مشكلتى محتاره ابي مساعدتكم تكفون اللي تقراها ترد على

[ليش يازمن]

بصراحه ابحب شخص شاريني وكلم اخوه اللي اكبر منه عنى وقال دام البنت شاريتك الله يوفقكم الحب مايعرف كبير او صغير اللي محيرنى فارق العمر اناعمري29واهوا عمره21 بس شاريني ويبينى زوجه له واناماعندى مانع بس خايفه ومحتاره من اهلى اخاف يرفضون لانى ابتطلق ومعاي بنت:eh_s(11):بس اهلى السبب بزواجي الفاشل اجبرونى عليه وهذا نصيبي انتهى هالزواج بس انامحتاجه رجل بحياتى مقدر اعيش وحيده ولااعيش بالغلط وشاريه الولد اللي يبينى شنو الحل؟ارجوووكم استمر معاه ليمى يتقدملى او انهى كل شي وانا ابيه:bbbiu:

 

[الريشة]

ليش تتطلقين و انتي عندك بنت
قولي الحمدلله و مسكي بيتك و حافظي على زوجك
ترى الطلاق مو لعب إذا كان زوجك يعاملك زين.
لا تنخدعين بكلمة الحب و تعقدين بنتك و تجيبين لها زوج أم
تعوذي من ابليس و رجعي لزوجك و حسني علاقتك معاه.
حتى لو مزوجينك غصب ، خلاص انتي الحين أم
صبري على شان بنتك.
ترى الحب اللي بينك و بين هالولد راح يصير روتين و شيء عادي.
لا تاخذين آثام و تركيه لأنك ما تضمنين إن أهله راح يوافقون و انتي أكبر منه و عندك بنت و مطلقة
فكري في بنتك و هي بعيدة عن أبوها.
استغفري ربك

 

[ليش يازمن]

صدقينى موزين معاى وتعبت اعطيه فرص مو كفو اخر شي نفرنى منه انه مد ايده على بدون سبب واكتشفت عنده بنات وجنس ثالث مقدر اعيش معاه اختى لاتحكمين على على طول ترى شفت منه تصرفات مو تقهر كنت نام وابجى والمشكله مو مقصره بحقه بس مو مبين بعينه كل طيبي تعبت حتى انا خايفه من هالولد احس كلش ماكو توافق بس مدرى ليش انجرفت له

 

[الريشة]

أختي إذا زوجك سوى أشياء غلط ، ما يصير انتي تقلدينه و تسوين مثله.
يعني اهو يعرف بنات و يخونك، انزين ليش تسوين نفس الشيء و تكونين لك علاقة بشاب مو حلال عليك
ترى انتي قاعدة تغضبين ربك و تاخذين ذنوب.
توبي و تركي الشاب و لا تكلمينه و غيري رقمك.
و إذا زوجك سيء، صلي صلاة استخارة على سالفة الانفصال.... و اللي فيه خيرة لك الله يسويه.
و اقري سورة البقرة كل يوم و ادعي ربك أن الله يفرج همك
و اهتمي في بنتك و تربيتها.
مرات الأنسان إذا كان مقصر في علاقته بربه، فالله يبتليه بالمشاكل.
و يمكن انتي مقصرة في الطاعات.
حاولي تكثرين العبادات عشان الله يفرجها عليك
و لا تصلحين الغلط بالغلط.

 

[ليش يازمن]

مشكوره اختى عالرد والحمدلله محافظه على صلاتى وقرانى يوميا وهذا نصيبي وحسمت الامر وباذن الله بتطلق وهذا الشاب الله يستر عليه قطعت علاقتى بس لانى مومقتنعه وهو فعلا غلط وشاكره لج وراحت حيرتى بعد كلامج والحمدلله على كل حال

 

[هميانـ]

ان شاء الله ما تحتارين
والله يخلي لج بنتج وحافظي عليها عزيزة مكرمة
والله يهدي ابو بنتج يارب وترجعين له عشان خاطر هالبنت

 

[Beyoncee]

اعلان اللى فوق ربك بيحاسبك على كل كلمه كتبتها
استغفر الله الا الشرك بالله
كل المشاكل حلها مع الله مو معاك
ان شاء الله موضوعك ينحذف

 

[لمى الهاجري]

انتي كبيرة والقرار بيدج مو بيد اهلج

 

[غراوي]

انتي بتطلقين وهذي فرصتج توكلي علي الله
دام الولد ماهمه فرق السن ليش توقفين حياتج عشان عمر
لاتتحملين زواجج الحالي اذا فعلان موقادرين تتفاهمون اكبر غلط ومحد بيموت من الطلاق نفقتج عندج وبينتج بين احضانج

 

[ليش يازمن]

الله يجزاكم خير وماقصرتو عالردود كلها مهما كانت معاي او ضدي بس الله العالم بحالي حاولت انقذ هالزواج بس ماقدرت تعبت حيل ووهاذي مقدرتى وبنتى الله يعينى على تربيتها ومجابلها ويصلحها وحسبي الله ونعم الوكيل اهلى سبب اللي انا فيه ضيعونى بامور كثيره والحين عايشه معاهم وهم ومذلوله بطريقه غير مباشره بس اذا جانى نصيب بروح مانى قاعده عندهم الحين حتى اهلج مايتحملونج لو شنو مو كل اهل اهل ولا كل والدين والدين الله كريم

