر وعارفة إنها نازلة وحوسة عندها..
بس تعرفي لو ماني مشتاقة ليها كان ماعتبت عليها..

يسلمو عالمشاركة..

 

[*عزة نفس*]

الاخوات الباقيات يسلمو من قلب عالردود الحلوة..

ويظل إن رضا الناس غاية لاتدرك..

أني ألحين تاركة لها مساحة تعبر عن شعورها تجاهي مثل ماتحب..سواء عبرتني أو لا..

كل إنسان هو إللي يعلم غيره كيف يتعامل معاه..
بالأخير إذا الواحد عامل الناس عدل مو علشانهم..علشان بكرة ورانا حساب وكتاب ولخاطر العشرة اللي بيني وبينها ماحب الأذية لأحد..

يسلمو..

 

[M!SS.LOBY]

اب اب اب

 

[بيبي قيرل]

حبيبتي نصيحه اشغلي نفسج في اشياء مفيده خلي الناس اخر همج وانا كنت نفسج قبل بس تغيرت الحمدالله الحين .. لاتدقين عليها هالفتره يمكن صج مشغوله ..اذا مادقت عليج كلش او حتى مسج اعرفي انها تبي تقطع علاقتها فيج ..

 

[*عزة نفس*]

هلا خواتي..
مشكورة اللي رفعت الموضوع الله يجزاها خير..
اختي بيبي قيرل..
الحمد لله اني عندي وظيفتي وشاغلة 80%من وقتي والباقي تثقيف وتصفح ورفاهية وأشغال أخرى ..وأني متعمدة أشغل نفسي عن بعض من الناس مو بس هي قابلت نماذج مثلها وكلهم تصرفت معاهم نفس التصرف .أبتعدت عنهم بهدوء وبدون مشاكل..

البعض قام يتسآئل ليش تغيرت..والبعض عرف سبب تغيري ان هو الغلطان..والبعض لازال يقدرني وأني أمتن له بهالتقدير..بس على قولة القايل..إللي ينكسر مايتصلح ولو تصلح يظل مشوه..

يسلمو..