مشكلة وحدة اعرفها :/

[zanooob]

اول شي سلام عليكم

اول مرة اكتب موضوع ....

انا اعرف وحدة من اهلنا الله يهديها ان شا الله ...من عمرها 14 عندها سوالف صبيان و مواعد وخرابيط
و المشكلة ما تكلم وااحد او اثنيين @@ تكلم عشرة !! و تقص عليهم و تلعب
و تدز صورها واهي بلبس نووم واهي ترى حلووة و مترووسه شوي يعني مغرية بنسبة لهم !
المهم الحين اهي عمرها صار بالعشرينات ... و ليلحين على سوالفها .. و انملجت يعني على ذمة ريااال و تكلم واحد و تدز صورها بدون حجااب و تطلع وياه بلييل
و زوجها يحببها يمووت علييها بس اهي ما تستاهل .. بس بعرف هالنوعية من البنات ماكو احساس يستغلون جمالهم يقصون عالشباب ..و يعني لمن الله يعطيها واحد يحبها تخونه لييش ؟؟ والله احس اني كرهتها مع اني كنت اعزها بس ما اقلد سوالفها حمدلله ماشية سيدا و عن قريب بتزوج
احس لازم ريلها يدري .بس ماحب افضح حاولت انصحها و ماكو فايدة

 

[@تاج الراس@]

حييبتي هذه مسكينه شكلها تعودت من كانت صغيرة واهيا جذي نصحيها حرام شذنب الريال فيها
وادعيلها ان الله يهديها

 

[Dwesho]

لاااااختي حرااااام علييييج@@!
جي تخربين بيتها اذا تحجيتي وماراح يكون سويتي غير المشاكل.
اذا تبين تعلمين امها من اهلها عشان يسترون عليها
وهااااي المشكله تلعب وعندها الخير
@@! ربج واحد ومردها بتنكشف مافي شي يبقا
وادعلي لها بالهداااايه
@@!
شكلها لالحين تراهق
@@! لاحول ولاقوه ماعليج منها.دامج سيده ♡♥

 

[روحين في رـوح]

انتي احكيها معها وحطيها تحت الامر الواقع قوليها بخبر زووجج عن كل الي تساوينه واذا ماتعديلتي بقوله

بس ترا حرام اهي تخون زوججها يعني لاازم يدرى بس يدرى بطريقه مايعرفك ..

اهي ماتخاف ربنا متلا ..؟ وخاييفن على خراب بيتها

 

[afaf]

الله يستر عليها وعلينا يارب لالاتقولين لريلها ولاشيء ادعي لها بالهدايه ربي يستر ع بناتنا
ترا ياقلبي ترا مثل هلاشكال وايد انا شايفة

 

[ΒŖǾĶĚŅ 02]

خليها تولي


وحاولي توخرين عنها شوي شوي


أنتي على ويه زواج شلج بالمشاكل


دامج نصحتيها وما فاد معاها خلاص خليهااااا


مردها بتعرف أنتي الصح !

 

[كويتيه فرنسيه]

من ستر على مسلم ستر الله عليه يوم القيامه

حرام لاتفكرين تعلمين زوجها وتفضحينها وتخربين حياتها انتي ادعي لها بالهدايه وانصحيها

وتبين الصح بعدي عنها لان لو احد شافج وياها بيقول اكيد انج نفسها

 

[اميره1980]

عليج بالنصيحة و الدعاء لها
و لا تهددينها ابدا لا تقلب عليج و تبليج انتي بسوالفها و تقول انج وياها بالخرابيط توقعي غير المتوقع

 

[طموح دائم]

هذي النوعيه متمرده ولو اتكلمين منيه لي باجر ماكو فايده وحده نعرفها من بعيد وصل عمرها بالخمسينات وعيالها بالكليه وليومج عايشه دور المراهقه وتموت علي الحرام تمشي وتاخذ فلوس مع انه زوجها يموت فيها ومعيشها ملكه وعطاها الجنسيه الكويتيه اهي من بلد عربي انصحوها البنات ولا اكو فايده لدرجه في بنات وصلوا الموضوع لزوجها شرايج مااهتزت فيه شعره ومغيم ولاكأن شي اللي عليج ادعيلها بالهدايه انا كل يوم ادعيلها بان ربي ماياخذها من الدنيا الا واهو راضي عنها وتتوب هالنوعيات حيل يكسرون خاطري واحسهم مهانات وعلي فكره من داخلهم يغلي ومو مرتاحين مهما يكون درب الحرام ماوراه الا الندامه

