مشكلتي إللي حتنهي حيآتي آلزوجيه ؛؛ سآعدوني بليز ؛؛

[MISs SoMa]

آلسلآم عليكم ورحمة آلله وبركآته


رآح آدخل بآلموضوع عـ طوووول
آنآ تزوجت إنسآن مطلق وعنده 3 آولآد وبنت
هوآ إنسآن طيب وحنون وكريم
ولكـن آلمشكله آنو مآيرضى عـ آولآده آي كلمه
يعني مثلآ آنآ شآرطه عليه قبل آلزوآج آنو فـ آلآجآزآت آولآده يروحو لآمهم
لآنهم صرآحه متعبين وآنآ مآعندي خدآمه وعسى مآيقعدو فـ مكآن آلآ قلبوه زبآله وآنتو بكرآمه
ولآ ينظفو ولآ حآجه مهمآ كلمتي وفهمتي مآآحد يفهم
وآدآ قلت لآبوهم زعـل وآضآيق وقلبهآ مشكله
مع آلعلم آنو آلمفروض آلحين يكونو عند آمهم لين تبدآ آلدرآسه
بس هوآ جآبهم قبل رمضآن يقول آشتقلهم وآنى مآبآليد حيله يعني إيش آقول
آمنعهم مـ بيت آبوهم مع إني حآمل فـ آلشهر آلـ 3 ومآعندي خدآمه
وآمهم عآيشه لوحدهآ وعندهآ خدآمه
ومشكلتي آلثآنيه مع بنته عمرهآ 12 سنه مهمآ آعلمهآ آلنظآفه مآتتعلم
ولمآ آقلهآ كلمه يعني آحيآنآ آبغآهآ تسآعدني تنظف معآيآ تطنش وتروح تقعد ف غرفتهآ
وتقل آدبهآ علي وتسبني بس مآآقدر آقول شي عشآن آبوهآ
وآذآ آشتكيتهآ عند آبوهآ يقول وآنآ إيش آسوي
مع إني لو تكلمت عليهآ يقوم آلدنيآ ولآ يقعدهآ
يعني تخيلو آنآ آصحى مـ 3 آلظهر آجهز للفطور وبعدين آحط آلآكل قبل آلمغرب ويفطرو
ويقومو حتى مآحد يشيل شي بيده يوديه للمطبخ وانا اسكت
لآني عآرفه آنو زوجي رآح يوقف معآهم ويقلب آلمشكله عـ رآسي وآطلع آنآ آلغلطآنه
وآشيل مـ فوق آلطآوله وآنظف غرفة آلآكل وآلمطبخ إللي شغله لوحده يكسر آلظهر
بعدهآ آروح آشوف لبيتي آنظف إللي آقدر عليه
وآسوي آكل لـولدي عمره سنه و 4 شهور
وآرتآح شوي وبعدين آقوم للسحور
مع آلعلم آنو زوجي مآيفطر ولآ يتسحر يعني أي شي يشبعه
ودآيمآ فطوره لبن وعيش وتمر وسحوره آي شي خفيف
وآلآكل إللي آسويه كله عشآن آولآده
وآنآ بتعب وآلله آلعظيم ولآ في آحد يقدر حتى زوجي
آحيآنآ آفكر آشيل شلآيلي وآروح بيت آهلي
وإذآ قلتله كل وآحد منآ يروح فـ طريق يقول وآلله آنآ محتآجلك ومآآقدر آستغني عنك
هوآ شكله محتآج آحد يخدمه هو وآولآده بلوشي
ولآ وين يلقى خدآمه بدون رآتب :eh_s(14):
سآعدوني بليز لآني تعبت ومآآقدر آتحمل آكثر

 

[لحن التياعي]

من البداية وافقتي عليه وكان عنده 4 لازم تتحملين كل شي ودام انك بنوته ليش وافقتي عليه وهو مطلق ومعاه اربعه الله يعينك ويفرج همك

 

[سكوتي بذوقي]

ياختي المتزوج وعنده أطفال مشكله

المفروض شرطتي من الأول يسكنون عند امهم ويجون حق ابوهم زياره كل اسبوع

لكن ماباليد حيله الله يكون بعونك

 

[راقية بذوقها]

الله يكوون بعونك صبري الصبر زيين وعديهم مثل اولادك واجرك على الله صدقين المعاملة الزينة بتلقين لها نتيجة حتى لو طولت وربك كريم

 

[ام الدرر]

ياقلبي
كلها جم سنه ويكبرون
وترى شغل الزوجه في بيتها صدقة
ربي بيجازيج
اصبري ولج الاجر ان شاءالله

 

[مودي كويتي]

رمضي عند اهلج او ليه ماتذكرينه بشروطج بصراحه هي غلطته انه شرط شرط وقال كلام مو قده طيب انت ابو ماتعرف مشاعرك بصراحه لاتعبين نفسك وتشتغلين واجد باليت حطيهم بغرفه مافيها اثاث طبخي صنفين بس ولاتصرخين عليهم ولاتقولين لهم شي هانت غمضي فتحي جت الدراسه هونيها وتون لو انتي تحبينه تحملي عياله مو لاسواد عيونهم عشان طويل العمر موفقه

 

[عالمي انا غير]

بصراحة الغلط غلطج كان لازم تفكرين وتحطيت الف حساب ان تزوجتي شنو ممكن يصير . الحل تدعين ربج يقدرج عليهم وهم اعتبري وجودهم اجر لج هذا حسن شئ وربي يوفقج

 

[EnGiNeeRa_92]

حبيبتي الله يكوون في عونج والله ياجرج ..

