مشكلة في بيتنا

[Thala]

سلام يابنات عندي مشكلة وابي الحل منكن انا واختي نشتغل في البيت والبيت كبير المهم وأمي متوفية لها خمسة سنوات وكانت
عندنا شغالة قبل وبعد وفاة امي الله يرحمها ويسكنها الجنة تمت عندنا كم شهر وسافرت قعدنا أنا وأختي نشتغل في البيت طلبت أناوأختي من أبوي يجيب خادمة لنا لإن تعبنا كان رد أبوي لا إذا توظفتن أجيبلكم ورفض النقاش في الموضوع المشكلة الثانية أخواني متفقين معه المتزوجين أخوي الكبير عايش معنا يفطر وتغداء وتعشاء عندنا ويقعد طول الوقت هو عياله مايروح
لبيته إلا لنوم فقط المهم طبعا عياله كبار وطلباتهم علينا كله فوق راسنا ونغسل ملابسهم ومرته وبناته على كفوف الراحة وعلى فكر بناته كبار يعرفنا الطبخ وغسيل وأخوي الثاني مانشوفه إلا ربع ساعة فقط يروح بس عياله عندنا 24%24 ساعة طالبتهم ا ماتخلص وأخوي الثالث مرته عاد لاتطبخ ولاتسنع شي ويفطرويجي عندنا هو الست المحترمة وبكل عين قوية للبيتنا وتعذر كل يوم مرة تقول حامل ومرة نزيف وهي كذابة واخواتي يقولنا أناوأناواختي أصبرن وحنا بنموت من التعب وقلة النوم وعلى فكرة أخوي الرابع متخلف ذهني وعصبي علينا ويده بضرب وأبوي كبير مرة إلي عندها حل الرجاء لاتبخل علينا معليش طولت عليكم الرجاء الدعاء لي وأختي بالصبر وتفريج هممنا0

 

[Om.MeMe]

حبيبتي ولله الله يعينج و يعين اختج بس من وجهة نظري كلمواا اخوكم العود ؟؟ قولوله عن سالفت الخدامه احسن و افضل دام الوالد كبير بلعمر؟ ثاني شي اذا ما رضى اخوج العود كلمي الثاني الي تحته على طول ان شالله يقدرون يساعدونكم ولله يكون بعونكم​

 

[KOKATY]

عزيزتي :

اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي
ياحي يا قيوم برحمتك استغيث
اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد
توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا

8
اقري هالدعاء وربي يسر لج امورج والله يعينج

 

[z8rtia]

عليج بالاستغفار وطلبي ربج دوووم إنه يفرج همكم ويصبركم ..
واحتسبي الأجر ولا تظنين هالتعب عند ربي يروح، لا حبيبتي كله بأجركم بإذن الله !
والواحد شيبي من هالدنيا الفاااااااااااااااااااانيه، الله يجمعنا وإياكم بالفردوس
ويا رب يصبركم على ما بلاكم ويرفع درجاتكم عنده =)

 

[طال الهجر]

حــــــــبــــــــــبتــــــــــــــــي الله يعينج واصبري فان الله يحب الصابرين

والله بيعوضج انتي واختج خير ان شاء الله في الزوج الصالح يارب

اقري ادعيه ولا تنسين ربج الدايم


وما تدرين شيبي يصير بعد دقايق او حتى لحظات الله العالم


اصبري فان الصبر مفتاح الفرج

ادري بتقولين متى الفرج بس

صدقيني بيكون قريب باذن الله <<< وبيكون قريب بطاعتج للرحمن المنان الرحيم


ورحم الله امج واسكنها فسيح جناته

 

[ķăyąn..}]

حريم آخوانك ليش مايقدروون

انتو مو شغلاآت تخدمونهم وتخدومون عياآلهم

قولي بيتناآ موفندق تجوون تآكلوون وتعطلعوون بس

زود ع الأكل والطبخ تغسلوون ملاآبسهم آجل ماالوم حريم آخوانك

لقوا الراحة ..


لاآتسكتين لهم لانهم بصراحة مايستحووون

وفي هالزمن الطيب مايعيش ..


وصدقيني ماراح يفهموون الاآ اذا قطيتي نغزهـ

او لمحتي لهم عن هالشي ..صديقتي نفس مشكلتك

بس هي قووية قالت لهم كم مرهـ مانبيكم ولاآنبي عيالكم

واناآ مو خدامة آشتغل لـ حريمكم .. بس عمك آصمخ ماعبروهاآ :dddds:



والله يعينك انتي وآختك ..

 

[Thala]

بنات كيف أتعامل مع حريم أخواني مهن متسنعات الأولى هي وبناته الكبارتدور المشاكل معناو لها ثلاثة سنوات تقول حامل وسقطت وماشية بلكذب علينا وعلى الناس وحنا مسكنا أخوي قال لنا هذة كذابة بس مايقدر عليه أكيد مسوي شي لخوي وهي بدوية بس حظها قوي وماعندها غير قيل وقال جبتنا المرض أنا وأختي والثانية على طريف وده تطمح للمرة السابعة وطبعا تترك عيالها عندنا علشان نوع من أنواع الضغوط على أخوي وأما الثالثة صار لها ثمانية شهور وكانه عروس مصدقه نفسه ماتطبخ ولاتغسل في بيته وأخوي دائما يتشكى منها بس قدامها مايفتح فمه مصيبة وهي لما تسير عندنا لاتشيل ولاتساعد قهر وعاد تعطينا أعذار مرة تقول ما أقدر أساعد يمكن حامل ومرة تقول نزيف ومرة تعبانه مانامت زين طفشنا منهم المصيبة إنة أخواني صفين معهن ....

