مشكلة القشرة بشعري اشلون اوخرها ساعدوني

[كتكوتة عنزية]

السلام عليكم عليكم

اشلونكم وشخباركم يالغاليات

انا عندي مشكلة شعري مترووس قشرة شسوي وشالحل ياريت تفيدوني انا ما احب الحنة وابي اشيل القشرة شسوي ساعدوني


تكفون لا تبخلون علي

 

[ام سويرة]

فيه شامبو اسمه silklux
اظن جذي الصيغة عجيب وحدة بوحدة بس ريحته مطهر موشينه
بس موزينه بالصيدليات بسته ونص

 

[law love]

انا يوم كنت ياهل ياتني قشره بشعري و وداني ابوي جلدية الحكومه و عطوني شامبو علبته صغيره لونها ابيض و الشامبو لونه برتغالي

انصحج تروحين و يوصفونلج اياه عجيييييب


ليلحين امي تذكرى ان شاء الله مووجود

 

[مزيوونة]

رد : مشكلة القشرة بشعري اشلون اوخرها ساعدوني

ياليت البنات يفيدونا حتة انا القشرة ملعوزتني من برا ومن داااخل


اب اب اب

 

[doweha]

رد : مشكلة القشرة بشعري اشلون اوخرها ساعدوني

اب اب

 

[كتكوتة عنزية]

رد : مشكلة القشرة بشعري اشلون اوخرها ساعدوني

الف شكر لكم خواتي وجزاكم الله كل خير

انا لوعت جبدي هالقشرة ومسببتلي احراج لان حييييييييييييييييييييل بااااااينة حاولت اوخرها واستخدمت وايد شغلات بس ما نفعت يعني اروح للجلدية؟؟؟

برايكم

 

[freakiya]

لا شامبو ولا دوا ولا خرابيط نصييييييييييحه حتى انا اسويها مع العلم شعري الحمدالله نادر تصير في قشره فركي ليمون بشعرج و اذا قدرتي قعدي بالشمس شوي فركي الليمون جنج تفركين جسمج بالليفه حتى راح تصير بشعرج لمعه حلوه و انا مثلج ما احب الحنه ولا اتحملها ولا اتحمل ريحتها بس هذي الدنيا تبين الزين تحملي كلها ساعه او نص ساعه و تقدرين تحطين ليمون مع الحنه بس بدون ما تفركين شعرج
و انشالله تنحل مشكلتج

 

[Grass]

رد : مشكلة القشرة بشعري اشلون اوخرها ساعدوني

قفشة خل تفاح اصلي ... مع بطل ماي صحه كبير مائل للبروده يعني مو فاتر بارد .... وغسلي فيه فروة راسج وقعدي فيه نص ساعه بعدين غسلي شعرج بماي خالي مائل للبروده

 

[آبـلـہ نـونـو]

رد : مشكلة القشرة بشعري اشلون اوخرها ساعدوني


حبوبة بـَ أقولج تجربتي :

أول شي إقطعي آلشآمبوآت آللي بتآعة آلقشرررررررررررررررررة .!!

و خذي لج شآمبوآت عآدية سلفكرين و هـَ آلطقة

و إذآ خلصتي سبوح ، خذي قلآص مآي بآرد و حطي فيہ شوؤووؤووؤووية خل آلتفآح مآركة بو ديج لأن ريحتہ خفيفة عن آلبآجي

و ربي عقبهآ مآ عدت شفت رقعة وجهہ آلقشرة ،

و سلآمتج .,

..

 

[يازمان العجايب]

رد : مشكلة القشرة بشعري اشلون اوخرها ساعدوني

الحنه عن تجربة مع ليمون وشوية خل

 

[sara3]

شوفى حبيبتى مرة قريت فى المنتدى عن وحدة تقول ان القشرة ذابحتها وانها لقت الحل بالديتول

وجربت هذى الطريقة فى شعرى وتالى جربتها مع بنتى صج عجيبة

الطريقة انك تشترين الديتول الاخضر الاصلى اللى حجمة صغير مو مال الارضيات

تالى غسلى شعرك بالشامبو عادى وسبعية

حطى مرة ثانية شامبو ورغى الشعر عدل تالى حطى ترس المغطاة ديتول وحطيها على شعرك ووزعية عدل ورغى

الخلطة بشعرك وخليها دقيقتين تالى سبعى شعرك وحطى الكوندشنر عادى على الاطراف وبس

اول شى كنت متخوفة من الديتول تالى شفت رسمة شعر راس على غرشة الديتول فاطمان قلبى

بس يعنى لا تكثرين يعنى بالاسبوع مرتين تالى خففى

 

[جروح خالده]

رد : مشكلة القشرة بشعري اشلون اوخرها ساعدوني

في شامبو بالصيدليه ماعرف اسمه بالضبط جربيها وادعيلي

 

[eng.jacvara]

عندي الحل
هذي خلطةعطتني ياها وحدة تقص شعر بصالون معروف وهي بعد معروفة بس مابي اقول اسمها للخصوصية
الخلطة عبارة عن

بالخلاط تخلطين قوطي روب مع شدة ريحان مع شوية زنجبيل فريش مع شوية زيت زيتون
بعد ما تخلطينهم تخلينهم نص ساعة تقريبا عشان يتخمرون مع بعض بعحين تحطينهم على شعرج

وقالتلي بعد ان احسن شامبو حق القشرة شامبو دوف لان في نسبة ترطيب 70%

والخلطة ما سويتها للحين للامانة بسويها باجر بس انا اثق بصاحبة الخلطة لان شعرها ماشالله عجيب ولو اقول اسمها بتعرفونها وتعرفون ان صج شعرها حلو
وما ابي منكم الا الدعاء

 

[eng.jacvara]

El5al6a 7ag el8eshra + elree7a elli tsabbebha el8eshra

 

[عشيرة الحزن]

نصيحه مني لج انا كنت اعاني من هالشغله وعالجتها بالليمون حيييل حلو حق القشره ولمن اجي اتسبح اغسل بشامبو هيد اند شولدرز مال القشره وبعدها افرك نص ليمونه برلاسي واخليها مثل البلسم افرك جسمي وبعد مااخلص اشطفه بماي بااارد انتي سوي هالطريقه كل ماجيتي اتسبحين لين ماتشوفين القشره راحت وبعدها خلي الليمون واستمري على هيد اند شولدرز والله حيييل حلو وناسبني والحين ولا نتفة قشره بشعري قبل جني كابه تراب براسي ولاتنسيني من دعائج

 

[$$ البنفسج $$]

شامبو نيزورال بالصيدليه ممتاز

 

[دمع الروح]

حبيبتي أنا كنت أعاني من نفس المشكله وأخذت جلسه لإزالة القشره عند صالون لابلوبيل وحييييل خفت معاي الحمدلله