مشكلة عيني تكفون ساعدوني؟؟

[كلمه فصل]

السلام عليكم
شلونكم يا احلى خوات ادري ماراح تقصرون معاي
وبتساعدوني
وأرجو من اللي يعتقدون أنهم يعانون من نفس المشكلة يشاركوني
أو اللي عندهم فكرة عن المشكلة اللي اعاني منها
انا من 3 سنوات


صار فيني حساسيه وانتفاخ بالجفن اليسار يمكن كيس دهن صوب مدمع العين..
وبعدها عيني صارت تتحسس من الكحل والعدسات إخ.....

فما قمت البس عدسات ابدا
ولا احط كحل داخل عيني

لكن مو هني المشكله


المشكله
ان جفني اليسار صار 24 ساعه منتفخ وعيني صغرت
وصار في اختلاف بالحجم بين عيوني
وكل ما اروح لطبيب عيون يا يقول حساسية او يقول جفاف
ولاعت جبدي من القطرات اللي مامنها فايده؟؟؟
و

تكفون اي وحده صار لها مثل اللي صار فيني
تقولي شنو سوت
ولها مني دعوه بظهر الغيب

او دكتور شاطر ويعرف لمشكلتي
لان كل الدكاترة اللي رحتلهم ما فادوني


واللي ما تعرف تدعيلي بالشفاء

وماقصرتو​

 

[كلمه فصل]

بنات نسيت لا اقولكم

هم المشكلة حيل مأثرة على نفسيتي

وصرت ما احب اطلع ولا اشوف احد

بسبه عيني​

 

[modern]

رد : مشكلة عيني تكفون ساعدوني؟؟

حبيبتي ممكن يكون مسكر عندج مجرى الدمع
لانه يسبب اختلاف بحجم العين

 

[ارسان الدموع]

حبيبتي سلامتج وما تشوفين شر
نصيحتي لج روحي لدكتور خالد السبتي
دكتور شاطر وفاهم ويعطيج الزبدة وبس من غير فلسفة

 

[gardenai]

ولدي صار معاه انتفاخ بعينه اليسار وقعدنا 10ايام بالمستشفي علشان المضاد وقالوا عنده انسداد بالقناة الدمعية والمشكلة ان العين الملتهبه صار فيها ضعف نظر ورحت اكثر من دكتور كل من قال شي والحين انطر الأمتحانات تخلص واروح عند السبتي والله كريم

 

[نسمه بارده]

انصحج بالدكتور عبدالمطلب بهبهباني ممتاز وعندج فيصل جراغ والاثنين هم التوب بالكويت وربي يشافيج ويعافيج

 

[كلمه فصل]

امين والله يشافي كل مريض

ما قصرتوو

الله لا يهينكم

والمشكله مو انسداد المجرى؟.؟

الله كريم بروح للسبتي وارد لكم خبر

واتمنى مايكون مثل اللي رحت لهم

 

[اسماء العتيبي]

رد : مشكلة عيني تكفون ساعدوني؟؟

الله يشفيك ويعافيك
انا بالسعوديه ماعرف الا الاستشاري الدكتور خالد طباره روووعه بكل ماتحمله الكلمه من معنى
موجود بالرياض..

الله يحفظ لك سمعك وبصرك ويسقيك العافيه والصحه بسائر بدنك يالغاليه ولايحوجك لطبيب يعالجك ..

 

[pure.pearl]

بصراحة في مستشفي في امريكا في بوسطن متخصيصين في علاج العين

 

[كلمه فصل]

مشكوين ما قصرتوو

الله يحفظ لك سمعك وبصرك ويسقيك العافيه والصحه بسائر بدنك يالغاليه ولايحوجك لطبيب يعالجك ..

/quote]
امين مشكوره ع الدعوه الطيبه

بصراحة في مستشفي في امريكا في بوسطن متخصيصين في علاج العين

شيوديني بوسطن

ان شاء الله يكون العلاج موجود بالكويت

 

[عز الخويه]

رد : مشكلة عيني تكفون ساعدوني؟؟

انصحج بعياده الربيعه
اتوقع اسمه سامي الربيعه اختي سوت عنده عينها

ويمتحووون شغله

والله يشفيج يارب

 

[سندريــــلا]

الله يشفيج

روحي عند الاستشاري جمال بهبهاني وايد شاطر وفاهم خريج كندا

عيادته عالبحر صايره جدام مطعم مركز سلطان

 

[كويتيـه]

رد : مشكلة عيني تكفون ساعدوني؟؟

احسن دكتور مر علي محمد الشربيني ابمستشفى هادي وان شالله يفيدججججج الله يشافيججج يشافي الجميع اسالكــــــــــم الدعاء