مشكلة رفيجتي ونبي لهآ حل ^^

[black rose BH]

السلام عليكم

شلونكم ؟

رفيجتي عندها مشكله وقلت اخذ رايكم يا احلى كويتيات

وهذي مشكلتها بلسانها :blueSmCLR:


:
انا عمري 19 سنة وحبيت لي واحد من دوله خليجه ثانية واهو قدي بعد ..

وماعنده احد بالدنيا لان امه وابوه متوفيين ماتو وتميت انا وياه اكلمه واداريه عشان مايحتاج لاحد ولا ينحرف او يفكر بشي مو زين خاصة انه بروحه .

المهم ما اطول عليكم

قبل جم يوم جتني امي وقالت لي ان في واحد متقدم لي ويبيني
وانا رحت وقلت للي اكلمه وزعل وقال بيجي يتقدم لي نهاية السنة شهر 12 او 1

انزين انا الحين مادري شسوي

اول شي اهو بعيد عني نسبة موافقة اهلي على زواجنا 30 %

وبصراحه احبه ومستعده اخذه واوافق عليه واهو نفس الشي

بس شرايكم انتو ؟ اوافق على الي جاي يخطبني ولا انطره
والي تقول انطره ممكن تعطينا افكار عشان يوافقون الاهل ويوفقون ويانا

وبس

عطوني راي يفيدني جزاكم الله خير

والسموحة على الازعاج بس ماعندنا غيركم يا احلى كويتيات :blueSmCLR:​

 

[shmoo5 2ntha]

رد : مشكلة رفيجتي ونبي لهآ حل ^^

أول شي خل تصلي وتستخير وتالي تقرر

بعدين هالشي غلط تحب واحد ويمكن تخلص السنه وندخل بسنه يديده ومايتقدم لها شراح تسوي !!!

أغلب الشباب يحبون ويذبحون روحهم بس الوقت الزواج يقولون ماناخذ وحده نحاجيها

خل تاخذ القرار الصح عشان لاتتحسف

والله يوفقها يارب

 

[* ليــــدي *]

استخيري عقب حاولي باهلج اذا رضوا اوكي
اذا مارضوا لاتعصين اهلج مهما كان الحب
اعرف بنات خذوا رياييل من برا واهلهم زعلوا عليهم والريال ماقام يحترمها لان عصت اهلها
وبالتوفييييييييييق

 

[ياعشيري جعلك السلال]

رد : مشكلة رفيجتي ونبي لهآ حل ^^

عمره 19 بيتزوج مو جنها قوية

ماراح يتزوجها اخذيها مني

قوليلها تصلي استخاره وتوافق اذا مشى الموضوع اوكي تتوكل على الله وتتزوج وخل تغير رقمها وتنهي علاقتها فيه لانها ماراح تفيدها

 

[سمبتيكا ~]

رآيي .. لاتشتري الحب وتبيع عمرها
لاهو من ديرتها ولامن معارفها ،، الموضوع صعب مو بهالسهوله !
تفكر بـ عقلها شوي وحياتها ( العمر لاضاع ماينرد ) . . .


مبارك عليج الشهر

​

 

[lovely jojo]

استخيري حبيبتي ..

 

[بنات حواء2]

حبيبتي فكرت الزواج من بره فكره خااااطئه خاصتن بنسبه حق الكويتيه
و فكرة الزواج بانعدام رضى الاهل او قبولهم هذي مصيبه
ليش
لانه الزواج مو يوم و لا يومين العمر كله
لو اي مشكله تصير بينج وبينه ماراح يوقفون معاج اهلج لانج خذيتيه و اهمه مو متقبلين الموضوع من البدايه
حبيبتي اخذي الكويتي و استقري في ارضج و لا تضايعين عمرج مع واحد وجوده في حياتج بلش من خطأ

 

[يوآش يوآش]

رد : مشكلة رفيجتي ونبي لهآ حل ^^

بس الولد اللي تحبه

وايد صغير .. يعني مااعتقد يقدر يتزوج

عموما تستخير احسن

 

[( المـلاك )]