 

[حولة مركزة]

لا حول ولا قوه الا بالله
استخيري وربي ييسر امرج

 

[ليش يازمن]

مشكوره حبيبتى وموكله امري للي احسن منهم كلهم حيل تعبانه وايمانى بربي كبير ياخذ حقي منهم كلهم

 

[حولة مركزة]

بس بعطيج هالنصيحه اذا اعجبتج احتفظي فيها
واذا مو عاجبتج احذفيها بحر

مهما كان اهلج السبب في فشل زواجج
حاولي تردين لزوجج وتستخيرين
وابني لج بيت من جديد
واذا مارديتي له
الله يرزق لج بزوج صالح حبيب قلبه نظيف
وييسرامرج ويشرح صدرج ويوفقج ويرزق لج اللي تبينه
واستغفري

العفوو ولو
حياتي

 

[Tom ♥ Jerry]

.


حياتي لا تسبقين الاحداث يمكن ليه ييه و تقدملج اهلج يوافقون
ما تدرين شنو يصير لا تقولين اخاف اهلي ما يرضون و اخاف اخاف اخاف

انتي عليج بالدعاء و الله كريم ياقلبي
و اهم شي تقطعين علاقتج فيه لما تكون بشكل شرعي و رسميه
عشان الله يبارك لج .. و على طول ادعي ربج يقدملج الخير
و يبعــــــــد عنج كل شر

 

[يارب محتاجك انا]

ما اقول الا الله يغنيج من فضله .. و يرزقج فوق ما تتخيلين

شي مؤسف لما الاهل يجبرون البنت ع شخص ما تبيه خلقه من الله سوا باسباب او لا

{ في شي اسمه قبول قبل اي عقد قران او لمجرد تفكير ان فلان لفلانه ؟

انصحج بالمواظبه على قيام الليل قدر المستطااع صدقيني شعععور لا يووصف كوني من اصحاب هالوقت الي فيه
ينزل لنا ربنااا الرحييييم

و اسال الهداية لناا اجمعييين

 

[سكوتي بذوقي]

على ذمة رجال وتنخطبين شلون يعني ؟

طيب إذا طلبتي الطلاق ضامنه إنك راح تتزوجينه

فكري في بنتك لاتفكرين بعواطفك بس

زوجك إدعي له بالهدايه

ياما زوجات أزواجهم عذبوهم وفيه اللي أردى بعد

اللي خمر واللي مخدرات الله لايبلانا يارب

بفضل ربي سبحانه ثم بفضل دعاء زوجاتهم الصالحات ربي هداهم

ادعي لزوجك بالهدايه

موفقه اختي

 

[كراميلا مرة]

حرام تسوين علاقه مع رجال ثاني وانتي متزوجه
استغفري ربك
وابتعدي عنه
ولو تطلقتي اذا يبيك يجيك
رغم انه ماعتقد يتحقق توافق وفي فرق كبير بالعمر

 

[كيييفي مزاجيه]

الله يكتب لج اللي فيه الخير ويوفقج بحياتج لكن نصيحه نصيحه نصيحه ابعدي عن اللي تحبينه وشوفي زوجج
ترا المرا اذا طارت بشخص ماتتقبل من زوجها شي نفسيا خلاص تكرهه ف انتي قبل كل شي فكري عدل
واذا كانت حياتج صعبه ومنتي مرتاحه لا والله اشتري راحتج لكن حاولي واستخيري واول وتالي هذا ابو بنتج فكري بالعشره والمشاركه


بالتوفيق حبيبتي

 

[ليش يازمن]

حوله وتوم مشكورين ماقصرتو بس انى ارجعله لا خلاص تعبنى حيل مااقدر اهوا كلش مو مقدرنى ولامبين بعينه واستخرت وخلاص ماعاد ابيه والله يرزقنى باحسن منه ويعزنى ويرزنى بس كل اللي طلبته معامله وكلمه حلوه ماطلبت شي صعب عليه وماقصرت بشي بس خلاص ابنسى انامتحسفه على روحى اهوا ماعليه حسوفه الله يعطينى على قد نيتى اشكركم

 

[ليش يازمن]

يابنات انتو فاهمينى غلط انامنفصله عنه صارلي مده طويله ولاافكر اردله خلاص ماعاد ابيه بكل خيره وشره اللي تقولى ابو بنتج وانا ماعاد اقدر حسوو كل انسان ومقدرته من فارقته مرتاحه ومابي ارجعله اهوا بالداخليه واغلبهم متخلفين موصاحين واهوا مطلق قبلي وعنده طفل يعنى ماتعض من طلاقه مفروض يحافظ على كنت صاينته ومو مقصره بحقه وزياده بس موكفو وخلاص ارجوكم ومشكورين الكل على ردودكم