مشكلتييييييي الازليييييييييييييييييه

[قديت امي]

السلام عليكم ياروع منتدى انا وخواتي وصديقاتي من محبين منتداكم الجميل واللي عاجبني فيه عقليات البنات اللي فيه ماشاءالله تبارك الرحمن: :rerrerek: المهم بنوتات باقولكم مشكلتي ويا زوجي انا احبه حيل وهو بعد بس ماعرف اقوله كلام رومانسي ابدوهو كان يقول لي باول زواجنا تالي صار زيي بنات ماعرف اقول هالكلام استحي ومو متعوده حتى اسلوبي معاه ناشف كل الاحتفالات اللي بيننا الغيتها عشان ماعرف اقول كلام حلو:eh_s(11)::eh_s(16): لاتقولون حاولي لان صار لي 3سنين احاول عطوني طريقه ابدا بالتدريج تكفون اللي عندها طريقه او سامعه بسالفه زي حالتي ياريت تفيدني وتفيد اللي زيي الله يسعدكم:yaaaaaarb:

 

[مناير ...!]

عليكم السلام
يبه الحين ابو اربع سنين يقول كلام حلو
كسبي ريلج وليني لسانج وعودي نفسج على الحجي الحلو ليمن يصير طبيعه بلسانج

 

[صحكة الايام]

من اسلوبك بطريقتك بتدريج

 

[Patcholli]

:/ كنت مثلج

بس لما شفت بنات الشوارع اشلون يتلتلون الرياييل وشيقولون وشيسمعونهم قلت لا والله انا اولى منهم ..!!

احرم ريلي من الكلام الحلو واخلي وحده واطيه تقص عليه وتفر قلبه بجم كلمه ..!!

مت من القهر الصراحه وغصب طيب قمت اقول صج ساعات احس الكلمه تغص فبلعومي بس اقطها وصدقيني تتعودين اول شي بتكونين مستحيه بس من تقولين مره ومرتين راح يتعود لسانج عالكلام الحلو

انتي اولشي ابدي كلمات دلع وجذي كتكوتي ارنوبي دبدوبي عسولي من هالكلام
بعدين بلشي بقلبي وحبي وروحي

شوفيلج يوم وعزميه بمطعم رومانسي واذا قالج شالمناسبه قوليله بقولك شي بقلبي يقرقع من زمان
واهني عاد بطي الجربه قوليله احبك وايد وماقدر اعيش بدونك ..................الخ

 

[Gifts&Occaions]

الله يعينج

 

[عسولة 2]

انا صار لي سبع او ثمن سنين متزوجه ريلي حلو وستايل ماعرف لقوله حتى احبك استحي حيييييل مع اني حلوه وكشيخه واسلوب مع الناس ومثقفه بس ليش جذي مدري والنتيجه بطلي تلفونه وشوفي البلاوي لما اواجه يقول بعد ماينكر بلبدايه. انتي شوفي نفسج مو مثل البنات خلي رفيجاتج يعلمونج اكثر من مره يقرل هلجمله بس ماكو فايده ماتغيرت

 

[مكتومه]

الكلام الحلو يبيله شغل << قلبت حسين عبد الرضا خخخخخ يبيله تعود باتشولي طلعتي مو هينه يبلج قعده اتعلم منك,, انا ودي اتعلم والله اذكر موقف انا ويا ابو الشباب<< ههههه لها قصد ثاني اقصد زوجي طلعت معاه السوق وتنقرشت معه المهم قالي يالله وين بتروحين خلصي قلت ابي اروح مع قلبي مع روحي << وانا اتطنز والله العظيم ما شفته الا ابتسم واستانس وانا ماخذه السالفه عياره وتنطنز والله كسر خاطري << وبعدهاكملت قلت اشلون ارد البيت وروحي مو معاي وقتها ________هههههههه انمسح الكلام مشفر خخخخخخ يعني الكلام الحلو له سحر عجيب بس احنا ما نعرف كله نستحي ونستحي مالت علينا ​

 

[ديانا سبنسر]

اب اب

 

[k.k.k]

انا الكلمة الوحيدة اللي حافظتها لي سألني ليش مانمتي اقوله "وشلون لنام و ذيبي مهو في البيت"
كلمة حياة الفهد برقية و سبيجة
الحين الريال بس اقول اولها اهو يكملها حفظها و ماعندي غيرها

 

[عشق حائل]

اب اب اب​

 

[بنتي شبيهتي]

بصراحه اكبر غلط هالشي يمكن تكونين مومتعوده من بيت اهلج تتكلمين كلام حلو او ماسمعتي من بيتكم انا هذا رايي اما سالفة تستحين و٣ سنين ليش يبا الريال تري يبي الكلمه الحلوه والطيبه الريال نفس الياهل يبي حجي حلو وتعودي انج تقولين له حبيبي وينك حياتي ولهانه عليك لين تتعودين وتقولين كل شي انتي مرته وهذع ريلج اذا ماسمع منج يسمع من منو عيل

 

[قديت امي]

تسلمون خواتي ماقصرتوا وان شاءالله اطبق اللي قلتوه ادعوا ان الله يقدرني

 

[ماني من الناس]

صراحه وايد ثلاث سنين ماتقولين له كلام حلو

صج ان الوحده بالبدايه تستصعب هالشي لانها مو متعوده

بس عالاقل تاخذ منها السالفه شهر وتتعود

انتي هالمره اول شي لين قعدتي معاه ابدي شوي شوي


قوليله اول شي احبك وايد وبمواقف مختلفه لما تكلمينه بالفون قبل لا تقفلين قوليله احبك مع السلامه

لما بينام قوليله احبك

وبعدين تتعودين اذا فيه حوارات بينكم قوليله ببدايه الحوار حبي وبعدين كملي

بسياره ونتوا رايحين مشوار قوليله انته عمري احبك واااااايد

وهكذا اتمنا افدتج

 

[غنج اهلها]

انابرائيي الوحدة اذا ماعودت زوجها من اول اسبوع زواج

ولاعودت روحها مستحيل تتعود بعدين حتي اهوا مايتقبل لان عرف طبعج وطريقتج

والكلام اللي بتقولينه له بيعرف انه موطبعج اصلا

بس مع هذا تعودي ذرابه الحجي مايضر ومع الايام بيتعود علي اسلوبج اليديد

 

[دآنة آلرشآيده]

المفروض من الاول الله يهداج
ع العموم حاولي تغيريين من نفسج للافضل

 

[شادن33]

انتي ابدي بالمسجات الحلوه دزيله صور تعبر عن شوقج باللبي بي وناسه بعدين تتعلمين بالكلام اشوي اشوي
ومثل ما قالت باتشولي بعد عمري شوفي بنات الشوارع ويعه شلون يتلتلون الرياييل خخخ