مشكلتنا مع شقق التأجير!! لا لا موصج @@

[om MaRyooM]

السلام



بعد التحية:eh_s(7):



حابة اليوم افضفض واقول عن مشكلة فعلا جدية .. ومايحس فيها الا اللي مثل حالتنا :eh_s(1): :eh_s(1):


اللي اهيا مشكلة الاجار


اول شي الاجارات هالسنتين ارتفعت بشكل جنوني

يعني عادي تلاقين شقة 3غرف نوم 450 او 500 دينار !!!
شدعوا يا حافظ :eh_s(14):

المهم .. بلعنا السجينة وسكتــنا :eh_s(2): وندفع واحنا متحملين



نيي حق الفلسفة اليديدة !

لما ندور يقولون نبي اجانب مانبي كويتيين :rgewrg:

نعم نعم !!!!!!!!!!!!! خييييييييييير ؟؟

الكويتي وين يروح بالله !!!!

والمصيبة ؟؟ ان اللي يقول جذي: المالك (كويتي) !!!!!

و ولد ديرته وين يولَي ويروح ؟؟؟؟ شهالقانون هذذا


و العذر وبكل وقاحة شنو ؟؟

"الكويتي مايدفع الاجار" !!

ليش وكل الاجانب يدفعون يعني ؟؟؟؟؟


:eh_s(14): :eh_s(14): :eh_s(14):

المهم ... بلعنا السجينة وسكتنا ..


اخرتها امس

قاعدين ندور في شقتين الحارس شنو قالنا ؟؟

جم عددكم ؟؟؟؟

جان انط واقوله ليش يختلف السعر اذا كنت انا وزوجي واذا كان عندنا يهال


جان يبتسم ويقول والله هذا كلام المالك مو انا

اذا بروحكم الشقة ب420 واذا معاكم يهال احتمال 450 كدا


:bbbiu:

صج وقاحة .. وصج شي غريب !!

الواحد وين يروح وين يأجر ؟؟؟


**********


الخلاصة:

حكومتنا مو مقصرة علينا بأي شي .. والكل حاسدنا

لكن للاسف ناسين ان في مواطنين عايشين بأجار ومتبهذلين والمالكين يحطون قوانين على كيفهم


وكله كووووم ولا لما يقولون مانبي كويتي !!!!!!!!!!!!!!!!!!!!!

مادري بأي حق !!
وين نروح نأجر بالسودان مثلا

وحسبي الله ونعم الوكيل

 

[vanillaq8]

الله يسهل عليكم و يفرجها

و ان شاء الله تلقون الشقة اللي تبون و مثل ما تبون يا رب :*

 

[Tulips]

اي والله انا بعد هذا اللي شايفته والمصيبه انه بدل الاجار 150 شتوفي مع اجارات من 400 وصاعد

الله يعينكم ..

 

[OM-TURKY]

اااااه بس خلينا ساكتيييين !! ،، الاجار وما ادراك ما الاجااار .،. صج انه في ايجابيات اولهم انج بروووحج مو مع الحموله ماخذه راحتج ولج كامل الاستقلاليه...

بسسسس للاسف الملاّك يناو واقعدوا!! شنو شقه هالكبر ب ٥٠٠ دينار !! وين قاعدين .. لو دووووور جان اوكي ادفع لو ٦٠٠ دينار بس شقه جم غرفه وضيجه ٥٠٠ !! ليشش لييششش!!

واللي يحر صارلنا فتره طوييييله ما عندنا حارس @@ !!! لا ليتات الكراج تبطل لا تنظيف ... يعني الصراحه شي مؤسف جدا!!

الله يعينا او يعين كل المؤجرين وان شاءالله قريييب نطلع ببيوتنا عاجلا وليس آجلا معززين مكرمين اللهم آميـــــــــن​

 

[سلاسل ذهبيه]

شاللي حادكم تسكنون بعماره احسن شي اجار شقه بقسيمه المناطق الجديده وش زينها والشقه كبيره واجارها250واذا طارت 300 العماره احسها تخوف

 

[om MaRyooM]

سلاسل ذهبية



احنا قاعدين نحاول ندور بقسايم .. بس المالك يتشرط بعد !!!!!

الظاهر ماافتريتي وعانيتي

بعدين وين هالشقة اللي 250 على ايدج يللا لوول .. لاتكون بالخيران !

