مشكلة مضايقتني مع زوجي

[سـراج]

مساء الخير


أتمنى تفيدوني لأني صايرة ما أشوف الطريج اللي جدامي من المحاتاة الزايدة
أنه صارلي شهر مالجة وطول هذا الشهر زوجي ما حاول يتقرب مني لما يشوفني ولا يمسك
ايدي ولا غيرة

قمت اخاف ان انصدم بليلة عرسي اللي مابقالها شي ويخليني مع العلم انه شوي خجول
لكن فترة شهر كافية انه يتقرب لي بأي شي


هل اللي يصير طبيعي وفيه رياييل جذي وشنو اقدر اسوي؟
او المح بطريقة غير مباشرة وغيرة ساعدوني
​

 

[الثقه عنواني]

حبيبتي في رياييل جذي عادي بحكم انكم توكم تاخذوون على بعض ومع الوقت كل شي يتغير
وإذا انتي شايفه إنه كل شي بينكم طبيعي فلا تحاتين وحاولي انتي اتكونين رومانسيه معاه بس مو بجرأه لا خلي الشغله اتكوون عفويه
وإن شاءالله كل شي يتم بخير بينكم والله يسعدكم ويهنيكم ياارب

 

[هنـــــد]

حبيبتي أمر طبيعي ليش المحاتاه
أنا زوجي أيام الملجه ما دق علي الا مرتين وهذا وجه الضيف ليما صار العرس
مع العلم ان فتره الملجه كانت 6 اشهر !
كنت في البدايه احاتي بس عقب الزواج طلع غير فديته
ووضح لي انه كان مستحي ومايدري شنو بيقول في مثل هالمواقف


امر طبيعي لا تحاتين
وبعدين اللي يلمسون الايادي وكلامهم معسول احس ان عندهم سوالف بطاليه وعلاقات سابقة


وألف مبروك عليج يالغاليه

 

[العز انا]

عادي ريلاكس موشرط يتقرب منج

لاتحسسينه بأي شي
وخليه على راحته في رياجيل مايحبون يلمسون زوجاتهم الا يوم العرس

 

[جوزائيه مغروره]

عادي حبيبتي

انا ريلي ما قرب مني الا بليله عرسي

 

[عاشقه القيصر]

يمكن مستحي .
ومايبي يخليج تاخذين عنه صوره سيئه قبل الزواج

والله يوفقج حبوبه

 

[أم@الحلوين]

يمكن يستحي لا تحاتين انشالله فتره وتعدي

 

[احلى ـآ وحده]

عادي ياقلبي .. تو ملجه .. بعد العرس بشوفين البلاوي وحياتج ..
انا ملجة على ولد عمتي فره الملجه 2 ونص ماتقربت منه ولا اهو فكر .. وطول الملجه ماشفته الا مرتين او ثلاث ..
حلاته بيوم العرس الجرأه والميانه صدقيني ..

 

[ام الماسه]

هذا دليل ع انه ماهو راعي سوالف وخرابيط فلا تحاتين

 

[مناير البيت]

عادي هذا معناته انه يستحي وماعنده خرابيط

اصبري وبتشوفين الهوايل بعدين ..
\
الله يوفقج ويسخره لج

 

[عيش و مرق]

مادرى اذا اكو رياييل جذى بس اذا بروحكم ليشش مايصافحج مثلا ويسلم بليد ......... الا اذا فى نا سقاعدين معاكم اكيد بيستحى لكن اذا بروحكم اغلب الرياييل يتحرشون علخفيف

 

[كيكه توفي]

عادي يمكن يستحي شنو يعني لا تلمحين ولا شي
أحنا الحريم اذا تحرش نقول عنده سوالف من قبل واذا ما سوا شي نشك فيه والله ما ينعرف لنا
شوفي في وحده كانت حاطه موضوع ان ريلها بس تحرش بالتليفون وتزاعلو ودق مايرد ويسكر الخط بويها وهم نفسج مالجين بس ومو عاجبها ان تحرش فيها بالتليفون وانتي تبين يتحرش فيج انزين انتو الحريم شيرضيكم

 

[دلع الكون]

يمكن مايبي يخوفج وانتي تقولين تستحين

يمكن شافت خجوله وقال ما ابي اضايقها من بدايتها وقاعد يتحاشهى المغازل

يالعياره شنو تبين انتي منه

 

[fdeetni]

حبيبتي مافيها شي


الخجل شي حلو
احسن ماييج مبلتع وينخاف منه

 

[Bent Ameer]

اتوقع مستحي ومايعرف يتصرف بهالسوالف

 

[يرموكيه]

بالعكس مفرووض تستانسين
انه خجوول على الاقل ضامنه انه ماعنده خرابيط من قبل
وهذا دليل بعد انه ماعنده خرابيط جاان متقرب منج من زمان
تحيااتي