 

[لآلئ وردية]

ادعـي لها بظهـر الغيـب

و مثل ما قالوا البنَـاتْ ابتعـدي أسلـم لج

و الله يستر عليننا جميعَـاً بستْـرَه يا رب

^_^​

 

[el.mlkaa]

لآتقولييييين ححق زوجهاااا حرراممم

بس انا معاج يكرهي حق البنات الي من هالنوعييييييييه شلون الحين ضميرها مايأنبها حاولي تخرعينها برقم غرييييييب وتبطل هالسواللف اانششااالله

 

[MEMA∞]

,





تدرين ليش لحد الحين مكمله بسوالفها وتراهق ؟ لأن محد موقفها عن حدها !
انتي ادعي لها ,, وابعدي عنها احسن لج داج على وية زواج
والله يصلحها ويستر علينا كلنا يارب
..

 

[لمى الهاجري]

الحين رمضان ادعي لها بالهداية والثبات

 

[أجمل إنسـآنـه ~]

من ستر على مسلم ستر الله عليه يوم القيامه

حرام لاتفكرين تعلمين زوجها وتفضحينها وتخربين حياتها انتي ادعي لها بالهدايه وانصحيها

وتبين الصح بعدي عنها لان لو احد شافج وياها بيقول اكيد انج نفسها

إي ؤالله إنتي ألـصــآجه ,~> رأيي من رأيج,~><!

 

[Blonde B]

ربي لا تذرني فردا وانت خير الوارثين​

<<

 

[a girl]

الله يهديها يارب حاولي تنصحينها و ابتعدي عنها عشان لاتتمشكلين معاها وراج ان شاء الله زواج و مسؤليه مو حلوة ريلج يدري انج تعرفين وحده هذي سوالفها

الله يهديها و يصلحها

 

[zanooob]

مشكورين عالردوود كلكم ما قصرتو
انا مو ناويه افضحها لو كنت بفضحها جان فضحتها من زماان
بس انا من داخلي ماحب اشوف غلط واسكت كله اكلمها بس اهي ما منها فايدة الله يهديها و تقول ان الي تكلمه من ورا ريلها يحبها
بالله شلون يحبج و اهو يدري انج متزوجة و تدزين له صورج ! هذا يتسلى ما يحب :/ استغفر الله
اتمنى الله يهديها

 

[gala q8]

آكبــــــــــــــر غلط تقولين للـ ريال ( زوجهـآ ) ,, إنتي اللي عليج تعلمينها الصح , قولي لها ان ريلج يحبج حرام تخونينه والله باجر الله يبليج فيه و يكلم غيرج !!

قولي لها اللي تسويه غلط , وراح يضرها بالمستقبل و سمعتها على كل السان ! ,


و من هالكلام انتي قنعيها وقولي لها انتي ما شاء الله عليج حلوة و حرام الكل يشوفج ! , انتي مو لعبه بين يديدنهم ,
و خليها تسمع لها اشرطه دينيه عن كلام الشباب عن البنات اللي يتعرفون عليهم و يضحكون عليهم ,

لا حول ولا قوه إلا بالله ,



و حبيت انصحج بعد * يآليت تغيرين صورتج الرمزيه لانج راح تتحسابين عليها بيوم القيآمه

 

[نونه المنكوشه]

الله يهديها ويستر عليها انا ارحم هالنوعيات لانها غافله ومحد بينضر غيرها اذا موبالدنيااا بالاخره انتى نصحيها اذا مانفع خلاص ابتعدى عنها وادعيلها ومردها بتحسف ع كل شى سوته

 

[3rosta]

الله يهديها
اكيد زوجها بيكشفها بوقت العرس