 

[:: Diva ::]

شوفي معاناتي

اول شي اجرنا دور و قعدنا فيه 5 سنوات
تالي الريال تزوج على مرته و يبي الدور طلعنا



ثاني شي اجرنا فيلا كامله و الحمدالله كنا مرتاحين
مع ان اجارها 1000 كل شهر لين صاحبها قال انه ساكن
في بيت ابوه و ابوه توفى و الورثه يبون بيت الابو يبيعونه
فيبي يرجع يسكن بيته

اجرنا فيلا مع حمام سباحه بس المنطقه كانت زحمه
و الجيران يخرعون
سياراتنا تتكسر و تنباق اسبوعياً
و الجيران اللهم يا كافي مشكلجيه و مزعجين قعدنا بس 6 شهور و قبينا

تالي اجرنا دور عند ريال ملتحي و مطوع و دشداشته قصيره
قلنا ريال مؤمن و اكيد يخاف الله
طبعا شنو صار ؟
قام يتحرش و يغازل ما طولنا سنه وطلعنا


تالي اجرنا عند واحد مووووو صج وربي مو صج
يقعد يعد منو يزورنا و جم مره نطق السيفون و جم مره نتسبح
عادي مسوين عشا يطق الباب يقول لنا منو يدفع فلوس الكهربا و منو يدفع فلوس الماي
السيفون و الغسيل هذا منو راح يدفع فلوسه !!!!!!!!
نسفط بالبراحه يعصب جنها براحة ابوه و سوى لنا سوالف
و قال يبي يزيد الاجار و لا لا تستقبلون احد بالبيت
طبعا نقطه ببحر




الحين مأجرين فيلا
بمكان كله امريكان
بس مشكلة البيت تجاري كل شوي فيه شي خربان
و كله على حسابنا
راعي البيت مو راضي نسوي مظلات يقول تخربون شكل البيت
و راعي البيت سوينا له حديقه كلفت 500 دينار حق اليهال جان يقول ما ابي تسوون مدخل
من صوب الحديقه و تخربونها !!!

غير ان الماي ايي بالتانكي !
و كل شهر 40 دينار نعبي
و المنطقه للحين ما فيها لوحات ارشاديه يعني لو بنطلب
يقعد الطلب عادي ساعتين على ما يوصل او يدقون و يهاوشونا و يكنسلون لووووول
علبالهم نجذب





صج صج مصرقعين اللهم يا كافي
و احنا مأجرين بيتنا والله ما نأذي الناس و لا نضايقهم و لا نكلمهم بس يادوب متى ما خلص
العقد رحنا جددنا و الاجار نستلمه استقطاع شهري


بس اجرنا بيتنا على ناس بعد مو صج !
مره اجرنا لعايله قالوا انهم 7 طلعوا 37 واحد !!!!!!!!!
و السراديب حولوها غرف لليهال ترا صج العدد مو مبالغه الخدم و السواق
و اليهال كانت العايله ممتده من الجدين و العمات و العمام و الجناين و اليهال
و الاجار ينشفون ريجنا على ما يدفعونه و كل شهر يكاسرون !!!


و مره اجرنا على دكتور
خرب البيت هدم وبنى على كيفه
و لما طلع ما دفع الاجار 6 شهور


و مره اجرنا على واحد ولا ياجر البيت غرفه لانه
كبير على صينيين و عمال !!!!!

و البيت شي محترم و فخم حيل
يعني ما عندي وقت ولا جان طولت اكثر بعد !!!

 

[Pippa]

’
​

• الله يسهل عليج .,!​

 

[*ريما*]

الله يعين
الاجارات صايرة نار

 

[اروى77]

ياااااارب يفرجها علينا اجمعين اللهم امين

 

[ليلو جبريت]

الله يعينكم

 

[نهى الأحمد]

شوفي معاناتي

اول شي اجرنا دور و قعدنا فيه 5 سنوات
تالي الريال تزوج على مرته و يبي الدور طلعنا



ثاني شي اجرنا فيلا كامله و الحمدالله كنا مرتاحين
مع ان اجارها 1000 كل شهر لين صاحبها قال انه ساكن
في بيت ابوه و ابوه توفى و الورثه يبون بيت الابو يبيعونه
فيبي يرجع يسكن بيته

اجرنا فيلا مع حمام سباحه بس المنطقه كانت زحمه
و الجيران يخرعون
سياراتنا تتكسر و تنباق اسبوعياً
و الجيران اللهم يا كافي مشكلجيه و مزعجين قعدنا بس 6 شهور و قبينا

تالي اجرنا دور عند ريال ملتحي و مطوع و دشداشته قصيره
قلنا ريال مؤمن و اكيد يخاف الله
طبعا شنو صار ؟
قام يتحرش و يغازل ما طولنا سنه وطلعنا


تالي اجرنا عند واحد مووووو صج وربي مو صج
يقعد يعد منو يزورنا و جم مره نطق السيفون و جم مره نتسبح
عادي مسوين عشا يطق الباب يقول لنا منو يدفع فلوس الكهربا و منو يدفع فلوس الماي
السيفون و الغسيل هذا منو راح يدفع فلوسه !!!!!!!!
نسفط بالبراحه يعصب جنها براحة ابوه و سوى لنا سوالف
و قال يبي يزيد الاجار و لا لا تستقبلون احد بالبيت
طبعا نقطه ببحر




الحين مأجرين فيلا
بمكان كله امريكان
بس مشكلة البيت تجاري كل شوي فيه شي خربان
و كله على حسابنا
راعي البيت مو راضي نسوي مظلات يقول تخربون شكل البيت
و راعي البيت سوينا له حديقه كلفت 500 دينار حق اليهال جان يقول ما ابي تسوون مدخل
من صوب الحديقه و تخربونها !!!