ما انصح بالزواج من بره

 

[black rose BH]

مشكووورين حبايبي

ووريتها الردود وخلاص الي يريحها تسويه

مشكورين وكل عام وانتو بخير ^_^

 

[قوطي نيدو]

اول شي رفيجتج متأكده انه رفيجها امه و ابوه متوفين

مو من صواااااريخ الشباب عشان يكسرون خاطر البنات

و انا برايي انها تاخذ اللي متقدم لها

((((((( دهنا في مكبتنا ))))

و موفقه ان شاءالله

 

[nono93]

صلي واستخيري


وحبي تكلمينه بالتلفون >> ليش حراااااااااااااااااااااااااااااااام وما يجوز شلون باجر تامنين انه ما يكلم غيرج

وافقي ع الي تقدملج وغيري تلفوووووووووونج وانهي العلاقه لأنه غللط من الاساس

 

[n.m.3.k]

صلي واستخيري


وحبي تكلمينه بالتلفون >> ليش حراااااااااااااااااااااااااااااااام وما يجوز شلون باجر تامنين انه ما يكلم غيرج

وافقي ع الي تقدملج وغيري تلفوووووووووونج وانهي العلاقه لأنه غللط من الاساس

رايي من رايها وموفقه انشالله:eh_s(8):

 

[black rose BH]

اي اهي متاكده ان اهله متوفيين لان كلمت خالته

بس السالفه مو جذي

قالت له اذا عرسنا ع بعض تيي تعيش معانا قال اكيد لان ماعندي لا ام ولا ابو

وماتدري حالتها تكسر الخاطر تصيح وخايفة

 

[كرز حالي.]

رد : مشكلة رفيجتي ونبي لهآ حل ^^

هذي جم مدة صارلها تحاجيه؟؟
وشكثر العلاقه بينهم علشان تضمن انه راح يخطبها؟؟
مو كل شي تصدقينه
استخيري

 

[L A T T E]

اهيا تقبل تاخذ واحد مو نفس جنسيتها؟

وتعيش بعيد عن اهلها؟ اذا مرضت ولا زعلت عليه ماتقدر تروحلهم؟

خل تفكر بمستقبلها عدل بغض النظر عن كل شي و اهني تقرر

 

[black rose BH]

رد: رد : مشكلة رفيجتي ونبي لهآ حل ^^

هذي جم مدة صارلها تحاجيه؟؟
وشكثر العلاقه بينهم علشان تضمن انه راح يخطبها؟؟
مو كل شي تصدقينه
استخيري

صار لها نص سنه تقريبا

صح كلامج بس اهي من امس تصيح تقول تخاف تعرس وتخليه واهي تحبه وماتدرين الزود عند من :d

 

[دلوعة أبوهآ]

الولد صغير وماتوقع انه مستعد للزواج وتحمل المسؤوليه من الحين

خليها تستخير احسن والله يعين

 

[eng.zainab]

رد : مشكلة رفيجتي ونبي لهآ حل ^^

صار لها بس نص سنه ! و عمرها 19 سنه..حبيبتي هذا مجرد اعجاب قوي مو حب ..وحتى لو تعتقد انه حب انا اقول دامها بأول الطريج خل تبتعد منه قبل لا تتعلق فيه اكثر..حتى لو ما صار نصيب مع الي متقدم لها ..هم انا اقول خل تقطع العلاقه فيه لان كل ما زادت المده مع الحبيب زاد تعلقها فيه وراح يكون اصعب عليها اكثر بعدين خاصه انها تدري انه احتماليه انها تاخذه ضعيفه ..والله يعوضها خير انشالله

 

[اميرة-الاحجار]

اكيد اخذي اللي ياييج الحين اشتبين بواحد كبرج ويبي ينطرج لي شهر 12 ؟؟
شعنده يعني لو ميت عليج ويبيج جان يالج من اليوم مو قالج انطر لي شهر 12
لا يبا توكلي على الله وانتي صغيره لاتضيعين عمرج على وهم حبوبه وبعدين اهلج ماراح يوافقون صدقيني ..