 

[tassnime]

الله يكون في عونكم بس حاولي انت و اختج لا تخدمونهم و عيالهم انتو مو بخدمهم غيروا معاملتكم لهم يعني اللي يبي شي يسووي حق روحه :tomato2:بس يبي لكم تسنعونهم عدل والله المستعان

 

[املى كبير]

الله يكوووووووون بعونكم

 

[عاشقة الكاكاو]

الله يعينج حبيبتي

ويرزقكم بالزوج الصالح

 

[~*~الملكة~*~]

الله يكون بعوونكم

قولي حق اخوانج شغلاتاكم يدخلوون البيت قبلكم :dddds:

يعني لو مره بالاسبووع نقول ميخالف عاادي بس كل يووم مصيبه بصراحه

وكلمي واحد من خوانج يكلم ابوكم بموضوع الشغاله

 

[ET_girl]

الصراحه تستاهلين انتي واختج
لا تزعلين يا قلبي بس صج
لأن منو إللي بيعيشه عيشت الملوك وبيقول لأ؟؟؟؟
اكيد ماراح يقول لأ مادام غيره بيتعب على راحته ويوفره كل شي
مادام اخوانج تزوجو خلااااااااااااااااااااااص منتو لزومين منهم
الحيم الزم ما عليكم ابوكم وانتو نفسكم
والباجي منتو خدامات عندهم
على الاقل لا خدمتي ابوج مالج إلا الاجر وةالثواب عند الله ومالج منه عليه بعد
بس اخوانج خلاص طلعو من مسؤوليتكم عندهم حريمهم وما تقدرون اتقومون بالدور إللي حريمهم المفروض يقومون فيه
ولازم حبيبتي يكون لكم ردة فعل تجاه اخوانكم
اوكي ابوج قال ما فيه خدامه خلاص تقولين له سمعا وطاعه
بس تخدمين اخوانج وحريمهم لااااااااااااااااااااااااااااااااااااااااااا
والف لااااااااااااااااااااااااا
ومن الحين للزم انتي واختج اتخلونكم على قلب واحد واتكونون متفقين إنه ما تخدمونهم
وإذا امر عليكم اخوانكم ولا عيالهم
قولولهم ما عندكم حريم ما عندكم امهات
يله مناك بس

ادري طولت عليج بس حالتكم صعبه الله يواجركم انشالله

 

[Miss.6Mo7]

الله يعين ..

 

[جاكليت]

الله يصبركم و يفرج همكم

 

[احلى سماء]

تفاهموا مع اخوانكم الكبار المتزوجين
وقولولهم
احنا مو ملزومين بطلباتكم عندكم حريمكم يخدمونكم
اجل ليش متزوجين ؟؟

 

[لمعة**الماسة]

الله يصبركم يارب

ويفرج همكم ويرزقكم بالزوج الصالح يااااااارب

كثري من الاستغفار

وحاولي مع الوالد إذا شفتيه هادي بوقت مناسب وان شاء الله ربي يفرجها عليكم

 

[تنـــاســـانــي]

حبيبتي .. الله يكون بعونج ..

كلمي الوالد مره و مرتين و ثلاث .. و اذا ما رضى كلمي اخوج الكبير و اللي بعده و اللي بعده ..

حتى حريم اخوانج كلميهم كل وحده تكلم زوجها ..

و اذا ما رضوا على الخدامه .. حاولي تقنعينهم بخدامه نص دوام .. يعني تشتغل كل اليوم عندج بس ما تنام بالبيت

و اذا مارضوا كلش سوي اضراب .. اشتغلي حق نفسج و حق ابوج و اخوج اللي مو متزوج ..

و الباجي كل واحد يشيل نفسه ..

و الله المعين

 

[باربي للابد]

الله ياجركم حبيبتي

مبين انتي واختج ماشالله مؤدبين وسنعين بس حياتي مو لهالدرجة هالوضع ما ينسكت عنه

المفروض خادمة حقج انتي واختج وابوج وكل واحد من اخوانج يحطله خادمة حق مرته وعياله

هذا الوضع الطبيعي كلمي ابوج وحاولي تقنعينه حتى اخوانج انا ما اقولج تخانقي معاهم ولا طولي لسانج عليهم لأ

بس اذا اخوج قالج غسلي هدومي قوليله هذا شغل مرتك ولا قول حق بناتك ولا تخلين حريم اخوانج يتامرون عليج

يبون شي اهم يسونه حبيبتي انا ما اقولج طولي لسانج بس خلي شخصيتج قوية ولا تخافين خلي كلمتج وحدة

انتي ملزومة بأبوج بس واخوانج وعيالهم حريمهم يجابلونهم الصراحة شي يقهر

الله يعينكم ويحنن قلب ابوكم واخوانكم عليكم ويرزقكم الازواج الصالحين ياااااااارب​

 

[Thala]

[b شكرا بنات على ردوكم بس ابوي صعب جدا وشخصية قوية واخواني مثله ماهمهم إلانفسهم وما تقدر نقول لهم لا ولتصير علينا انا وأختي فرمانات فالرجاء الدعاء لنا بالفرج والصبر على البيت والله يرحم أمي وسكنها الجنة آه آه آه كنتي شايلة عنا حمل ثقيل وحنا تونا صغار [/b]

 

[pama girl]

الله يعينكم