مشكلة صديقــــــتي "" الخاطب والاهل"

[moonfragrant]

السلام عليكم ورحمه الله وبركاته...

صديقتي عمرها 29 سنه...
كانت في علاقة حب مع واحد
وكان جاد جدا معاها تقدم لخطبتها قبل حوالي اسبوعين
الحين جه دور الاهل؟؟ في السؤال عن الخاطب
الولد ناس يمدحووونه ويقولون خوش ولد مصلي وصايم ومو راعي خرابيط
وناس يذمووونه

المدح اكثر من الدم ولكن الذم مخوف اهلها وتتصور يردون على الولد بالرفض!!!!

ونفسيتها ونفسيت اثنيناتهم زيروووووووو بس يكلمون بعض يبجوووون اكسرو خاطري
البنت مو عارفه شتسوي وشلون تواجه اهلها انها تبيه


مالحل؟؟ خصوصا ان هي وصلت لعمر كبير وفرصها بالزواج بدت تضعف وهو اول واحد يتقدم لها وتحبه ويحبها

 

[د.شريفة]

رد : مشكلة صديقــــــتي "" الخاطب والاهل"

يسؤلون اكثر واكثر
الدوام الدوانيه
الجيران
اهله
اصدقائه
اهل المسجد
هذا زواج حتى لو يحبووون بعض
وتصلي استخاره
اذا كان لها هذا الزوج خير في دينها ودنياها والله ربي يكتب اللي فيه الخير ويجمعهم على الخير ان شاءالله
خل تصلي كل يوم تصير صلاة استخاره والله راح يسهل الامور اذا فيه الخير لها

 

[moonfragrant]

تسلمين يالغلا على سرعة ردج...
بس اهلها مايبون يسئلون اصدقائه ولا ناس من اهله عندهم فكرة ان الاصدقاء مستحيل بتقول الصج وحتى لو مليان عيوب بتمدحه!!!

مادري كيف يفكرون

 

[قطر مون]

الله يكتب لهم الخير

 

[انا خطر]

رد : مشكلة صديقــــــتي "" الخاطب والاهل"

خل يسؤلوون اكثر

و ان شاء الله خير

 

[سمبتيكا ~]

الله يكتب لها إللي فيه الخير

​

 

[دبي العز]

استغفر الله العظيم من كل ذنب عظيم

لاحول ولا قوة الا بالله

ابداً ما اشجع هالعلاقات ولا أحب انصح فيها جني راضيه بالغلط والحرام

عالعموم

كل شي قسمة ونصيب

مافي شي يوقف النصيب

ولو صاحوا من اليوم ليوم القيامه ان ماكان من نصيبها ما بتاخذه

 

[gannan99]

رد : مشكلة صديقــــــتي "" الخاطب والاهل"

اللة يجمعهم وقريب اذا كان فية خيرة لهم

 

[lulwa-q8]

رد : مشكلة صديقــــــتي "" الخاطب والاهل"

الحل تكلم اهلها اهي بنفسهاا

تقوول لامها انا مو صغييره و غيري تزوج و الخ من هالحجي

واذا مارضت تقولها احبه ويحبني و تحطها بامر الواااقع

والله يوفقها ياارب =)

 

[Anastasia]

خل تستخير
ويصير كل الخير ان شالله

 

[طفـشآنه]

,





و الله مآ عندي غير الدعآء ,
الله يوفقهم ويكتب لهم نصيب عآجلا ً ليس آجلا ً .

 

[باربية الكوووويت]

خل تحسس امها انها ملت وتعبت والنصيب ماراح ايها وتبين ان نفسيتها تعبت وتبين انها اتعس مخلوق على وجهه الكره الارضيه وتفهم ابوها يبا اذايا احد خطبني عفيه لاتردونه انا كل مالي واكبر وبشوف عيالي والله يخليكم لي بس انتوا مو دايمين لي وبظل وحيده بدنياي وانشالله تزوجه

 

[pretty sarona]

اهي مو سالفة زواج و السلام ,, سالفة مبدأ في ناس تذم الريال و الأهل أكيد يبون مصلحة بنتهم و ما يبون يعطونها واحد بنظرهم ما تستاهله

 

[مــلاك]

رد : مشكلة صديقــــــتي "" الخاطب والاهل"

خل يسالون بالدوام والجيران والمسايد حوالينهم واهلهم من بعيد جذي يتاكدون من اللي مخوفهم اكثر

وعسى الله يوفقهم