حاولي تكلمين زوجج أكثـر وتفهمينه أن وضعج صعب وأنتي حامل وأن الشغل هذا كله مو زين عليج !

شغله ثانيه بقولج عنها ، انا مابي اتدخل بخصصياتج بس غريبه تكون الخدامه للمره الثانيه اللي ما عندها احد، وانتي اللي العيال كلهم عندج وحامل.. ما عندج خدامه ، كلميه بهالموضوع الا اذا كانت المره الثانيه اهي اللي ممشيه راتب الخدامه ..

هذا الوضع ما يصير ينسكت عنه ، انتي تحتاجين انج تكلمين زوجج بجديه ، اختاري الوقت والمزاج الصح وفهميــه ان ما يصير تييب العيال علشان انت مشتاق لهم وأنتي حامل وما عندج خدامه والبنت ما تعاملج بأسلوب حلو .. ييبلي خدامه وانا راضيه ..

وللعلم وان طلبتي خدامه ويابها لج .. هذا كرم وطيبه منج لأنه اتفاقكم من البدايه ان العيال بالإجازات عند امهم .. ان شاء الله يفهم زوجج هالشغله ..

الله يعطيج الصحه والعافيه .. وتسلم ايدج ، والله يكون بعونج على المسؤوليه اللي شايلتها على قلبج ، الله يهون عليج حبيبتي .. يالله تفرجها عليج


​

 

[بيتي بوب بس كويتيه]

خلي اييب خدامه وتنحل المشكله وقوليله تعبانه وحامل ما اقدر عالشغل

 

[شندوخه]

انتي من صجج تشرهين على ياهل ام 12 سنه ؟؟

 

[لمعة سراب]

حبيبتي كلهم صغآر مآيفهمون

وبعدين شي طبيعي ام 12 سنه ماتحبج لانج مرت آبوهآ

وصرآحه دآم تزوجتي آبوهم ورآضيه بالوضع حآولي تكونين آلآم آلثانيه لهمَ وتتقربين منهم

دامهم عّـآيشين معآج

وعن سآلفه آلخدآمه

كلمييهَ ييبلج خدآمه قوليله ترى انا حآمل وتعبآنه وطليقتك عندهآ خدآمه وهي ماعندهآ آحد فـآلبيت ليش ماتييبهآ هني!؟؟

تخدم عيالهآ وعيالك!.؟

 

[• الْـڪَـونّتيسَـہٌ «]

افضل حل انه اييب خدامه =)

 

[FeShinGoOo]

يعني انتي شنو كنتي متخيله حبوبه ؟؟

من يتزوجج بينسى الدنيا ويتبرى من عياله عشانج ؟؟

شحقه وافقتي على واحد عنده عيال الصراحه لازم تكون عندج قوة احتمال دامج وافقتي من البدايه فيه وفعياله واهم يهال لاتحطين دوبج ودوبهم تتعبين

 

[أم توتو]

قولي له يجيب لج خدامه او يروحون عند امهم برمضان والايام العاديه عادي خلي يجون

 

[قدساوية 99]

اول شي انا اللي اشوف مافي شي جاايد يخليج تتطلقين علشانه والحل تنج تييبين خدامه تسوي كل شغل البيت بما انج حامل
وعياله عامليهم بالزينه وحسسيهم انج مثل امج صدقيني راح يحبونج يعني مثلا اشتري لهم هدايا حسسيهم بالحنان مهما كان اهم يهااال وبالطيب بتكسبينهم وانشالله ماكو الا الخير

 

[(*ام عهــــد *)]

الله يعينج
ويعطيج الصحه ويسهل حملج يارب
انتي في اجر كبير ربي يجزاج عليه كل خير​

 

[*ريما*]

الله يعينك

 

[%ماكنتوش%]

حاولي تتكلمين معاه وتفهمينه انج حامل وماتفدرين على شغل البيت...وشغل اعياله ...ولاتعبين نفسج بطباخ سوي صنفين وبس...

 

[what's up]

والله ما اعتقد انه شتاق لهم الظاهر امهم مالها خلقهم
انا الي اعرفه انه الام ما تستغني عن عيالها
قوليله لي له ابي خدامه انا وحده حامل و ما اقدر
كلش كلش خلي اهوا يساعدج بعياله
مو يطولون حسهم عليج

 

[sweet.sanfoora]

الحل بسيط ييبي خدامة!

وعاملي عياله جنهم عيالج اللي ماترضينه على عيالج لا ترضينه عليهم