غير ان الماي ايي بالتانكي !
و كل شهر 40 دينار نعبي
و المنطقه للحين ما فيها لوحات ارشاديه يعني لو بنطلب
يقعد الطلب عادي ساعتين على ما يوصل او يدقون و يهاوشونا و يكنسلون لووووول
علبالهم نجذب





صج صج مصرقعين اللهم يا كافي
و احنا مأجرين بيتنا والله ما نأذي الناس و لا نضايقهم و لا نكلمهم بس يادوب متى ما خلص
العقد رحنا جددنا و الاجار نستلمه استقطاع شهري


بس اجرنا بيتنا على ناس بعد مو صج !
مره اجرنا لعايله قالوا انهم 7 طلعوا 37 واحد !!!!!!!!!
و السراديب حولوها غرف لليهال ترا صج العدد مو مبالغه الخدم و السواق
و اليهال كانت العايله ممتده من الجدين و العمات و العمام و الجناين و اليهال
و الاجار ينشفون ريجنا على ما يدفعونه و كل شهر يكاسرون !!!


و مره اجرنا على دكتور
خرب البيت هدم وبنى على كيفه
و لما طلع ما دفع الاجار 6 شهور


و مره اجرنا على واحد ولا ياجر البيت غرفه لانه
كبير على صينيين و عمال !!!!!

و البيت شي محترم و فخم حيل
يعني ما عندي وقت ولا جان طولت اكثر بعد !!!

الله يكون بعونكم

صججج معاناة


شلون تحملتوا جذي :eh_s(1):



عسى ربي ييسر اموركم وامور الجميع

 

[:: Diva ::]

ههههههههههههههههههههههههه
قزرت و اذا خلاص تعبنا بنرد بيت ابونا
ما لقينا للحين افخم منه
لو ما الجيران مناشبينا

 

[om MaRyooM]

مشكورين بنات لكل اللي تفاعلو


والقصد من الموضوع مو بس مبالغ الاجار

القصد ان مايبون كويتيين ... وعلى حسب عدد الاشخاص يحطون الاجار @@

 

[أمواج البحر]

صج والله مشاكل الاجارات ما تنتهي

اشوا ثنيتين من خواتي عند حمولتهم ووحده ساكنه عند اهلي

وانا ولله الحمد بيت ملك

بس اشوف بنات عمي وعليه متاذين من سالفه مايبون كويتيين

والا عيالكم وايد والا موقف بس حق سياره وحده

وغير جذي البيوت الاجار باي وقت ممكن المالك ايي ويطلع المؤجرين

وطبعا الاجارات بالعلاااالي

بس في وحده قالت الاجار 250

وين هذا 250؟؟؟ صج عاد

الحين محكر حمام يقولون 350

الله المستعان

 

[اخت واختها]

اى والله هالكلام نوجهه حق واحد ماجر بيته

خافو ربكم يعني تبون الواحد يقط نص معاشه عليكم !

انا لو منج ما اجر بهالاماكن خل بيوتهم تسكنها الينانوه

 

[روح مغليهآ]

شقه ب 250 وين صايره هاذي اذا غرفه وصاله صغيره وحمام بدون مصعد 350 لا ياليت قريبه بقلعة وادرين
صج شي مو طبيعي والا اذا رحتي وقالولج نبي معارس زين بالله متزوجين منزمان وماعندهم عيال لازم معاريس
مادري بيصورون ويانا مثلا

 

[om MaRyooM]

روح مغليها


صااااااااااجة والله

شي مزعج وحزن بنفس الوقت .. الله يعينا
ويقولون معاشاتنا قوية .. الحمدلله عالنعمة بس المعاش شيكفي اذا هذي اجاراتنا !!!!!!!!!!











اخت واختها


وبعدين وين نسكن ؟؟؟؟
المكشةل الاجارات الاقل ماينسكن فيها

الله يعين

 

[ياحُبِي لِلكويت]

الله يعين من ظمن الشروط التعجيزيه حتى بالاعلانات للمعاريس فقطططط .. طيب المعاريس ماراح يجيبون عيال والا من ظمن العقد لاتحمل العرووس هههههه .. حسبي الله على عدوهم ضيقو على العالم بالشرووط

 

[(دنيتي)]

الله يعينج ولله

هذا احنا فئه البدون متحملين الاجارات ولله طول الوقت وسوالف اصحاب البيت وشروطهم التعجيزيه واالاجارات الناااار

والشرااااااااااار مثل عمتي كانت تبي تاجر قالها الحارس لازم طفل واحد واهي عندها بنت وكاتت توها والده الثانيه جان

يقول لا طفلين لاااا قال ريل عمتي يعني شنو اخنق البنت عشان ترتاح؟؟؟؟؟؟؟؟

واللي تقول ياليت قريبه بقلعه وادرين بالله البعد عن كل شي تعودنا عليه بس خل يرضووووووووون فينااااااااا

الله يعين ولله​