مشكلتي اللي ماانحلت لين الحين

[khawla&tito]

مرحبا !

انا يعني الحمدلله تقريبا اي وصفه اقدر اضبطها وتضبط الا العجين عندي اكبر مشاكلي مسسسسسستحيل اقدر اسوي معجنات

يعني امشي نفس الخطوات بس ماتضبط تصير الفطاير زي الحجر صللللبه ومافيها طعم اضطر اني اشتري العجينه الجاهزه

لين الحين عندي اراده وعزيمه متاكده اني بسوي الذ فطاير زي الجاهزه


ساعدوني ياريت بالمقادير والخطوات واذا فيه اسرار لنجاح العجينة قولو لي :eh_s(17):

 

[جارة القمر]

حبيبتي



قولي طريقتك بالعجين

 

[ام الدرر]

بقولج طريقتي من البداية
بالعجانة طبعا
2 حليب سائل ربع لتر (التموين )
بيضه
نص كوب زيت نباتي
4 ملاعق سكر
نص م ص ملح
1 م وسط بيكنغ باودر
ملعقة ك خميرة مذوبه بماي فاتر ربع كوب وفوقها شويه سكر (هذي تسوينها اول شي )
وبناءا على نصيحة جارة القمر وهمبوشة صرت اضيف نص علبة روب
تشغلين العجانه واذا ماعندج خلطيهم بخلاط يد
بعد ما ينخلطو اضيف الطحين بالتدريج(كيس المطاحن كامل الا تقريبا نص كوب )
تعجنينها بايدج بالعجانة المهم لازم تاخذ وقتها بالعجن غطيها وخليها تخمر بمكان دافي
من نص ساعة الى اكثر حسب المكان
قطعي العجينه دوائر واحجام حسب اللي بتحشينها فيه وحشيها وغطيها لمدة 10 دقايق الى ربع ساعة
واذا بيتزا فرديها وحطيها بصينية الخبز وردي غطيها 10 دقايق الى ربع ساعة وعقب حطي الصلصة والحشوات
تكونين مشغلة الفرن عالي
امسحي وجه المعجنات في بيض
ودخلي الصواني الفرن وخلى النار وسط
الاحجام الصغير ما تحتاج اكثر من 12 الى 15 دقيقية باخر 5 دقايق شغلي الفرن من فوق تتحمر
اهم ثلاث خطوات
1-العجينه تخلينها ترتاح مرتين بعد العجن وبعد الفرد والحشو
2- الفرن يكون حااااامي قبل لا تحطين الصواني فيه
3- لا تطول بالفرن شفتيها انتفخت او انتفشت شغلي من فوق
البيتزا الكاملة تحتاج وقت اكثر بالتخمير بعد الفرد وبالفرن
وهالعجينه انا اسوي منها فطاير وخلية نحل وسينامون​

 

[قطوووة]

يمكن تطولين العجين بالفرن

 

[قطوووة]

مممممممم انا اذكر كتبت طريقتي بالبيتزا والعجينه تهبل

برب ادورها

 

[قطوووة]

جربيها وادعي لي

وصفتي السريه للبيتزا العجيبة..مع الصوص



العجينه تصلح للبيتزا وغيرها ،، تقدرين تحشينها .. وتقلينها

جربت فيها شكثر هههههه


.


ملاحظة ان سويتيها بالفرن

دخليها فرن ساخن مسبقا ع درجة حرارة 180 او 200

خليها 10 دقايق او لما تشوفينها تنتفخ

 

[MiSS B.K]

اب اب اب اب

 

[khawla&tito]

ماقصرتو يابنات جارونه +ام الدرر +قطوه

يعطيكم العافيه بجرب واشوف